Xalq ta'limi xodimlari | RASMIY KANAL

​​ЎҚИТУВЧИЛАР ПЕНСИЯГА УЛГУРИШАДИМИ?

Ижтимоий тармоқларда Жаҳон банки томонидан Ўзбекистонда пенсия ёшини 65 ёшга кўтаришни тавсия қилинаётгани, постсовет ҳудудлар хусусан: Латвия, Литва, Молдова каби давлатлар аллақачон пенсия ёшини кўтаргани, фақат Ўзбекистон қолиб кетгани тўғрисидаги хабарлар кўпаймоқда.
Санъаткорларимиз ҳам бу борада клип олишиб 60 ёшда нафақага чиқиб хафа бўлиб ўтирган “ёшгина” қариялар тўғрисидаги тарғиботни бошлаб юборишган.
Хўш, бизнинг давлатимизга бу тавсия тўғри келадими?
Негаки, айнан мана шу Жаҳон банки томонидан кўрсатилган -1991 йилдан 2024 йилгача аҳоли ўсиш прогнозида Латвия давлатида аҳоли 26,92 фоизга, Молдова эса одамлар деярли тенг ярмига, яъни: 44,19 фоизга камайиб кетгани кўрсатилган. Бошқа давлатлар аҳолиси ҳам ҳам деярли шу атрофда камайган.
Ўзбекистон аҳолиси эса 79.43 фоизга, яъни 16 миллион 600 минг одамга кўпайган.
Хўш, нима учун Молдовани мисол келтириб қилинган тавсияда Ўзбекистон аҳолиси ўша давлатлар аҳолисидан 16 баробар кўп эканлиги ҳисобга олинмаган?
Нима учун миллионлаб ўзбекистонлик ёшлар ишсизлик туфайли чет давлатларга иш қидириб мардикорликка кетганидан кўз юмилган???
Нимага 37 миллондан зиёд аҳолининг нон топиши, кун кўриши учун иш ўринлари зарурлиги, ечим сифатида эса пенсияга эртароқ чиқариб иш ўринларини ёшларга бўшатиш лозимлиги ўйлаб кўрилмаган?
Ахир пенсиянерлар давлатнинг чўнтагини ўмариб эмас, ўттиз, қирқ йил ишлаб тўлаган солиқлари ҳисобидан пенсия пули олишади-ку!
Шунингдек, нима учун бу тавсияда Ўзбекистоннинг экологик фалокати – Оролнинг оқибатлари, унинг одамлар соғлигига таъсири, хусусан Хоразм, Қорақалпоқ аҳолисининг соч соқоли эрта оқариб, тишлари тўкилиб эрта қариётгани ҳисобга олинмаган?
Қолаверса, энг қийин касиб эгалари ўқитувчи устозларимиз бу ёшга ета олармикан? Улар ўзлари учун қачон яшайдилар?...
Мирзабек ЖАПАҚОВ, ҳуқуқшунос журналист.

👇👇👇👇
https://t.me/ustozlar_uchun

​​😅 Синф раҳбари «бир кунлик журнал» да фанлар остидаги «PR» устунига ҳар кунлик давомат белгиларини қуйидаги тартибда қўйиб боради:

s — ҳеч қандай сабабсиз дарс қолдирганлигини кўрсатиш учун;
dq — сабабли дарс қолдирганлигини кўрсатиш учун;
k — касаллик сабабли дарс қолдирганлигини кўрсатиш учун;
kq — дарсга кечикиб керганлигини кўрсатиш учун;
m — сурункали дарс қолдираётганлигини кўрсатиш учун;
ch — республикадан ташқарига рухсатсиз чиқиб кетганлигини кўрсатиш учун;
q — таълим олишга ота-онаси қаршилик қилаётганлигини кўрсатиш учун;
ns — ота-она назоратсизлиги сабабли дарсга келмайдиганлигини кўрсатиш учун;
tq — турмушга чиққанлиги туфайли дарсга келмайдиганлигини кўрсатиш учун қўйиш белгиланади.

Фан ўқитувчилари томонидан ўқувчиларнинг дарсдаги давоматлари дарс бошланишида онлайн тарзда қуйидаги тартибда қайд этилади:

s — ҳеч қандай сабабсиз дарс қолдирганини кўрсатиш учун;
kq — дарсга кечикишни кўрсатиш учун.(бахолаш мумкин).

👇👇👇👇
https://t.me/ustozlar_uchun

​​СОАТБАЙ ҲАҚ ОЛАДИГАН ЎҚИТУВЧИГА УСТАМА ТЎЛАНМАЙДИ(МИ)

Ўзбекистон Республикаси Олий таълим, фан ва инновациялар вазирлиги ҳамда Мактабгача ва мактаб таълими вазирлигининг 2024-йил 29-майдаги 3515-сонли “Хорижий тиллар ва умумтаълим фанларини билиш даражасини белгиловчи миллий ва халқаро тан олинган сертификатлар рўйхатини тасдиқлаш тўғрисида”ги қарори келтирилган изоҳнинг 8-бандига асосан умумий ўрта, ўрта махсус ва профессионал таълим тизимида фаолият юритаётган ўқитувчиларга (шу жумладан, *соатбай*, ўриндош, стажёр ўқитувчи, директор ва директор ўринбосарлари) ўзи дарс берадиган фани бўйича сертификатга эга педагог ходимларга ҳар ойлик қўшимча устама тўлаш назарда тутилган.

📌 Яъни, соатбай, ўриндош, стажёр ўқитувчи, директор ва директор ўринбосарлари ўзи дарс берадиган фани бўйича сертификатга эга бўлсалар, уларга ҳам устама умумий тартибда тўланаверади.

👇👇👇👇
https://t.me/ustozlar_uchun

​​🏅 Ушбу шеърим  Ўзбекистон Республикаси Қуролли Кучлари ташкил  этилганининг 33 йиллиги ва 14 январь  Ватан ҳимоячилари кунига бағишланади.

Ватан менинг шонимсан!

Мен ёшликдан яхши кўрган,
Оловқалб қаҳрамонлар.
Сиз туфайли элим тинч,
Раҳмат, жасур посбонлар.

Ватан! Номинг бунчалар,
Завқ бағишлар дилимга.
Сен қудратим-шонимсан,
Куч бергансан кўнглимга.

Сен Муқанна,  Темур Малик,
Қўрқмас ботир оловдан.
Генерал Собир Раҳимовсан,
Ўч олган қўрқмай ёвдан.

Беш ўғли жангдан қайтмай,
Умидла кутган онасан.
Сен Ватансан,қудрати буюк,
Бардошли Зулфия момосан.

Ўтмишингни гар ўйласам,
Кўпдир армон ёшлари.
Раҳмат ҳушёр аскарлар,
Сиз  тинчлик қуёшлари.

Бу кун осмон мусаффо,
Турмуш гўзал беғубор.
Қутлуғ бўлсин байраминг,
Ғам кўрма элим зинҳор!

✍️ Бахтиёр Йўлдошев
Ўзбекистон Ёзувчилар уюшмаси аъзоси.

👇👇👇👇
https://t.me/ustozlar_uchun

​​⚡️Дарс бўлмаган даврда ҳам ўқитувчилар мактабда фаолият юритиши зарур

❓Савол:

Мактабларда таътил бўлган вақти ҳам ўқитувчи ишга чиқиши керакми?

✅Жавоб:

Ўзбекистон Республикаси Меҳнат кодексининг 114-моддасига мувофиқ, ходим иш тартиби ёки графигига ёхуд меҳнат шартномаси шартларига мувофиқ ўз меҳнат вазифаларини бажариши лозим бўлган вақт иш вақти ҳисобланади.

Меҳнат кодексининг 125-моддасида иш берувчи ходимнинг ишлаган вақтини ҳисоблаб бориши шартлиги белгиланган. Иш берувчи ходимга бажарган иши учун ҳақ тўлайди (Меҳнат кодексининг 154-моддаси).

Қонунчиликка мувофиқ, умумий ўрта-таълим муассасалари педагог ходимлари ўз фаолиятини намунавий йиллик иш режа асосида амалга оширишади.

✅Педагоглар иш режаси икки йўналишдаги тадбирлар мажмуасидан иборат бўлиб, қуйидаги икки йўналишда шакллантирилади:

➡️ ўқув-тарбия жараёнига оид;
➡️ ўқув-тарбия жараёнининг методик таъминоти ва ташкилий-педагогик жараёнга оид.

Ўқув-тарбия жараёнининг методик таъминоти ва ташкилий-педагогик жараёнга оид йиллик иш режада ҳар бир педагог ходимнинг лавозим мажбуриятлари ҳамда у билан тузилган меҳнат шартномасида белгиланган вазифалар билан бир қаторда ўқувчиларни баркамол ва маънавий етук инсон этиб тарбиялаш мақсадида уларнинг қобилият ва истеъдодларини ривожлантиришни назарда тутган ҳолда, фанларни ўзлаштиришда қийналаётган ва иқтидорли ўқувчилар билан алоҳида машғулотлар олиб бориши ҳамда педагог ходимнинг ўз устида мустақил ишлаши назарда тутилади.

Ўқув-тарбия жараёнининг методик таъминоти ва ташкилий-педагогик жараён умумий ўрта таълим муассасасида олиб борилишини инобатга олган ҳолда, мактабда дарс бўлмаган даврда ҳам ўқитувчилар мактабда фаолият юритиши зарур.

👇👇👇👇
https://t.me/ustozlar_uchun

​​Ўқитувчига тўгарак ўтиш мажбуриятини юклаш тўғрими?

@Yurist_Xizmati 4892-савол:

Ассалому алайкум . Мен жисмоний тарбия фани укитувчисиман 12 соат дарсим бор менга мактаб директори дарсдансунг  хафтасига 3 ёоки 4 кун тугарак утасан деб айтади утмасанг ишдан кет деб айтади шу тугрими

ЮРИСТ ЖАВОБИ:

Ўзбекистон Республикаси Мактабгача ва мактаб таълими вазирининг 2024 йил 16 октябрдаги 334-сонли буйруғига 43–иловада тасдиқланган Умумий ўрта таълим мактаби (мактаб-интернат) ходимларининг лавозим йўриқномаларида ўқитувчининг лавозим мажбуриятлари белгиланган бўлиб, ўқувчиламинг қобилият ва истеъдодларини ривожлантиришни назарда тутган ҳолда, фанлами ўзлаштиришда қийналаётган ва иқтидорли ўқувчилар билан ишлаш мақсадида ўз фани бўйича тўгарак машғулотларини ташкил этиш ушбу мажбуриятлардан бири ҳисобланади.

❗️Шундай экан, сиздаги вазиятда директорнинг гаплари ҳуқуқий асосга эга. Чунки тўгарак ўтиш бу ўқитувчининг лавозим мажбуриятларида белгиланган.

👇👇👇👇
https://t.me/ustozlar_uchun