#биласизми
#суғурта
#европротокол

📌 ЕВРОПРОТОКОЛ бу —ички ишлар органи ходимларинг иштирокисиз ЙТҲ тўғрисида ҳужжатларни расмийлаштиришнинг соддалаштирилган тартиби бўлиб, мажбурий суғурта бўйича суғурта тўловини олиш учун қўлланилади.

"Европротокол" деб номланишига сабаб, бу тизим илк маротаба Европа мамлакатларида йўл-транспорт ҳодисаларини соддалаштирилган тартибда расмийлаштириш учун жорий этилган.

Ушбу усул ЙТҲни тезроқ расмийлаштиришга ва йўлларда тирбандликни камайтиришга ёрдам беради.

📌 ЕВРОПРОТОКОЛ ШАРТЛАРИ

🚗 Йўл-транспорт ҳодисасини мустақил расмийлаштириш мумкин, агар:

✅ жабрланганлар ва бошқа мулкка (моддий объектлар, қурилмалар, предметлар ва х.к.) зарар етказилмаган бўлса;
✅ ҳайдовчилардан бири ўз айбига тўлиқ иқрор бўлса;
✅ пиёда иштирокисиз содир этилган бўлса;
✅ ЙТҲ фақат иккита транспорт воситаси (ёки тиркамали) ўртасида содир бўлса;
✅ иккала ҳайдовчининг фуқаролик жавобгарлиги суғурта қилинган бўлса;
✅ ҳайдовчиларнинг барча ҳужжатлари (ҳайдовчилик гувоҳномаси, техпаспорт, ишончнома ва бошқалар) мавжуд бўлса;
✅ ҳайдовчилар маст ҳолатда бўлмаса;
✅ автомобилларнинг зарарланиши бўйича иштирокчилар ўртасида келишмовчилик бўлмаса.

⚠️ Агар ушбу шартлардан бири бузилса – европротокол ҳақиқий деб топилмайди.

Йўлларда эҳтиёт бўлинг!🚦

Web | Facebook | Instagram | Youtube | Twitter | LinkedIn