Yo‘lovchilarga oʻzbek tilida xizmat koʻrsatmagan Wizz Air aviakompaniyasiga chora koʻrildi
2024-yilning 9-noyabr kuni O‘zbekiston Ekologiya vazirining maslahatchisi Rasul Kusherbayev Samarqanddan Abu-Dabiga uchib ketmoqchi bo‘lgan. U samolyotga chiqqach, ekipaj a’zolari uning joyi avariya chiqish yonida ekanligini aytishgan va bu joyda o‘tirish majburiyatlarini ingliz tilida tushuntirishgan.
Kusherbayev bu ma’lumotni o‘zbek yoki rus tilida tushuntirib berishlarini so‘ragan. Biroq ekipaj a’zolaridan biri buni iloji yo‘qligini bildirib, undan samolyotni tark etishini talab qilgan.
Rasul Kusherbayev o‘shanda hech qanday nizoga kirishmaganini aytgan.
Samolyot oxir-oqibat Kusherbayev bilan birga parvoz qilgan, lekin Abu-Dabiga yetib borgach, ishga polisiya aralashgan. Huquq-tartibot organlari mojaroni hal qilish uchun tomonlarga kelishib olishni taklif qilgan, ammo Kusherbayev O‘zbekiston elchixonasiga murojaat qilishini bildirgan.
Keyinchalik Kusherbayevning pasporti Wizz Air xodimlari tomonidan suratga olingan va unga nisbatan sanksiyalar qo‘llanilgani, endi ushbu aviakompaniya xizmatlaridan foydalana olmasligi haqida ma’lumot berilgan.
Kusherbayev bu voqeani O‘zbekiston davlat tiliga nisbatan hurmatsizlik deb baholagan.
Shundan so‘ng Rasul Kusherbayev Raqobatni rivojlantirish va iste’molchilar huquqlarini himoya qilish qo‘mitasiga ariza bilan murrojaat qilgan. Qo‘mita uning Wizz Air aviakompaniyasi tomonidan ko‘rsatilgan xizmatlardan foydalanganda duch kelgan muammo yuzasidan murojaatini ko‘rib chiqdi.
“Qo‘mita tomonidan Transport vazirligiga o‘rganishlar yuzasidan so‘rov xati yuborildi. Natijada o‘zboshimchalik bilan xatti-harakatlarni amalga oshirgan mazkur aviakompaniya xodimlariga nisbatan chora ko‘rildi. Yo‘l qo‘yilgan qonunbuzilishda yuzaga kelgan kamchilik va xatolarni bartaraf etish maqsadida ekipaj a’zolariga parvozlar xavfsizligini ta’minlash, muomala madaniyati, har bir mamlakatning parvozga aloqador qonunlari va tartib-taomillari hamda aviayo‘lovchilarni hurmat qilish bo‘yicha trening kurslari yo‘lga qo‘yildi.
Shuningdek, aviakompaniya 2025 yilda O‘zbekistonga xizmat ko‘rsatuvchi har bir havo kemasida bort kuzatuvchi va xizmat ko‘rsatuvchi personallar o‘zbek tilida faoliyat yuritishini yo‘lga qo‘yilishi ta’minlandi”, deyiladi qo‘mita e’lon qilgan xabarda.
Ma’lumot uchun: Wizz Air Vengriyaning arzon aviakompaniyasi bo‘lib, shtab-kvartirasi Vengriyaning Vechsh shahrida joylashgan. Asosan Markaziy Yevropa bozorida faoliyat yurituvchi kompaniya Yevropaning qator a’roportlarida bazalariga ega.
Aviakompaniya 2003-yilda tashkil etilgan. U 35 mamlakatdagi 100 ga yaqin kichik va o‘rta a’roportlarga parvozlarni amalga oshiradi.
Facebook | Instagram | @vatandosh_tv | Youtube
2024-yilning 9-noyabr kuni O‘zbekiston Ekologiya vazirining maslahatchisi Rasul Kusherbayev Samarqanddan Abu-Dabiga uchib ketmoqchi bo‘lgan. U samolyotga chiqqach, ekipaj a’zolari uning joyi avariya chiqish yonida ekanligini aytishgan va bu joyda o‘tirish majburiyatlarini ingliz tilida tushuntirishgan.
Kusherbayev bu ma’lumotni o‘zbek yoki rus tilida tushuntirib berishlarini so‘ragan. Biroq ekipaj a’zolaridan biri buni iloji yo‘qligini bildirib, undan samolyotni tark etishini talab qilgan.
Rasul Kusherbayev o‘shanda hech qanday nizoga kirishmaganini aytgan.
Samolyot oxir-oqibat Kusherbayev bilan birga parvoz qilgan, lekin Abu-Dabiga yetib borgach, ishga polisiya aralashgan. Huquq-tartibot organlari mojaroni hal qilish uchun tomonlarga kelishib olishni taklif qilgan, ammo Kusherbayev O‘zbekiston elchixonasiga murojaat qilishini bildirgan.
Keyinchalik Kusherbayevning pasporti Wizz Air xodimlari tomonidan suratga olingan va unga nisbatan sanksiyalar qo‘llanilgani, endi ushbu aviakompaniya xizmatlaridan foydalana olmasligi haqida ma’lumot berilgan.
Kusherbayev bu voqeani O‘zbekiston davlat tiliga nisbatan hurmatsizlik deb baholagan.
Shundan so‘ng Rasul Kusherbayev Raqobatni rivojlantirish va iste’molchilar huquqlarini himoya qilish qo‘mitasiga ariza bilan murrojaat qilgan. Qo‘mita uning Wizz Air aviakompaniyasi tomonidan ko‘rsatilgan xizmatlardan foydalanganda duch kelgan muammo yuzasidan murojaatini ko‘rib chiqdi.
“Qo‘mita tomonidan Transport vazirligiga o‘rganishlar yuzasidan so‘rov xati yuborildi. Natijada o‘zboshimchalik bilan xatti-harakatlarni amalga oshirgan mazkur aviakompaniya xodimlariga nisbatan chora ko‘rildi. Yo‘l qo‘yilgan qonunbuzilishda yuzaga kelgan kamchilik va xatolarni bartaraf etish maqsadida ekipaj a’zolariga parvozlar xavfsizligini ta’minlash, muomala madaniyati, har bir mamlakatning parvozga aloqador qonunlari va tartib-taomillari hamda aviayo‘lovchilarni hurmat qilish bo‘yicha trening kurslari yo‘lga qo‘yildi.
Shuningdek, aviakompaniya 2025 yilda O‘zbekistonga xizmat ko‘rsatuvchi har bir havo kemasida bort kuzatuvchi va xizmat ko‘rsatuvchi personallar o‘zbek tilida faoliyat yuritishini yo‘lga qo‘yilishi ta’minlandi”, deyiladi qo‘mita e’lon qilgan xabarda.
Ma’lumot uchun: Wizz Air Vengriyaning arzon aviakompaniyasi bo‘lib, shtab-kvartirasi Vengriyaning Vechsh shahrida joylashgan. Asosan Markaziy Yevropa bozorida faoliyat yurituvchi kompaniya Yevropaning qator a’roportlarida bazalariga ega.
Aviakompaniya 2003-yilda tashkil etilgan. U 35 mamlakatdagi 100 ga yaqin kichik va o‘rta a’roportlarga parvozlarni amalga oshiradi.
Facebook | Instagram | @vatandosh_tv | Youtube