OLOT.UZ | Rasmiy kanal

Raxmatullayevlar xonadonida issiqxona xoʻjaligi rivojlanmoqda.

Xalqimiz uchun yerdan qadrliroq va bebaho neʼmat yoʻq. Yer rizq-roʻz, qoʻshimcha daromad manbai hisoblanadi. Zero, tomorqada turli sabzavot, koʻkatlar yetishtirilsa, naqd foydaning tagida qoladi kishi. U nafaqat oila daromadiga daromad qoʻshadi, balki el-yurt farovonligini taʼminlashda ham muhim oʻrin tutadi.

Bugun yurtimizning qay bir goʻshasiga bormang, joylarda aholining koʻpchiligi issiqxona barpo etib, tomorqaning har bir qarichidan unumli foydalanayotganiga, yilning toʻrt faslida ham issiqxonada mehnat qilib, bozorlarni qishloq xoʻjaligi mahsulotlari bilan taʼminlab kelayotganiga guvoh boʻlasiz.

Ayniqsa, qishloq joylarida yashovchi yosh fuqarolarimiz kaftdek yerdan samarali foydalanib, oilasi farovonligini oshirmoqda, bozorni arzon va sifatli qishloq xoʻjaligi mahsulotlari bilan taʼminlashga hissa qoʻshmoqda. Zero, kaftdek yerga ishlov, mehr berib mehnat qilinsa, u barakasidan quruq qoʻymaydi.

Masalan, "Xosaboʻyi" mahallasida ham tomorqachilikni hadisini olgan mirishkorlar koʻp. Bu tabiiy neʼmatlarni yuksak qadrlaganlar halol mehnat bilan xonadonlarida ham rizq-nasiba topmoqda. Bugun tumanda mehnatga yaroqli aholining aksariyati, hattoki qaysidir korxona, tashkilot va muassasada ishlaydigan kishilar ham oʻz hovlisida moʻjazgina issiqxona tashkil etib, yerdan unumli foydalanib kelmoqda.

Yosh tadbirkor Doston Raxmatullayevning olib borayotgan xatti-harakatlari barchaning eʼtiborini oʻziga tortadi. Xonadonga kirib issiqxonaga ekilgan limonlar hosilga kirganini koʻrishi bilan kishining dili yayraydi. Xonadon sohiblari ekinlar rivojidan mamnun. Ehtiyojlaridan orttirib daromad ham olmoqda. 50 tupdan ortiq yosh limonlar esa hozir hosilga kirgan. Issiqxonaning boʻsh maydonlariga esa, asosan, sabzi va har xil turdagi koʻkatlar, sholgʻom va turp mahsulotlari ekilgan.

Xonadon egalari qilayotgan ishlaridan va olinayotgan daromaddan mamnun. Xonadonda qilinayotgan har bir oʻzgarish, sarf-xarajatlarning bir qismini shu issiqxona ortidan kelayotgan foyda hisobidan qoplanmoqda.

Bundan tashqari kundalik ehtiyoj uchun yetarlicha sabzavot mahsulotlari hosilga kirgan.

Bir soʻz bilan aytganda, issiqxonadan samarali foydalanishni yoʻlga qoʻygan oila bundan mamnun. Raxmatullayevlar xonadoni koʻplab oilalarga oʻrnak, albatta.

https://t.me/olottumani

Vatan fidoyilari va ularning yaqinlari holidan xabar olindi.

Mamlakatimizning barcha hududlarida tashkil etilayotgan bir qator tadbirlar Olot tumanida ham davlat va jamoat tashkilotlari hamkorligida oʻtkazilmoqda.

Jumladan, Olot tumanida joylashgan harbiy qismlarda tuman hokimligining tashabbusi bilar harbiylar xolidan xabar olinib, oilalari tibbiy koʻrikdan oʻtkazilib, ular uchun harbiy qismning oʻzida bayram dasturxonini tuzash uchun arzonlashtirilgan oziq-ovqat mahsulotlarining yarmarkasi tashkillashtirildi.

Bayramni koʻtarinki kayfiyatda kutib olish maqsadida har bir xonadonda bayram dasturxoni yozilishi anʼanaga aylangan. Harbiy xizmatchilarni ijtimoiy qoʻllab-quvvatlashni maqsad qilgan ushbu oziq-ovqat yarmarkasi tashkillashtirildi. Yarmarkada harbiy xizmatchilar uchun bozor doʻkonlaridan past narxlarda sotib olish imkoniyatiga ega boʻldilar.

Harbiy qism xizmatchilarining oila aʼzolari oʻzlariga kerakli boʻlgan turli xildagi oziq-ovqat mahsulotlarini xarid qilishdi.

Aytib oʻtish joizki, yarmarkada harbiy xizmatchilar uchun harbiy qism va muassasalarda mavjud boʻlgan yordamchi xoʻjaliklar, mahalliy fermer va dehqonlar hamda tadbirkorlar tomonidan sifatli, bozor narxidan arzonroq oziq-ovqat mahsulotlari tavsiya qilingan.

Yarmarkalardagi narxlar hamyonbop, bozordan ancha arzon boʻlib, sifati barchaga birdek manzur boʻlishi tabiiy, shuningdek, harbiy xizmatchilarning xizmat joyidan turib xarid qilishi orqali vaqtini tejaydi.

Shuningdek harbiy xizmatchilar farzandlari uchun tuman tibbiyot birlashmasining malakali shifokorlari tomonidan tibbiy koʻrik ham tashkillashtirildi.

https://t.me/olottumani

#kun_hikmati

Bir ogʻiz soʻz dunyoni qilar vayron,
Bir ogʻiz soʻz jonsizga bagʻishlar jon.

https://t.me/olottumani

Olot tumani hokimligida boʻlib oʻtgan navbatdagi qabulda aksariyat murojaatlarga yechim topildi.

Bugungi kunda mamlakatimizdagi har bir katta-kichik rahbarning asosiy vazifasi aholi bilan yuzma-yuz muloqot qilish, murojaatlarni tinglash, muammolarni oʻrganish va fuqarolar tomonidan koʻtarilgan masalalarga yechim izlashdir.

Bugun, 21-dekabr kuni Olot tumani hokimligining mahalliy aholi vakillari bilan ularni qiynab kelayotgan muammolarini hal etish yuzasidan tuman hokimligi binosida qabuli oʻtkazildi.

Qabulda tuman hokimi oʻrinbosarlari, tumandagi korxona va tashkilot masʼullari ishtirokida, muammo va takliflari mavjud 24 dan ortiq fuqarolar ishtirok etishdi.

Qabulda fuqarolar tomonidan bandlik, moddiy yordam, uy-joy, kommunal hamda oilaviy va boshqa shaxsiy masalalar yuzasidan murojaatlar kelib tushdi.

Fuqarolar tomonidan yoʻllangan hech bir murojaat eʼtibordan chetda qolmadi. Muddat talab etadigan murojaatlar tegishli tashkilotlarga yoʻnaltirilib, ijrosi nazoratga olindi.

https://t.me/olottumani