Ozodbek Nazarbekov

Vatan himoyasi – eng ulug‘ va sharafli ish

Barcha yurtdoshlarimizni mamlakatimiz hayotidagi muhim sana – O‘zbekiston Qurolli Kuchlari tashkil etilganining 33 yilligi hamda Vatan himoyachilari kuni bilan samimiy tabriklayman.

Dunyo miqyosida turli tahdid va xavf-xatarlar kuchaygan bugungi davrda osoyishtalikni saqlash, osmonimiz musaffoligini ta’minlash o‘z-o‘zidan bo‘ladigan ish emas. Buni har birimiz chuqur his qilamiz. Mana shunday murakkab sharoitda yurtning zabardast farzandlari hamisha sergak, ogoh va hushyor bo‘lib, Vatanimiz mustaqilligi, chegaralarimiz daxlsizligi, sizu bizning tinch va osoyishta hayotimizni munosib himoya qilishmoqdaki, buning uchun ularga har qancha minnatdorlik bildirsak arziydi.

Zero, Prezidentimiz ta’kidlaganlaridek, xalqimiz mard va jasur harbiylarimiz timsolida Vatanni himoya qilishdek dunyodagi eng ulug‘ ishni sharaf bilan ado etib, Jaloliddin Manguberdi, Amir Temur, Bobur Mirzo singari buyuk ajdodlarimizning shonli an’analarini munosib davom ettirib kelayotgan ona yurtimizning chinakam qalqonlarini ko‘radi.

El-yurtimizning mana shunday yuksak mehri va ishonchi sizlarga doimo yor bo‘lsin!

Barchangizga mustahkam sog‘liq, oilaviy baxt, olijanob va mas’uliyatli xizmat vazifangizda ulkan zafarlar tilayman.

Yurtimiz tinch, osmonimiz musaffo, jonajon Vatanimizning sodiq farzandlari, qalqonlari hamisha omon bo‘lsin!

🚀 Telegram / 📷 Instagram

Hurmatli prokuratura organlari xodimlari!

Sizlarni bugungi kasb bayramingiz bilan chin dildan tabriklayman!

Mamlakatimizda qonun ustuvorligini taʼminlash, jamiyat va davlat manfaatlarini himoya qilish, huquqbuzarliklarning oldini olish, aholining huquqiy madaniyatini yuksaltirishda sizlarning hissangiz beqiyos.

Ushbu sharafli va masʼuliyatli vazifani ado etishda barchangizga sihat-salomatlik, xonadonlaringizga tinchlik-xotirjamlik, baxtu saodat tilayman. Adolat bayrog‘ini baland tutib, xalqimiz ishonchini oqlash yo‘lida doimo muvaffaqiyat yor bo‘lsin.

🚀 Telegram / 📷 Instagram

Bugungi siyosatning bosh maqsadi – odamlarni rozi qilish. Ayni mana shu mezon har qaysi sohada islohotlarning borishiga, natijadorligiga bevosita ta’sir ko‘rsatadi. Ya’ni, aholi bilan yuzma-yuz muloqot qilish, murojaatlarini tinglash orqali ularni qiynayotgan muammolarga nafaqat yechim topish, balki mavjud kamchiliklarni aniqlab, zarur choralar ko‘rishga ham katta turtki beradi. Qolaversa, bunday ochiq va shaffof tizim yangi tashabbuslarga keng yo‘l ochadi.

Shu bois biz Madaniyat vazirligi tizimida odamlarga ko‘proq quloq tutish, ularning to‘g‘ridan-to‘g‘ri mas’ul rahbarlarga murojaat qilishi uchun yanada keng imkoniyatlar, qulayliklar yaratishga intilyapmiz. Xususan, yaqinda “Onlayn qabul” tashkil qildik. Unda shaxsan o‘zim, vazirlik markaziy apparati boshqarma va bo‘lim boshliqlari, hududiy madaniyat organlari rahbarlari ishtirok etdi.

E’tiborlisi, ushbu qabulni o‘tkazishimiz haqida e’lon berganimizda juda ko‘plab murojaatlar kelib tushdi. Bunday faollik, ochig‘i, bizni quvontirdi. Bir qancha yurtdoshlarimiz bilan ekran orqali, masofaviy shaklda suhbatlashdim, qiynayotgan muammolarini tingladim. Ularni hal etish bo‘yicha tegishli mas’ullarga joyida topshiriqlar berdim.

Biz bunday “Onlayn qabul”larni joriy yil davomida muntazam o‘tkazamiz. Modomiki, bizning vazifamiz xalqimizga xizmat qilish ekan, vazirlik faoliyatiga taalluqli har qanday murojaatni eshitishga tayyormiz va albatta, ularga yechim topish yo‘lida bor bilim, kuch va salohiyatimizni ishga solamiz.

🚀 Telegram / 📷 Instagram

Sizni kirib kelayotgan Yangi – 2025-yil bilan samimiy tabriklayman.

Qalblarimiz pok niyatlarga to‘lib turgan ushbu quvonchli lahzalarda Sizga sihat-salomatlik, xonadoningizga fayz-baraka, oilangizga tinchlik-xotirjamlik tilayman.

Barcha ezgu maqsadlaringiz ro‘yobga chiqsin! Jonajon Vatanimiz taraqqiyoti yo‘lida xizmat qilish baxti Sizni hech qachon tark etmasin!

Yurtimiz tinch, osmonimiz musaffo bo‘lsin!

2025-yil baxt va omad, yangi yutuq va zafarlar olib kelsin!
 
🚀 Telegram / 📷 Instagram

Yetti yillik tanaffusdan keyin, ilk marotaba sahnaga chiqqandek hayajonlandim.

Bu men uchun juda katta his-tuyg‘ularni taqdim etdi.

🚀 Telegram / 📷 Instagram