# hikoya
50 foiz emas 20 foiz ustama olishga mahkum qilingan o’zbek tili fani o’qituvchining vazirlikdagi rahbar o’quvchisiga xati
Salom bolam ,kechira olsang meni kechir . O’shanda seni-odam bo’lmaysan , fikrlashing nol , kallang ishlamaydi -deb koyiganlarim uchun . Ko’ryapsanmi senga aytgan hamma koyishlarim esimda ,men bu gaplarimni kamerani ortga qaytib ko’rib olib aytayotganim yo’q . Bilasanmi ,nima uchun esimda.Chunki ,o’qituvchi zoti kun bo’yi gapirgan gaplarini tahlil qilib keyin uxlaydi ,agar uxlay olsa. Kimgadir qattiq gapirgan bo’lsa pushaymonlik uni qiynaydi ,qaysidir o’quvchi uni bexurmat qilgan bo’lsa uni o’ylab aziyat chekadi . O’zini emas ,oilasini emas ,o’quvchilarini o’ylab iztirob chekadi . Buni qara ,bolam ,o’zbek tilidagi -qiynaldi so’zining hamma sinonimini qo’llab gap tuzsa ham o’qituvchining bisoti kamaymas ekan . Qiynaldi ,aziyat chekdi , mashaqqat tortdi ,azoblandi …..Kimdir shu mavzuda ilmiy ish qilsa bo’larkan .
Aytgancha ,sen ilmiy ish qilganingdan keyin yo’qotgan mol-hollarni o’rnini o’n baravar qilib to’ldiribsan . Shuni aytsalar kerak-da : eng zo’r sarmoya ,ilmga tikilgan sarmoya deb .
Nima deb turgandim …. Uxlay olsa ,deganimga hayron bo’lma ,(senga ) SIZ ga o’xshagan o’quvchilar asabimizni tugatib yuborganidan ,nafaqaga chiqqach uyqu dori bilan uxlaydigan bo’lib qoladi ekan . Uyqu ham ne’mat o’g’lim .
Qarigandan keyin odam ezma bo’lib qolarkan ,xafa bo’lmaysan . Nima deyayotgan edim …Ha ,yaqinda bir joyda ko’rib qoldim – ona tili va o’zbek tili o’qituvchini ikkiga ajratibsan ,bittasiga 50 foiz ,bittasiga 20 foiz ,bolajonim g’alati emasmi ? Yoki sen o’shanda -qo’lingdan hech ish kelmaydi -degan gapimni ko’nglingga olganmiding. Men seni o’ylab gapirganman bolam .Otangga rahmat bolam ,otangga . Seni superkontraktda bo’lsa ham ,ilmga sarmoya kiritishdan qochmadi . Yaqinda -onangni ko’rdim ,bolam onangni . Seni katta ishda ishlayapti ,meni odam bo’lmaydi -deganlarga ko’rsatib qo’yaman dedi o’g’lim deb qoldi . Shunda ‘’kontaktim chaqib qoldi “ shoshma dedim ,men sabab butun o’zbek tili o’qituvchilari aziyat chekkan bo’lib chiqdimi deb o’ylab qoldim . Meni ko’ra olmaganlar ko’rib qo’ysin -debsan ,Qayerdan keladi bunaqa fikrlar kallangga seni .
Unaqa fikrlarni miyangdan chiqarib yubor . Nimaga o’zbek tili fani o’qituvchilari uchun 20 foiz ustama deding ,bolam . Ular darsni ikkiga bo’lib o’tadi -shungami ? Unaqa desam ,rus tili ,ingliz tili-chi ? O’zbek tililar C darajaga ustama oladimikan desam ,bu ham xató ekan.
O’qituvchi bor pulini ta’limga tikadi -bilasanmi ,nega hammaga -o’qi ,o’qi -desa-yu o’z bolasi o’qimasa.Shu desang nomus kuchli ,birovga aytma bolam .Birovga aytgiligi yo’q ! Katta o’g’lim bir kimyoga bordi -doktor bo’laman dedi ,bir huquqqa bordi -yurist bo’laman dedi .bir ingliz tiliga bordi ,oxiri o’ylab -o’ylab men ham o’qituvchi bo’laman -dedi . Na sertifikati bor ,na tuzuk quruq bilimi . 59 bal oldi ,59 bal-a ! Maktabimiz o’qishga kirish bo’yicha yashil rangda ,mening oilamda esa qip qizil rang. Katta farzand , o’ylab netmay superkontrakt qildik . O’qituvchi shu -da ,boshqalarni farzandini o’qitib -o’qitib o’z farzandini unutib -unutib qo’yadi .
Superkontarkt qilganimizdan buyon kredit olib bir to’ladim , gap o’ynab ikki to’ladim ..Qarz olib uch to’ladim …Yaqinda -Ona tili juda oson ( baraka topishsin shular ) kanalida tayyorlanib B+ sertifikat olgandim . Endi qiynalmas ekanman to’rtinchi to’lovga desam ,o’zimcha 50 foiz ustamani hisoblab tursam -bu yoqdan 50 emas 20 foiz degan mish mishlar . Pedkadr deganga yozsam ham buni tasdiqladi . Xullas,senga aytmoqchi bo’lganim shu . Kechira olsang kechir ,lekin shaxsiy xusumatni deb ,ko’pchilikka jabr qilib qo’yyapsan ,bolam .Tanangga o’ylab ko’r . Endi katta odam bo’lib ketding .Unutma sendan buyuk Alloh bor. Bir kun hammamiz uning huzuriga boramiz.
Hamid Qurbonboyev
https://t.me/ona_tili_Qurbonboyev
50 foiz emas 20 foiz ustama olishga mahkum qilingan o’zbek tili fani o’qituvchining vazirlikdagi rahbar o’quvchisiga xati
Salom bolam ,kechira olsang meni kechir . O’shanda seni-odam bo’lmaysan , fikrlashing nol , kallang ishlamaydi -deb koyiganlarim uchun . Ko’ryapsanmi senga aytgan hamma koyishlarim esimda ,men bu gaplarimni kamerani ortga qaytib ko’rib olib aytayotganim yo’q . Bilasanmi ,nima uchun esimda.Chunki ,o’qituvchi zoti kun bo’yi gapirgan gaplarini tahlil qilib keyin uxlaydi ,agar uxlay olsa. Kimgadir qattiq gapirgan bo’lsa pushaymonlik uni qiynaydi ,qaysidir o’quvchi uni bexurmat qilgan bo’lsa uni o’ylab aziyat chekadi . O’zini emas ,oilasini emas ,o’quvchilarini o’ylab iztirob chekadi . Buni qara ,bolam ,o’zbek tilidagi -qiynaldi so’zining hamma sinonimini qo’llab gap tuzsa ham o’qituvchining bisoti kamaymas ekan . Qiynaldi ,aziyat chekdi , mashaqqat tortdi ,azoblandi …..Kimdir shu mavzuda ilmiy ish qilsa bo’larkan .
Aytgancha ,sen ilmiy ish qilganingdan keyin yo’qotgan mol-hollarni o’rnini o’n baravar qilib to’ldiribsan . Shuni aytsalar kerak-da : eng zo’r sarmoya ,ilmga tikilgan sarmoya deb .
Nima deb turgandim …. Uxlay olsa ,deganimga hayron bo’lma ,(senga ) SIZ ga o’xshagan o’quvchilar asabimizni tugatib yuborganidan ,nafaqaga chiqqach uyqu dori bilan uxlaydigan bo’lib qoladi ekan . Uyqu ham ne’mat o’g’lim .
Qarigandan keyin odam ezma bo’lib qolarkan ,xafa bo’lmaysan . Nima deyayotgan edim …Ha ,yaqinda bir joyda ko’rib qoldim – ona tili va o’zbek tili o’qituvchini ikkiga ajratibsan ,bittasiga 50 foiz ,bittasiga 20 foiz ,bolajonim g’alati emasmi ? Yoki sen o’shanda -qo’lingdan hech ish kelmaydi -degan gapimni ko’nglingga olganmiding. Men seni o’ylab gapirganman bolam .Otangga rahmat bolam ,otangga . Seni superkontraktda bo’lsa ham ,ilmga sarmoya kiritishdan qochmadi . Yaqinda -onangni ko’rdim ,bolam onangni . Seni katta ishda ishlayapti ,meni odam bo’lmaydi -deganlarga ko’rsatib qo’yaman dedi o’g’lim deb qoldi . Shunda ‘’kontaktim chaqib qoldi “ shoshma dedim ,men sabab butun o’zbek tili o’qituvchilari aziyat chekkan bo’lib chiqdimi deb o’ylab qoldim . Meni ko’ra olmaganlar ko’rib qo’ysin -debsan ,Qayerdan keladi bunaqa fikrlar kallangga seni .
Unaqa fikrlarni miyangdan chiqarib yubor . Nimaga o’zbek tili fani o’qituvchilari uchun 20 foiz ustama deding ,bolam . Ular darsni ikkiga bo’lib o’tadi -shungami ? Unaqa desam ,rus tili ,ingliz tili-chi ? O’zbek tililar C darajaga ustama oladimikan desam ,bu ham xató ekan.
O’qituvchi bor pulini ta’limga tikadi -bilasanmi ,nega hammaga -o’qi ,o’qi -desa-yu o’z bolasi o’qimasa.Shu desang nomus kuchli ,birovga aytma bolam .Birovga aytgiligi yo’q ! Katta o’g’lim bir kimyoga bordi -doktor bo’laman dedi ,bir huquqqa bordi -yurist bo’laman dedi .bir ingliz tiliga bordi ,oxiri o’ylab -o’ylab men ham o’qituvchi bo’laman -dedi . Na sertifikati bor ,na tuzuk quruq bilimi . 59 bal oldi ,59 bal-a ! Maktabimiz o’qishga kirish bo’yicha yashil rangda ,mening oilamda esa qip qizil rang. Katta farzand , o’ylab netmay superkontrakt qildik . O’qituvchi shu -da ,boshqalarni farzandini o’qitib -o’qitib o’z farzandini unutib -unutib qo’yadi .
Superkontarkt qilganimizdan buyon kredit olib bir to’ladim , gap o’ynab ikki to’ladim ..Qarz olib uch to’ladim …Yaqinda -Ona tili juda oson ( baraka topishsin shular ) kanalida tayyorlanib B+ sertifikat olgandim . Endi qiynalmas ekanman to’rtinchi to’lovga desam ,o’zimcha 50 foiz ustamani hisoblab tursam -bu yoqdan 50 emas 20 foiz degan mish mishlar . Pedkadr deganga yozsam ham buni tasdiqladi . Xullas,senga aytmoqchi bo’lganim shu . Kechira olsang kechir ,lekin shaxsiy xusumatni deb ,ko’pchilikka jabr qilib qo’yyapsan ,bolam .Tanangga o’ylab ko’r . Endi katta odam bo’lib ketding .Unutma sendan buyuk Alloh bor. Bir kun hammamiz uning huzuriga boramiz.
Hamid Qurbonboyev
https://t.me/ona_tili_Qurbonboyev