UNICON SOFT

“Avvallari bu orzu edi”: Google yorug‘lik nurlari orqali internet tarqatadi

Alphabet kompaniyasining X bo‘linmasi simsiz internet tarmog‘ini havoda yorug‘lik nuri orqali tashkil qilish uchun inqilobiy foton chipini ishlab chiqqanini maʼlum qildi. Yorug‘lik ko‘priklari bir-biridan 1 km masofada o‘rnatiladi va 10 Gbit/s aloqa tezligini taʼminlaydi.

Qulay sharoitlarda bu yechim optik tolali kanallar va hatto Starlink sunʼiy yo‘ldosh internetiga ham ehtiyoj qoldirmasligi mumkin. Buyog‘ini endi vaqt ko‘rsatadi...

🌐 Davomini o‘qish👉 https://us.uz/uz/news/post-315

🕊Telegram | 📱Instagram | 📱Facebook | 📹 YouTube

📣 Tizim yangiliklari

🟢 “MWC Barcelona-2025” kongressi
Ispaniyada bo‘lib o‘tayotgan Jahon mobil kongressida Raqamli texnologiyalar vazirligidan iborat delegatsiya vakillari ham ishtirok etmoqda. Mazkur tadbirda ishtirok etgan O‘zbekiston Raqamli texnologiyalar vaziri Sherzod Shermatov barcha xorijiy tashkilotlarni hamda yetakchi IT kompaniyalarni joriy yilning 21-22-may kunlari Toshkent shahrida oʻtkaziladigan “GSMA M360 Eurasia 2025” mintaqaviy tadbirigataklif qildi.

🟢 “Web Summit Qatar 2025”
Raqamli texnologiyalar vaziri o‘rinbosari Rustam Karimjonov rahbarligida delegatsiya dunyoning eng nufuzli texnologiya tadbirlaridan birida qatnashdi. Sun’iy intellekt, fintech va ta’lim texnologiyalari sohasidagi o‘zbek startaplari — “Tuzuk”, “Unitlab AI”, “Datageze”, “BITO” — investorlar e’tiborini tortib, global akseleratorlar bilan hamkorlik imkoniyatlariga ega bo‘ldi.

🟢 “Blockchain hackaton-2025”
27-28 aprel kunlari Raqamli texnologiyalar vazirligi Kongress-holida bo‘lib o‘tadigan musobaqa .UZ domenining 30 yilligiga bag‘ishlanadi. Musobaqada dasturchilar, markazlashmagan tizimlar bo‘yicha mutaxassislar va IT-entuziastlar ishtirok etishi mumkin.

🟢 “DevOpsDays — 2025” xalqaro forumi
Dasturiy ta’minot ishlab chiqish, IT-infratuzilma operatsiyalarini boshqarish mavzularini qamrab oluvchi global forum 24-may kuni Toshkent shahrida o‘tkaziladi. Bu haqda Raqamli ta’limni rivojlantirish markazi hamda “Proxima” kompaniyasi o‘rtasida imzolangan memorandumda so‘z boradi. Kelishuv, shuningdek, DevOps yo‘nalishidagi malakali mutaxassislarni tayyorlashni ham ko‘zda tutadi. Forum doirasida xorijiy va mahalliy ekspertlar ishtirokida taqdimotlar boʻlishi kutilmoqda.

🟢 1100 ta Coursera xalqaro sertifikati
IT Ta’lim Uyushmasi Toshkent axborot texnologiyalari universiteti talabalari uchun 1100 ta Coursera xalqaro sertifikatini bepul taqdim etdi. Sertifikat egalari dunyoning eng nufuzli universitetlari va yetakchi IT kompaniyalari tomonidan ishlab chiqilgan kurslardan tekin foydalanishlari mumkin. Coursera kurslarida tahsil olish talabalarga qanday afzalliklar berishi haqida mana bu yerda o‘qing.

🟢 Aytichi qizlarga davlat mukofoti berildi
O‘zbekiston Prezidentining qarori bilan “IT Investments Center Next Up hub Start-Up Studio” loyiha menejeri, “Anora” loyihasi asoschisi, AIESEC tashkilotining O‘zbekistondagi vakili, “Yangi O‘zbekiston” universiteti magistranti Ummatoy Yo‘ldasheva, TATU Farg‘ona filiali dasturiy injiniring kafedrasi assistenti Dilnoza, TATU Nukus filiali Kompyuter injiniringi mutaxassisligi boʻyicha 1-bosqich magistranti Biybinaz Turemuratova IT sohasidagi yutuqlari uchun “Zulfiya” nomidagi davlat mukofoti bilan taqdirlandi.

🟢 “Ideathon-2025”
Jizzax viloyatida IT yo‘nalishidagi startap g‘oyalar tanlovi bo‘lib o‘tdi. Unda 40 jamoa ishtirok etdi. Jamoalar tomonidan mamlakatda texnologiyalar rivojiga sezilarli ta’sir ko‘rsatishi mumkin bo‘lgan qiziqarli va istiqbolli startaplar taqdim etildi. G‘olib deb topilgan 3 ta jamoa hamda eng faol, eng yosh va eng innovatsion loyiha egalari tashkilotchilar tomonidan taqdirlandi.

🕊Telegram | 📱Instagram | 📱Facebook | 📹 YouTube

Robotlar endi odamlarga o‘xshab boryapti ...

Robotlar bir vaqtlar faqat insonlarga xos deb hisoblangan usulda – o‘zlarini kuzatish orqali o‘rganmoqda. Yaqinda o‘tkazilgan tadqiqot shuni ko‘rsatadiki, robotlar oddiy video tasvirlardan foydalanib, o‘z tuzilishi va harakatini tushunib olishi mumkin, deyiladi @republicaiuz‘da keltirilgan maqolada. Bu qobiliyat ularga o‘z harakatlarini moslashtirish va hatto inson aralashuvisiz shikastlanishlardan tiklanish imkonini beradi. Kolumbiya universiteti tadqiqotchilari robotlarga o‘z tanalarini chuqurroq tushunishga imkon beruvchi usulni ishlab chiqdi. Muhandislarning yordamiga tayanish o‘rniga, bu robotlar oddiy kameradan foydalanib, o‘z harakatlarini kuzatadi va o‘z tanalari qanday ishlashini o‘zlari o‘rganadi. “O‘z-o‘zini anglash”ni rivojlantirish orqali, bu mashinalar avtomatlashtirishni tubdan o‘zgartirib, robotlarni uylar, korxonalar va falokat zonalari kabi real muhitlarda yana-da mustaqil, moslashuvchan va samarali qilishi mumkin...

🌐 Davomini o‘qish👉 https://us.uz/uz/news/post-321

🕊Telegram | 📱Instagram | 📱Facebook | 📹 YouTube

Endi firibgarlarga oson bo‘lmaydi – telegram‘dan yangilik

Telegram yangi suhbatlarda foydalanuvchilar haqidagi qo‘shimcha maʼlumotlarni ko‘rsatishni sinovdan o‘tkazmoqda. Yangi suhbatlarda foydalanuvchilar haqidagi qo‘shimcha maʼlumotlar Telegramning Android operatsion tizimidagi beta-versiyasida ko‘rsatila boshlandi.

Jumladan, telefon raqami berilgan mamlakat va hisob qaydnomasi ro‘yxatdan o‘tkazilgan sana haqidagi maʼlumotlar ko‘rinadi, deb xabar bermoqda Telegram Info kanali.

Telegram-kanal maʼlumotlariga ko‘ra, Android operatsion tizimidagi 11.8 beta-versiyasida suhbatni boshlagan foydalanuvchi haqida qo‘shimcha maʼlumotlar aks ettirilgan...

🌐 Davomini o‘qish👉 https://us.uz/uz/news/post-320

🕊Telegram | 📱Instagram | 📱Facebook | 📹 YouTube

Mashhur messenjer o‘z faoliyatini yakunlamoqda

Skype messenjeri o‘zining X ijtimoiy tarmog‘idagi sahifasida 2025 yil may oyida faoliyatini to‘xtatishini maʼlum qildi.
Xabarda aytilishicha, yaqin kunlarda foydalanuvchilar o‘z hisob (akkaunt)laridan foydalanib, Microsoft Teams platformasiga o‘tishlari mumkin.
“Teams‘ga Skype hisobi bilan kirilganda, suhbatlar va kontaktlar ilovada avtomatik tarzda paydo bo‘ladi, shuningdek, to‘xtagan joyingizdan davom etishingiz mumkin bo‘ladi”, - deyiladi Microsoft blogida. Skype foydalanuvchilariga o‘z hisoblari bilan nima qilishni hal qilish uchun 5 maygacha muhlat beriladi, shundan so‘ng xizmatdan foydalanish imkoni bo‘lmaydi.
TechCrunch xabar berishicha, 2023 yil holatiga ko‘ra Skype‘dan 36 million kishi foydalangan, o‘shandan beri Microsoft yangi maʼlumotlarni eʼlon qilmagan. 2016 yilda xizmatning oylik auditoriyasi 300 million foydalanuvchini tashkil etgan.
Xabaringiz bor, 2000 yillarning boshida yaratilgan Skype messenjerini 2005 yilda eBay, olti yildan so‘ng esa Microsoft sotib olgan. Shundan keyin, kompaniya asta-sekin o‘zining boshqa aloqa vositalarini Skype bilan almashtira boshlagan. Teams esa 2016 yilda ishga tushirilgan. 2021 yilda Microsoft Skype for Business Online videokonferensiya xizmatini yopgan.
Eslatib o‘tish darkor, Skype messenjeri o‘z vaqtida axborot texnologiyalari va ayniqsa, ayti hamjamiyatning rivojlanishiga katta hissa qo‘shgan dastulardan biri hisoblanadi.

Darvoqe, siz Skype dasturidan fodalanganmisiz?

🌐 Davomini o‘qish👉 https://us.uz/uz/news/post-314

🕊Telegram | 📱Instagram | 📱Facebook | 📹 YouTube

“Yumaloq” videolar xavflimi?

Mutaxassislarning maʼlum qilishicha, firibgarlar jabrlanuvchining messenjerdagi hisobini buzib kirib, uning ovozi, yuz ifodalari va “yumaloq” videolari orqali muloqotdagi qiyofasidan keyingi aldovlar uchun foydalanishlari mumkin.
"Hamma bir-biri bilan “yumaloq” videolar orqali muloqot qilishni juda yoqtirib qoldi, bu tez, qulay va ko‘rgazmali. Sunʼiy intellektning rivojlanishini hisobga olsak, jabrlanuvchining ovozi, yuz ifodalari va qiyofasi firibgarlarga keyingi sxemalarda qo‘l keladi”, - deydi mutaxassis Alla Xrapunova.
Uning aytishicha, hisobni buzish orqali firibgarlar kontaktlarga ham kirish imkoniyatiga ega bo‘ladi, bu esa ularga “keyingi aldov halqasini boshlash” imkonini beradi.

Xo‘sh, bu haqda sunʼiy intellektning o‘zi qanday fikrda? @republicaiuz sayti Gemini SI-agentining javobini taqdim etmoqda.

🌐 Davomini o‘qish👉 https://us.uz/uz/news/post-319

🕊Telegram | 📱Instagram | 📱Facebook | 📹 YouTube

Google asoschisi xodimlariga haftasiga “hech bo‘lmaganda” 60 soat ishlashni taklif qilmoqda

“Nafaqa”dan qaytgan Google asoschisi Sergey Brin kompaniyaning sunʼiy intellekt sohasiga masʼul xodimlariga murojaat bilan chiqdi. RepublicAi‘da aytilishicha xizmat xati Google DeepMind bo‘limi xodimlariga yo‘naltirilgan, lekin u sunʼiy intellekt sohasining nozik tomonlarini aniq aks ettirgani bilan eʼtibor molik:

🌐 Davomini o‘qish👉 https://us.uz/uz/news/post-316

🕊Telegram | 📱Instagram | 📱Facebook | 📹 YouTube

“Copilot yordamida minglab maxfiy GitHub omborlariga kirish mumkin”

Copilot neyrotarmoq yordamchisi ilgari ommaviy bo‘lgan va maʼlumotlar to‘plamiga kiritilgan maxfiy GitHub omborlari asosida kod yaratishi mumkinligi maʼlum bo‘ldi. Bu haqda Isroilning Lasso kiberxavfsizlik kompaniyasi tadqiqotchilari xabar bermoqda.
Lasso kompaniyasi xodimlari Copilot tomonidan yaratilgan kodda o‘zlarining yopiq repozitoriyasi parchasini topishdi. Shundan so‘ng tadqiqotchilar maʼlumotlarning o‘rgatuvchi to‘plamga qanday kirganini aniqlash uchun tekshiruv boshladilar. Maʼlum bo‘lishicha, kompaniya xato tufayli qisqa muddatga repozitoriyni ochib qo‘ygan, bu vaqt tizimning kodni indekslashi va uni maʼlumotlar bazasiga kiritishi uchun yetarli bo‘lgan...

🌐 Davomini o‘qish👉 https://us.uz/uz/news/post-314

🕊Telegram | 📱Instagram | 📱Facebook | 📹 YouTube

Daniyada maktab va sinfdan tashqari mashg‘ulotlarda mobil telefonlar taqiqlanadi

Daniya hukumat komissiyasining tavsiyasiga ko‘ra, maktablar va sinfdan tashqari mashg‘ulotlarda mobil telefonlar taqiqlanadi. Rasmiylar, shuningdek, 13 yoshgacha bo‘lgan bolalarda shaxsiy smartfon yoki planshet bo‘lmasligi kerakligi to‘g‘risida qaror qabul qildi, deb xabar bermoqda The Guardian.
2023 yilda tashkil etilgan Daniya farovonlik komissiyasi shu hafta bolalar va yoshlar hayotini raqamlashtirish bo‘yicha hisobot taqdim etdi. 35 ta tavsiya orasida maktablar va sinfdan tashqari to‘garaklarda telefonlarni taqiqlash to‘g‘risidagi qonunni qabul qilish zarurligi taʼkidlangan...

🌐 Davomini o‘qish👉 https://us.uz/uz/news/post-313

🕊Telegram | 📱Instagram | 📱Facebook | 📹 YouTube

YouTube‘dagi podkastlar tomoshabinlari soni oylik 1 milliard ko‘rsatkichga yetdi

YouTube videoxostingi har oyda 1 milliard podkast tomoshabini borligini maʼlum qildi. Bu raqam raqobatdosh platformalar auditoriyasidan ancha yuqori. Masalan, 2023 yilda Spotify 100 million doimiy podkast tinglovchisi mavjudligini xabar qilgan bo‘lsa, Apple Podcasts bu ko‘rsatkich bo‘yicha yana-da orqada qolmoqda.
YouTube bu yutuqni platforma ijodkorlar va tomoshabinlar uchun podkastingda muhim ahamiyat kasb eta boshlaganini ko‘rsatuvchi muhim bosqich deb baholadi. Kompaniya taʼkidlashicha, YouTube‘ning podkast tajribasini yaxshilashga yo‘naltirilgan sarmoyalari o‘zini oqlamoqda.
Shuningdek, YouTube‘dan daromad oluvchi podkast mualliflari soni ham ortib borayotganligi ham aytib o‘tildi...

🌐 Davomini o‘qish👉 https://us.uz/uz/news/post-312

🕊Telegram | 📱Instagram | 📱Facebook | 📹 YouTube

Bitkoin “qulayapti” – so‘nggi 3 oyda ilk bor 84000 dollardan past baholandi

CoinMarketCap‘dagi maʼlumotlar shuni ko‘rsatmoqdaki chorshanba kuni bitkoin (BTC) 84 ming dollar atrofida savdo qilingan va bu bilan bozordagi eng yirik kriptovalyuta so‘nggi bor o‘tgan yilning noyabr oyida kuzatilgan ko‘rsatkichlar darajasiga tushib qolgan. CoinDesk resursida aytilishicha, bu pasayish baʼzi shtatlarning bitkoinlarda strategik zaxira yaratish to‘g‘risidagi qonun loyihalarini maʼqullashdan bosh tortgani bilan bog‘liq...

🌐 Davomini o‘qish👉 https://us.uz/uz/news/post-311

🕊Telegram | 📱Instagram | 📱Facebook | 📹 YouTube