Ozodbek Nazarbekov

2024-2025-yillarda kuz-qish mavsumiga tayyorgarlik masalalariga bag‘ishlangan yig‘ilish o‘tkazdik

Yig‘ilishda markaziy apparati xodimlari hamda onlayn tartibda hududiy tizim tashkiloti rahbarlari bilan muhokama qilib oldik.

Batafsil: 👉 https://gov.uz/oz/madaniyat/news/view/28840

🚀 Telegram / 📷 Instagram

#Taqdimot

Bugun bir qator farmon va qaror loyihalari taqdimoti bilan tanishdik

Hujjat loyihalarida milliy madaniyatni keng targ‘ib qilish orqali xalqimizning ma’naviy-axloqiy va madaniy darajasini yanada yuksaltirish, aholi, ayniqsa, yoshlar qalbi va ongiga mustaqillik, yuksak ma’naviyat, insonparvarlik an’analariga sadoqat, milliy o‘zlikni anglash g‘oyalarini chuqur singdirish, moddiy va nomoddiy madaniy merosimizni yanada ommalashtirish, shuningdek, aholining madaniyat va san’at sohasidagi huquqiy madaniyatini yuksaltirishga doir ishlar samaradorligini yanada oshirishni maqsad qilingan loyihlar taqdimoti bilan tanishdik.

🚀 Telegram / 📷 Instagram

Maqomni birga kuylaymiz...

Xalqimiz madaniy merosining ajralmas qismi bo‘lgan milliy maqom san’ati o‘zining teran falsafiy ildizlari, betakror badiiy uslubi va boy ijodiy an’analari bilan ma’naviy hayotimizda alohida o‘rin egallaydi.

Ushbu noyob boylikni asrab-avaylash, undan dunyo ahlini bahramand qilish, yoshlarimiz qalbida milliy mumtoz san’atimizga hurmat va e’tibor tuyg‘ularini kamol toptirish maqsadida mamlakatimizda juda katta ishlar amalga oshirilmoqda.

Masalan, bugungi kunda maqom san’ati butun respublikamiz bo‘ylab, boshlang‘ich ta’limdan tortib, akademik fan darajasigacha bo‘lgan bosqichlarda uzluksiz tarzda o‘rganilmoqda. Buning ahamiyati nihoyatda katta. Chunki maqom inson qalbi va ruhini tarbiyalaydi, uning estetik didi va tafakkurini shakllantiradi. Shaxs sifatida kamol topishida katta o‘rin tutadi. Shuning uchun ham maqom san’atini keng targ‘ib qilish bo‘yicha turli loyihalarga qo‘l urilmoqda.

Bu borada televideniyening roli katta. Shu bois “Navo” telekanalida “Maqomni birga kuylaymiz” nomli yangi koʻrsatuv tashkil etildi. Kuni kecha O‘zbek milliy maqom san’ati markaziga tashrif buyurib, ushbu koʻrsatuvning ilk sonini suratga olish jarayonida ishtirok etdik.

Mazkur loyiha orqali xalqimizga maqomning moʻjizakor ohanglari va mahoratli san’atkorlarimiz ijrosini yanada keng namoyish etishni rejalashtirganmiz. Tashrif mobaynida Yunus Rajabiy nomidagi “Maqom” ansamblining ijodiy jarayonlari, yangi loyiha doirasidagi ijodiy faoliyati bilan yaqindan tanishdik.

Fursatdan foydalanib, maqom san’ati fidoyilariga, yangi ko‘rsatuv ijodkorlariga boshlangan xayrli ishda ulkan muvaffaqiyat tiladik.

🚀 Telegram / 📷 Instagram