OLOT.UZ | Rasmiy kanal

#hokim_hududlarda

Bugungi kunda tadbirkorlar va savdogarlar bilan ishlash, aholini arzon va sifatli mahsulotlar bilan taʼminlash ustuvor vazifalardan biridir.

Bugun tuman hokimi aynan ushbu masala yuzasidan Olot tuman bozorida boʻldi.

Manzilda savdogarlar tomonidan bildirilgan taklif yuzasidan tuman rahbari Nargiza Nematova hamda prokuror va Soliq inspeksiyasi boshligʻi ishtiroki taklif oʻrganib chiqildi. Savdo rastalarini tartibga keltirish, xaridorlar uchun qulayliklar yaratish borasida vazifalar muhokama etildi.

Keyingi manzil "Boʻribek Chandir" mahallasida fuqarolar xonadonlarida ularning yashash sharoitlari oʻrganilib, tomorqadan samarali foydalanish, issiqxonalar qurish ishlari koʻzdan kechirildi.

Yaratilayotgan imtiyozlardan samarali foydalanish fuqarolarga arzon, qulay issiqxonalarni qurib berish ishlarining koʻlamini kengaytirish, har bir xonadonda issiqxona qurish borasida vazifalar belgilab berildi.

Shuningdek obodonlashtirish ishlarini oʻz holiga tashlab qoʻymaslik, xonadon madaniyatiga rioya etish, xonadonlarning fasad qismi va tevarak atrofini tartibga keltirish, mevali va manzarali daraxt koʻchatlarini ekish ishlarini amalga oshirish borasida koʻrsatmalar berib oʻtildi.

Shundan soʻng tuman rahbari Nargiza Nematova "Qirlishon" hududidan ajratilgan 649 gektar yer maydonida amalga oshirilayotgan qurilish ishlari, maʼmuriyat joylashgan binolar, ishchi-xodimlar uchun yaratilgan sharoitlar bilan yana bir bor tanishdi. Loyihaning bugungi kundagi ahamiyati va kelgusidagi natijadorligini koʻzdan kechirdi.

Tashrifda tuman rahbari Nargiza Nematova kompaniyaning joriy yilda amalga oshirgan ishlariga, loyihaning ahamiyati va kelgusi rejalariga toʻxtalib oʻtdi.

"Masdar" kompaniyasi maʼmuriyatining bu borada amalga oshirayotgan ishlari xususida axborotlari tinglandi.

https://t.me/olottumani

Sektor rahbarlari va yoshlar uchrashuvi boʻlib oʻtdi

Soʻnggi yillarda mamlakatimizda yoshlarga boʻlgan eʼtibor, ularning orzu va maqsadlarini roʻyobga chiqarish, mavjud muammolarga ijobiy yechim topish sohaga aloqador rahbarlar oldidagi asosiy vazifalardan biridir.

Bugun Olot tuman politexnikumi faollar zalida sektor rahbarlarining navbatdagi yoshlar bilan uchrashuvi oʻtkazildi.

Unda tuman hokimi Nargiza Nematova, sektor rahbarlari, tegishli tashkilot masʼullari, yoshlar ishtirok etdi.

Uchrashuv avvalida sektor rahbarlari bugungi kunda tumanda yoshlarni qoʻllab-quvvatlash borasida olib borilayotgan islohotlar hamda yaratilayotgan imtiyoz va imkoniyatlar toʻgʻrisida toʻxtalib oʻtdilar.

Samimiy ruhda oʻtgan ochiq muloqotda yoshlar oʻzlarining yutuqlari, rejalari, maqsadlari haqida sektor rahbarlariga takliflarini bildirdilar.

Uchrashuv soʻnggida faol, sport musobaqalarida hamda turli koʻrik-tanlovlarda yutuqlarga erishib kelayotgan yoshlarga sovgʻalar topshirildi.

https://t.me/olottumani