Nurobod tumani hokimligi

Samarqand viloyatining savdo, yashash va ovqatlanish xizmatlari sohasida qancha qo‘shilgan qiymat yaratildi?

🔹2024-yilning yanvar-sentabr oylari yakunlariga ko‘ra, Samarqand viloyatining savdo, yashash va ovqatlanish xizmatlari sohasida 10 122,9 mlrd so‘m miqdorda qo‘shilgan qiymat yaratilgan bo‘lib, bu ko‘rsatkich o‘tgan yilning mos davriga nisbatan 12,4 % ga yuqori.

©️ @nur_press

Bayramni munosib o'tkazish yuzasidan qilinadigan ishlar muhokama etildi

Bugun Nurobod tumanida yangi yil bayramiga munosib tayyorgarlik ko'rish, bayramni yuqori kayfiyatda o'tkazish va yuz berishi mumkin bo'lgan turli ko'ngilsiz holatlarning oldini olish yuzasidan sektor rahbarlari ishtirokida bayram archasi hududida muhokama yig'ilishi bo'lib o'tdi.

Unda tuman IIB, tuman Favqulodda vaziyatlar bo'limi, Milliy gvardiya vakillari ishtirok etib, archaning texnik mustahkamligi, hududdagi yong‘in xavfsizligi holati batafsil tahlil etildi.

Shuningdek, rahbarlar tomonidan profilaktik ishlar samaradorligini oshirish, aholi ko‘p yig‘iladigan hududlarda favqulodda holatlar sodir bo‘lishining oldini olish, yo'l to'siqlari o'rnatish, bayram kunlarida hushyorlik va xavfsizlik choralarini yanada kuchaytirish lozimligi alohida ta'kidlanib, qilinadigan ishlar yuzasidan mas'ullarga tegishli ko'rsatma va topshiriqlar berildi.

Ayni vaqtda yangi yil archasi atrofiga yo'l to'siqlari o'rnatilmoqda.

©️ @nur_press

Bugun Nurobod tumani Yoshlar markazida haftaning har dushanba kunlari muntazam tashkil etib kelinayotgan navbatdagi fuqarolar qabuli bo‘lib o‘tdi.

Qabulda hokim o‘rinbosarlari, Xalq qabulxonasi, tumandagi korxona va tashkilotlar rahbarlari hamda fuqarolar ishtirok etishdi.

Qabul davomida fuqarolardan elektr energiyasi, tabiiy gaz, toza ichimlik suvi, ichki yo'llar ta'miri, obodonlashtirish, tibbiyot, ijtimoiy himoya daftarlari doirasida amaliy ko‘mak va boshqa turli moddiy yordamlar olish kabi masalalar yuzasidan 20 ga yaqin murojaatlar yo‘llandi.

Yakunda murojaatlarning qisqa fursatlarda ijobiy hal etilishi yuzasidan mas’ullarga kerakli tavsiya va topshiriqlar berilib, ijrosi nazoratga olindi.

©️ @nur_press

Nurobodda "Uch avlod uchrashuvi" bo'lib o'tdi

O‘zbekiston Respublikasi Prezidentining 2022-yil 19-yanvardagi "Mahallalarda yoshlar bilan ishlash tizimini tubdan takomillashtirish chora-tadbirlari to‘g‘risida"gi PQ-92-sonli qarorining ijrosini ta’minlash yuzasidan Nurobod tumanida bir qator amaliy ishlar olib borilmoqda.

Xususan, uzoq yillar davomidagi samarali mehnatlari bilan ta’lim taraqqiyotiga, ma’naviy-ma’rifiy sohalar rivojiga munosib hissa qo‘shgan va ayni paytda ham jamiyatimiz hayotida faol ishtirok etib kelayotgan nuroniylarning yoshlar bilan uchrashuvlari tashkil etib kelinmoqda.

Bugun Nurobod tumani Madaniyat saroyida "Uch avlod uchrashuvi" tadbiri o'tkazilib, unda tuman hokimi o'rinbosari S.Xujamiyarov, Nuroniylar jamg'armasi Samarqand viloyat bo‘limi raisi o‘rinbosari G.Husaynova, jamg'armaning Nurobod tuman bo'limi raisi D.Xushvaqtov, filologiya fanlari doktori, professor, "Shuhrat” medali sohibi S.Karimov, mehnat faxriylari, nuroniylar va o'quvchi-yoshlar ishtirok etishdi.

Nuroniylar jamg'armasi Nurobod tuman bo'limi tomonidan o'tkazilgan ushbu tadbir avvalida O‘zbekistonda xizmat ko‘rsatgan yoshlar murabbiyi E. Rahimov, O‘zbekiston yozuvchilar uyumasi a’zosi, mehnat faxriysi S.Xudoyorov, Samarqand Davlat tibbiyot universiteti professori Y.Allayarov kabi fan, ta'lim, sport sohasi fidoyilari va boshqa mehnat faxriylari so'zga chiqib, yoshlarga o'zlarining boy hayotiy tajribalaridan kelib chiqqan holda kerakli tavsiya va o'gitlar berishdi, ularni Vatanni sevishga, yurt ravnaqi yo'lida munosib xizmat qiladigan insonlar bo'lib yetishish uchun puxta bilim olishga chaqirishdi.

Uchrashuvda uzoq yillik mehnat faoliyati bilan tuman rivoji, aholi va jamiyat farovonligiga munosib hissa qo'shgan faxriylar xotirasi yodga olinib, ayni kunda el ardog'ida bo'lib kelayotgan ana shunday faxriylarning bir guruhiga Nuroniylar jamg'armasi Samarqand viloyat bo‘limining tashakkurnoma va qimmatbaho esdalik sovg'alari topshirildi.

Tadbir so'nggida uch avlod vakillari suhbati mo'jaz dasturxon atrofida davom etib, tuman madaniyat bo'limi xushovoz xonandalari tomonidan ijro etilgan kuy-qo'shiqlar yig'ilganlarga yuqori kayfiyat ulashdi.

©️ @nur_press

Nurobod tumanida tuman IIB JXX Probatsiya guruhi hisobida turuvchi yoshlar bilan turli uchrashuv va muloqotlar tashkil etilib, ularni  qiynayotgan muammolarga ijobiy yechim topish borasida tizimli ishlar amalga oshirib kelinmoqda.

Jumladan, tuman Yoshlar markazida probatsiya hisobida turuvchi yoshlar bilan Milliy gvardiya psixologi va harbiy safarbarlik o'qituvchilari ishtirokida sayyor uchrashuv tashkil etildi.

Yoshlarni vatanga sadoqat ruhida tarbiyalash, qayta jinoyatlar sodir etish holatlarining oldini olish, bir so'z bilan aytganda, hayotda o'zlarining munosib o'rinlarini topishlariga ko'maklashish maqsadida tashkil etilgan uchrashuv davomida yoshlarning murojaat, savol va takliflari tinglandi.

Barcha murojaat va savollarga mas'ullar tomonidan batafsil javoblar berilib, yakunda 17 nafar yoshlar "Yoshlar daftari" ro'yxatiga kiritildi.

©️ @nur_press

#bilasizmi

🔰Qonunchilikka ko‘ra, 14 yoshga to‘lgan va 30 yoshdan oshmagan (31 yoshga to‘lmagan) O‘zbekiston fuqarosi "Yoshlar daftari"ga kirishi va "Yoshlar daftari" jamg‘armasi mablag‘lari hisobidan belgilangan tartibda qo‘llab-quvvatlanishi mumkin.

©️ @nur_press