Доход с телеграм-канала

От 1500 подписчиков. Подключайтесь и зарабатывайте

Доход с канала от 1500 подписчиков

Подключите канал и начните зарабатывать с Яндексом

Новогодний квиз от TGStat Academy

Ответь на 10 вопросов и получи гарантированный подарок

Статистика Избранное

(QAVS)

Гео и язык канала: Узбекистан, Узбекский

Категория: Познавательное

Sardor Salimovning ijodiy kanali

Связанные каналы

Гео и язык канала

Узбекистан, Узбекский

Категория

Познавательное

Статистика

Избранное

Фильтр публикаций

Скрывать удаленные

Скрывать репосты

(QAVS)

22 Dec, 21:31

Eshigingda — Ozodbek Nazarbekov

17 0 1 1

(QAVS)

21 Dec, 17:18

Alhamdulillah! Alloh otalik baxtiga loyiq ko'rdi. O'g'illik bo'ldim!

https://t.me/nssa_qavs

40 0 0 21 14

(QAVS)

14 Dec, 13:00

Mirtemirning 1929 yil Samarqandda (o'sha paytda bu shahar mamlakat poytaxti edi) chop etilgan "Zafar" nomli to'plami. Hali kirill alifbosiga o'tilmagan vaqtlar.
Shu she'r asosida rahmatli Muhriddin Xoliqov ajoyib qo'shiq yaratgan.

(Surat Facebookdan olindi)

https://t.me/nssa_qavs

92 0 0 1 4

(QAVS)

12 Dec, 19:45

Tunda jala urdi ovulimizni,
Ezg'in shovulladi og'ilning to'ri,
Shu kecha...
Shu kecha bor qo'yimizni
Bo'g'izlab ketibdi, la'nati bo'ri.

Endi nima bo'lar, aqlim yetmaydi,
Otam holsizgina hassada yurdi,
So'ngra qari do'stim — Olaparimni,
Mening ko'z o'ngimda ayamay urdi.

Bechora, kimdan ham so'rardi yordam,
Chidadi, aybdor sezdi o'zini.
Balki tushgandirman uning yodiga,
Faqat men tomonga tikdi ko'zini.

Mo'ltirab qarayman keng dalalarga,
Namxush bedalarning bo'yi muattar.
Barini unutdim, lekin.. esimda,
Bedazor oralab ketgan Olapar.

Eslayman, Botir-u Yoriltoshlarni,
Ular o'sha paytlar murodga yetgan.
Mening bolaligim bedazorlarda,
Do'sti Olaparni qidirib ketgan...

©Bobur Elmurod

https://t.me/nssa_qavs

Sardor Salimovning ijodiy kanali

96 0 0 2

(QAVS)

22 Nov, 17:34

Tabiat shafqatsizligi bilan go'zal.

https://t.me/nssa_qavs

215 0 0 11

(QAVS)

13 Nov, 10:50

1:31:22

Видео недоступно для предпросмотра

Смотреть в Telegram

"Ойна" спектакли.
Ролларда: Ҳамза Умаров, Обид Юнусов, Ёдгор Саъдиев, Ҳожиакбар Нурматов.

Тавсия қиламан. Шедевр. Фақат спектаклда битта хатога йўл қўйилган. Ўша хатони биринчи бўлиб топган кишига китоб совға қиламан.

https://t.me/nssa_qavs

296 0 4 2 3

(QAVS)

7 Nov, 10:10

СОНEТ

Қуёш ҳазар қилган сангруҳ самода
Жуфт нигоҳ кезинар — илинждан маҳрум.
Бугун ўтиб борар — эртадек мавҳум.
Абас бир ўтмишга бўлиб ҳамоҳанг.

Намозгар — тийрамоҳ тушидек маҳзун:
Фалаж қўлин артар ҳарир саболар.
Зирқирайди хаёл оғир садодан,
Бошимга ёмғирлар сочадир мавсум.

Эрксизлик чайқалар тоза кўзларда,
Вақт эса ҳўплайди мискин рўзларни.
Кулгуларни сўриб улғаяр баҳор.

Қўшиқлар туюлар мунгли бўзлардай,
Таскин ҳам топилмас тафтли сўзлардан.
Умр бой берилур шу тақлид наҳот?

Сардор Салимов

https://t.me/nssa_qavs

Sardor Salimovning ijodiy kanali

270 0 0 4 5

(QAVS)

6 Nov, 16:43

Репост из: Мансур ЖУМАЕВ шеърлари

02:55

Видео недоступно для предпросмотра

Смотреть в Telegram

🎶 Шуҳрат Дарё

📝 Мансур Жумаев

Ўз овози ва услубига эга таниқли хонанда Шуҳрат Дарё ижро этган қўшиқ матни мана бундай:

* * *
Икки дунё ҳар бошда пойдор,
ҳар жуссада топган ифодат:
ҳар кўнгилда битта Худо бор,
ҳар қадамда битта ибодат.

Ҳар куртакда битта сано бор,
ҳар япроқда битта китобат;
ҳар гиёҳда битта дуо бор,
ҳар ёмғирда битта ижобат.

Ҳар киприкда битта имо бор,
ҳар абруда битта ишорат;
ҳар манглайда битта ҳумо бор,
ҳар юмруқда битта иморат.

Ҳар ёноқда битта ибо бор,
ҳар дудоқда битта муҳаббат;
ҳар қурсоқда битта Исо бор,
ҳар бешикда битта Муҳаммад.

Икки дунё ҳар бошда пойдор,
ҳар заррада улвий иродат:
ҳар кўнгилда битта Худо бор,
ҳар қадамда битта ибодат.

Мансур Жумаев

181 0 1 3

(QAVS)

5 Nov, 08:38

Севги буюк уммон экан – кемаси йўқ,
Ишқ аҳлининг забони бир – шеваси йўқ,
Чинор минг йил яшар, аммо меваси йўқ,
Чинор умрин сўрамаган нодон эмас.

Мен саҳарги сабо эдим, насим бўлай,
Севгини ҳақ билганимга амин бўлай,
Замин эдим, заминман-у, замин бўлай,
Ўзин кўкда санаганлар осмон эмас.

Агар қўлга қўл қовушса – иззат бўлар,
Агар лабга лаб қовушса – лаззат бўлар,
Агар дилга дил қовушса – жаннат бўлар...
Демак, ерда жаннат қуриш осон эмас.

© Мансур Жумаев

Аллоҳ раҳматига олсин!

179 0 2 3 7

(QAVS)

1 Nov, 15:42

Esli u vas netu teti —

https://t.me/nssa_qavs

177 0 1 3 3

(QAVS)

1 Nov, 15:40

***
Уй сизга ҳеч қилмаса насиб,
Демак, ўт солмайди ҳеч хатар.
Сизни ташлаб, қучмас бошқасин
Рафиқангиз бўлмаса агар.

Агар боқмас бўлсангиз кучук,
Захарламас уни қўшнингиз.
Келиб чиқмас сира тортишув
Бўлмаса гар бирор дўстингиз.

Бўлмасангиз агар холали,
Йўқотиб, сўнг қилмайсиз араз.
Яшамаган бўлсангиз ҳали,
Демак, ўлиб кетмоқ шарт эмас.

Александр Аронов

Рус тилидан:
t.me/Feruz_Nematullayev

178 0 0 1 2

(QAVS)

30 Oct, 05:40

*    *    *

Сўзи бошқа, иши бошқа юракларга зид, чапман,
Товонтилар тошли йўлда оёқяланг кетяпман...

Кечар эди кунларим тинч, ёзмасам-да қасида,
Ёлғонларга «оқ йўл» десам ҳаёт чорраҳасида...

Ўзгалардай муросага кўна қолса куй-сайдим,
Иғволарни иғво деган тилгинамни тийсайдим,

Алдовларни кўра туриб, кўрмаганга олса кўз,
Ситамларга лутф айласам: «Сизда, хоқон, йўқ мугуз...»

...Йўқ-йўқ... Асло... Худоси йўқ юракларга зид, чапман...
Эркин қушлар ҳузурига ҳузур қилиб кетяпман...

1995 йил.


@Gulchehra Nurullaeva

https://t.me/nssa_qavs

Sardor Salimovning ijodiy kanali

187 0 0 1

(QAVS)

29 Oct, 12:39

МАНГУ ҚЎШИҚ

Айтсам, ўлдурурлар, айтмасам, ўлам.
(халқ мақоли)

Ўлим...
Қабр...
Мен ва ўриндиқ,
Сонияда умр кўринди,
Соянг истаб итдек уриндим,
Айтсам, ўлай, айтмасам, ўлдир.

Олис...
Яқин...
Аёғим толди,
Нигоҳимда нигоҳинг қолди,
СЎЗ истадим, сўзим йўқолди,
Қайтсам, ўлай, қайтмасам, ўлдир.

Очлик...
Башар...
Тентираб ўсдинг,
Умидларинг кул каби тўзди,
Дўст деганинг дўст эмас, дўстим,
Сотсам, ўлай, сотмасам, ўлдир...

Осмон...
Меҳр...
Эркимсан, ОНА,
Бош эгмасам, товоним қонар,
Тонса, мендан бир Машраб тонар –
Битсам, ўлай. Битмасам, ўлдир!

Бекзод ЖЎРА

https://t.me/nssa_qavs

Sardor Salimovning ijodiy kanali

162 0 1 5

(QAVS)

28 Oct, 08:38

Муслим_Магомаев_Ноктюрн_Гимн_любви_на_расстоянии.mp3

Бунақа ёмғирда зўр кетадиган қўшиқ. Муслим Магомаев - Ноктюрн.

https://t.me/nssa_qavs

143 0 2 3

(QAVS)

25 Oct, 16:06

03:30

Видео недоступно для предпросмотра

Смотреть в Telegram

Afsonaviy Adriano Chelentano.

https://t.me/nssa_qavs

174 0 1 3

(QAVS)

23 Oct, 08:35

*. *. *.
Дўстим мени йўқлаб келар шаҳарга,
Қўлида Гоголдан мерос портфели.
Тошкент бўйлаб вазмин қадам ташларкан,
Бироз ўр ва бироз тажангдир феъли.

"Салом, қишлоғимнинг чанқоқ даласи,
Салом, дарё узра ўкирган шамол.
Бормисан, уйимнинг ток ҳавозаси..."
Дўстимдан шу таҳлид сўрайман аҳвол.

Ватан билан келган ижара уйга,
Борин тўкиб сочар гоҳ кечалари.
Ўзи ҳам сезмайди елкаларида
Кармананинг дилбар мусичалари...

Қарта сузилади. Меҳмондўстлик шу.
Бармоқлар ўқланган қотил тўппонча.
Адабиёт ҳақда гўзал гапириб,
Дўстим манглайидан очамиз дарча!

Эдит Пиаф куйлар... Ташқари ёмғир...
Чуғурчуқ гуллардан олади бўса.
Балкондан қарасанг кўчада кезар,
Ёмғир — Модилияни, булут — Пикассо...

"Шоир қабри..." дейман дўстимга қараб,
"Осойишми?.." дейман тийиб ёшимни.
Шоир ўлган!
Биз-чи, интиқ кутамиз,
Янги бир ҳаётнинг яралишини...

Дўстим, қишлоғимни қолдирар менга,
Кетар хотирамда Ватанни тиклаб.
Уни кузатаман мерос портфелга
Шаҳарнинг бор дарду ҳасратин юклаб...
2024

Шаҳбоз Файзуллаев

https://t.me/nssa_qavs

Sardor Salimovning ijodiy kanali

187 0 0 4

(QAVS)

22 Oct, 15:50

Tarnovdan chak - chak tomib
Gohi yurakday yonib
Sen menga yalinmaysan
Menday senga yolvorib
Dardini etib doston
Yomg'ir yog'di, Gulijon
Bu borliqmi bir tanga
To'n yarashmas sallamga
Goh bo'zlatsa bitta nom
Mehr qayda sanamga?
Ko'z yoshim topmay nihon
Yomg'ir yog'di, Gulijon
Yo'q , singiljon , jilmaymi?
Buni Xudo bilmaymi?
Yashirib nima topdik
Ochiq aytsak kulmaymi?
Ustimdan uch to'rt nodon
Yomg'ir yog'di, Gulijon
Yalpizga sig'inaymi?
Yolg'izga sig'inaymi?
Yuragim to'kildi deb,
Yo qizga sigʻinaymi?
Ohimga toʻlib osmon
Yomg'ir yog'di, Gulijon
Gʻoʻzaga egilgan u
Onamday yigʻlamsirab
Osmonda qora bulut
Oyogʻin bosar sudrab
Egatlar zahridanmi
Yorilib ketgan tovon
Yomg'ir yog'di, Gulijon
Ko'cha chiroqlarining
Tanasidan tomchilab
Yomg'ir katta shaharni
Bir lahzada etdi zabt
Goh kechki sham toliqqan
Koʻzlaringday mo'ltirab
Goh bogʻini izlagan
Senday qizga kuyibmi
Yoki menday qoʻlini iyagiga qo'yibmi
Chaqmoqning oloviga tamakisin tutatib
Qurum bosgan o'pkadan
Gumbur - gumbur yo'talib
So'ng jimgina bezabon
Yomg'ir yog'di, Gulijon

Bek Ali

https://t.me/nssa_qavs

Sardor Salimovning ijodiy kanali

137 0 0 7

(QAVS)

19 Oct, 09:20

ЧУМОЛИ ҲАҚИДА НУТҚ

«Меҳнаткаш» деб олганинг унвон, Шоирларнинг ғариб хаёли.
Менинг эса, азалдан аён
Нафратим бор сенга, чумоли.

Ғивирлайсан. Терга ботасан.
Тирикчилик солар не кўйга.
Нима кўрсанг, уйга тортасан -
Уйга... Уйга... Қоронғу уйга.

Бошинг узра баҳор қуёши,
Таратади бир ипак зиё.
Ҳашаротлар ичра сен - тоши
Баҳорга ҳам боқмайсан қиё.

Уйга... Уйга! Тинмайсан бирпас,
Югурасан... Сенингча, юҳо,
Оғиз қалбни айтиш учунмас,
Овқат учун яралган гўё.

Уйга... Уйга! Жавдирар кўзинг,
Уйингда-ку чириб ётар дон.
Хаёлингда ўзинг, бир ўзинг,
Ютмоқчисан дунёни тамом.

«А» дедингми, токи «Ҳ»гача,
Очиқ айтмоқ замони етди.
Биз ҳаммани таниб бўлгунча,
Чумолилар кўпайиб кетди.

Чорсуни-ку қўйинг (у - бозор,
Ўйнар савдо ашуласига).
Чумолилар бормоқда қатор,
Идоралар машинасида.

Оғринишар - «чумоли» деманг.
(Ҳатто шоир бўлсанг ҳам, жим тур!)
Ғазаб билан улар солса чанг,
«Қарс» синади ҳақиқат қурғур.

Пештахтага бири ёнбошлаб,
Бошчасини қувноқ қашийди.
Бири эса гул каби яшнаб,
Фарзандига диплом ташийди.

Бири бизнинг ишхонамизда,
Ерга жами оёғин тираб
Мансабини тортгани-тортган,
Зўриққандан шўрлик қалтираб.

Бири эса: «Пахтакор халқим,
Тасанно» деб тўлдирар шеърин.
Унга халқи керакмас, балки
Бир орденми, мукофот беринг.

Ўраб олди махлуқлар чиндан,
Бузиб орнинг чегарасини.
Ҳатто она Ҳуррият қилган,
Васиятлар тегарасини.

Ҳаммасини топиб келиб, энг
Олий жазо бермоқ хаёлим...
Ўйлаб қолдим - шеър ўлдирар кенг,
Мана, ёздим: «Сизлар - чумоли!...»

Тугаяпти шеърим. Кетаман.
Узр, жоним бўғзимга етди.
Чумолини ўйлаб туринг. Мен
Ниначини кўргани кетдим.

Усмон Азим

https://t.me/nssa_qavs

Sardor Salimovning ijodiy kanali

172 0 1 7

(QAVS)

18 Oct, 18:50

163 0 0 9

(QAVS)

18 Oct, 18:50

Келаётган тўгарак палласи устоз буюрган вазифасини ортиғи билан бажариб, элтдим. Тўгарак эса доимгидек адабий жараёнлар, ижодкорларга етишмаётган жиҳатлар каби мавзулар устунлик қиладиган суҳбатлар билан қизирди.
Машғулотни якунлаб, анъанага мувофиқ суратга тушдик. Уйга пиёда қайтар эканмиз, тўгарак ижодкорларидан Одил Ҳотам ҳақида нималар билишларини сўрадим. Аниқ эслолмайман, кимдир устознинг фақатгина бир шеърини ёддан такрорлай олишини таъкидлади. Ўйлаб қолдим, ўгитларини, дарсларини олиб, ҳурмат қилаётган инсони аслида қандай шоирлигини билмаган ижодкорнинг келажаги қанақа бўлиши керак?! Эндиликда, ўйлаб қарасам, устоз ҳеч қачон ўзини ўзгалардан устун қўймаган экан. Ёзган шеърларини бизга ўқиб берар ва ҳеч иккиланмасдан фикримизга қизиқарди. Айнан шу каби камтаринлик уфуриб турган ҳаракатлари сабабли Одил Ҳотам назми ўқувчиларининг кенжа авлодига бегона бўлган.
Қуйида исми номаълум ёш ижодкорнинг ёдида қолган Одил Ҳотам қаламига мансуб икки бандлик шеър:

Кимдир қизғонади сени кимдандир,
Кимдир тушларингга киролмай ҳалак.
Сўзингга маҳталдир нечалаб тақдир,
Сен эса барига парвойи палак.

Мосуво эмассан ўтли туйғудан,
Хаёлларинг билан кирасан жангга.
Мактублар битасан кечиб уйқудан,
Қизғонганлар қолиб, қизғонмаганга.

Шу йили “Шарқ юлдузи”нинг 12-сонида устознинг “Оқ йўли” билан шеърларим илк бор босилган. Оқ йўл бундай:

СЎЗ МАШАҚҚАТИНИНГ ЙЎЛИ УЗУ-У-УН...

Кўнгилга минг бир тус гуллар, ўзгалар чекаётган азоб-уқубат. миллат дардларининг турфа ранглари сачраган кишида сўз айтиш, мисралар битиш иштиёқи ўта кучли ва ўжар бўлиши табиий ҳол. Ҳар кандай шоирона “даъво”лардан холи, юксак қалб соҳибигина шундай бўлишга ҳақли. Бунга адабиётимиз тарихидан мингларча мисоллар бисёр.
“...Бағрингда яйраса ОЗОДПАРАСТ калб”, деб ёзади тўгарагимиз аъзоси Феруз Неъматуллаев.
Унинг учун Ватан туйгуси ота-онага бўлган меҳр-муҳаббатдек барча
туйғулардан, ўй-хаёллардан устун. Ҳар қандай шароитда ҳам нафсини, хою-ҳавасини енгиб ўтган одамнинг йўли ҳамиша очик....
У борлиққа, атрофга, айниқса, одамларга ўз нигоҳи билан карашга одатланган. Оддийликдан умумбашарий хулосалар чикариш унинг қалб йўриғи. Масалан, Унинг
“Сира эгилмади бу ғурур –
Қил устида турганда умрим.
Ахир, качон тоғлар эгилган?”
мисраларида дадил ҳаракат мужассам. Унинг севган шоирлари – Ойбек, Рауф Парфи, Шавкат Раҳмон... Ферузнинг Александр Блок, Сергей Есенин, Владимир Висоцкийдан қилган таржималари бевосита аслиятдан ўсиб чиққанига ишончиниз комил бўлиши тайин.
Ёш ижодкорнинг истеъдодли тенгдошлари талайгина.
"Сўзни қайлик сайлагандай суюб сайла!" деб ёзган эди ардоқли қозоқ шоири Абай.
Адабиётнинг бағри кенг. Ундан қанчадан-канча даҳолар, кечирасизу, саноқли бўлсада нафси аммора қули – юҳолар ҳам ўтган.
Феруз ҳозир миллатнинг дарду қувончларини теран англаётган, ўзиники қилиб олаётган ёшда. У ҳатто тушларида ҳам шеърлар машқ килади.
Унга бу машаққатли ва масъулиятли йўлда муваффақиятлар тилайман.

Журналда чиққан шеърлар бир ёқда қолиб, бутун қувончим ушбу қорасўздан униб чиққан эди ўшанда. Эҳ...

Феруз Неъматуллаев

152 0 0 5

Показано 20 последних публикаций.

96

подписчиков

Статистика канала

Популярное в канале

Tunda jala urdi ovulimizni, Ezg'in shovulladi og'ilning to'ri, Shu kecha... Shu kecha bor qo'yimi...

Mirtemirning 1929 yil Samarqandda (o'sha paytda bu shahar mamlakat poytaxti edi) chop etilgan "Za...

Alhamdulillah! Alloh otalik baxtiga loyiq ko'rdi. O'g'illik bo'ldim! https://t.me/nssa_qavs

Пост #202: Аудиозапись