Bosh prokuratura

Бош прокурорнинг биринчи ўринбосари Б.Валиев раҳбарлигидаги ишчи гуруҳи томонидан Давлат раҳбарининг жорий йилнинг 16 январь куни “Инвестицияларни кенг жалб этиш, экспорт ҳажмларини ошириш борасидаги ишлар натижадорлиги ҳамда келгусидаги асосий вазифалар”ига бағишлаб ўтказилган видеоселектор йиғилишида берилган топшириқлар ижроси бўйича Андижон вилоятида хорижий инвестициялар ҳамда халқаро молия институтлари маблағлари асосида ўзлаштирилиши белгиланган лойиҳаларни амалга оширишдаги муаммолар ўрганилди.

Жумладан, ўрганишларда:

- Андижон туманида ташкил этилган “Ипак йўли” эркин иқтисодий зонасида хитойлик инвесторлар иштирокида амалга оширилаётган “TIAN JIAO HONGAN AGRICULTURE HIGHTECH” МЧЖ ҚКнинг қиймати 8,4 млн. долларлик “Қалампир маҳсулотларини чуқур қайта ишлаш саноат парки” лойиҳаси бевосита жойига чиққан ҳолда ўрганилди.

Ўрганиш жараёнида лойиҳани тўлиқ қувватда ишлаши ва қўшимча қалампир маҳсулотларини етиштириши учун Жалақудуқ ва Олтинкўл туманларидан 1 400 гектар ер майдонларига эҳтиёжи мавжудлиги аниқланди.

Шунингдек, “MPRINT PRO” МЧЖ томонидан қиймати 3 млн. долларлик “Гофра каробка ва “Flexo” босмахона махсус эластик материаллардан қадоқлар ишлаб чиқариш” лойиҳаси ҳам ўрганилди.

Шу каби, ишчи гуруҳи томонидан вилоятнинг барча туман (шаҳар)ларида ўрганишлар якунланиб жами 103 та лойиҳалар бўйича 33 та муаммоли масалалар аниқланди.

Шундан, вилоят ва туман (шаҳар)лар даражасида бўлган 10 та муаммолар жойида қонуний ҳал этилиши юзасидан мутасаддиларга топшириқлар берилиб, ижроси алоҳида назоратга олинди.

Қолган республика даражасидаги 23 та муаммоларни ҳал этилиши бўйича тегишли Чора-тадбирлар дастури ишлаб чиқилиб, Ҳукумат комиссиясига киритилди.

Бу йўналишдаги тадбирлар давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Наманган вилояти прокурори У.Мадрахимов томонидан ёқилғи-энергия ресурсларидан фойдаланиш устидан давлат назоратини самарали ташкил этиш ва мувофиқлаштириш бўйича вилоят штабининг кенгайтирилган йиғилиши ўтказилди.

Видеоселектор шаклида ўтказилган йиғилишда тармоқ раҳбарлари, туман (шаҳар) прокурорлари, ИИБ, МИБ, Департамент, Ўзэнергоинспекция бошқармалари, таъминот корхоналарининг вилоят ва туман (шаҳар) тизими раҳбарлари ҳамда ҳокимларнинг ўринбосарлари қатнашди.

Унда, ёқилғи - энергия ресурсларидан самарали фойдаланиш, иқтисод қилиш, йўқотишларни камайтириш, талон - торожликларнинг олдини олиш ва сифатли хизмат кўрсатиш борасидаги фаолият сарҳисоби танқидий муҳокама қилинди.

Масъулларга иқтисодиёт тармоқлари ҳамда аҳоли хонадонларига қайта тикланувчи энергия манбаларини кенг жорий этиш, талон – торожликларнинг олдини олиш ҳамда соҳадаги долзарб топшириқлар ижросини таъминлаш бўйича кўрсатмалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Сурхондарё вилояти прокурори Б.Бабаджанов Ангор туманида бўлиб, туманнинг "Баҳор" ва "Илғор" маҳаллаларида етиштирилаётган қишлоқ хўжалиги маҳсулотлари экспорти жараёни билан танишди.

Маҳаллий аҳоли хонадонларида "Сайхунобод тажрибаси" асосида ташкил этилган ишлар кўздан  кечирилиб, ижтимоий ҳимояга муҳтож оилалар шароити ўрганилди.

Ўрганиш давомида, туман марказий буюм бозорида жамоат ва мулк хавфсизлигини таъминлаш борасида амалга оширилаётган ишлар билан танишилди.

Шунингдек, мактаб биносида вилоят прокурорининг аҳоли билан учрашуви ташкил этилиб, жиноятчиликни олдини олиш ва ҳуқуқбузарлик профилактикасини таъминлаш борасида жамоатчилик назоратини кучайтириш таъкидланди.

Аҳолининг таклиф ва мурожаатлари тингланиб, мутасаддиларга тегишли кўрсатмалар берилиб, ижроси назоратга олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Наманган вилояти прокурори У.Мадрахимов бошчилигида аҳоли билан яқиндан мулоқот қилиш ва улардаги муаммоларни ўрганиш мақсадида Наманган ҳамда Тўрақўрғон туманларидаги хонадонлар ўрганилмоқда.

Масъул идора раҳбарлари иштирокида оилаларнинг яшаш шароитлари билан танишиб суҳбатлашилди, билдирилган муаммо ва таклифлар бўйича ишларни ташкиллаштириш юзасидан аниқ кўрсатмалар берилди.

Шунингдек, Президентнинг
03.01.2025 йилдаги “2025 йилда Республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ-1-сон қарори ижроси юзасидан муайян ишлар амалга оширилмоқда.

Хусусан, вилоят прокурори Тўрақўрғон туманидаги “қизил” тоифадаги “Янги обод" маҳалласида бўлиб, Қарорнинг мазмун-моҳияти тушунтирилди.

Бундан ташқари, ижтимоий профилактикани амалга ошириш, ёшлар, аёллар ва ишсизлар томонидан оила-турмуш муносабатлари доирасида содир этиладиган жиноятларни олдини олишда маҳалла еттилиги ҳар бир вакилининг вазифалари ва амалиётдаги муаммолар муҳокама қилинди.

Жиноятчиликни барвақт олдини олиш борасидаги фаолият самарадорлигини ошириш бўйича тегишли чора-тадбирлар белгиланди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook