🟦🟦🟦

15-yanvar kuni O‘zDJTUda “Parij-2024” Paralimpiyadasi kumush medali sovrindori Ro‘za Qo‘zieva va Dzyudo bo‘yicha O‘zbekiston chempioni Abdulla Tangriev ishtirokida davra suhbati bo‘lib o‘tdi.

Tadbirda universitet rektori Ilxomjon Tuxtasinov ishtirok etib, yoshlarni sportga rag‘batlantirish, Vatanparvarlikni rivojlantirish va milliy g‘ururni oshirish, shuningdek, O‘zbekiston sportidagi yuksak yutuqlarni davom ettirish, yoshlarni ilmiy va ma’naviy rivojlantirish borasidagi maqsadlar haqida o‘z fikrlarini bildirdi.

Tadbir davomida ishtirokchilar sport va yoshlarni qo‘llab-quvvatlash, yoshlarga yaratib berilayotgan imkoniyatlar va rag‘batlar haqida batafsil so‘zlab berdi.

Uchrashuv so‘ngida ishtirokchilar tashakkurnoma va esdalik sovg‘alari bilan taqdirlandi.

Ma’lumot uchun:

Ro‘za Qo‘zieva Parij-2024 Paralimpiyadasida -73 kg vazn toifasida 147 kg toshni ko‘tarib, kumush medalni qo‘lga kiritdi. U Tokioda ham kumush medali sohibi bo‘lgan. Ro‘zaning yutuqlari O‘zbekiston Paralimpiyasining tarixida yangi sahifa ochdi.

Abdulla Tangriev 2008-yilgi yozgi Olimpiya o‘yinlarining kumush medali sovrindori va 2011-yilgi jahon chempioni sifatida yosh avlodga ilhom manbai bo‘lmoqda. Shuningdek, u uch karra jahon chempionati bronza medali va Osiyo chempionatlarining besh karra g‘olibidir.

🌐 Biz ijtimoiy tarmoqlarda:
Telegram | Instagram | Facebook | Sayt