Қишлоқ хўжалиги экин майдонлари унумдорлигини ошириш, тармоққа инвестициялар жалб қилиш учун қулай шарт-шароитлар яратилмоқда.

Ўзбекистон Республикаси Президентининг “Қишлоқ хўжалиги экин майдонлари унумдорлигини ошириш, тармоққа инвестициялар жалб қилиш учун қулай шарт-шароит яратиш бўйича навбатдаги чора-тадбирлар тўғрисида” 2025 йил 3 февралдаги ПФ-18-сон Фармони қабул қилинди.

Озиқ-овқат хавфсизлиги ва нархлар барқарорлигини таъминлаш бўйича ислоҳотларни изчил давом эттириш мақсадида, тажриба-синов тариқасида, ижарага олувчиларнинг мустақиллиги ва юқори қўшилган қийматга эга экинлар етиштиришга асосланган янги тизим яратилмоқда.

Янги тизим Наманган вилояти, Поп туманидаги жами 977,9 гектар ер майдонларида ҳам амалга оширилиги белгиланган.

Лойиҳаларни амалга ошириш учун 3 гектардан 50 гектаргача бўлган яхлит ер участкаларини “E-auksion” онлайн аукцион савдолари орқали сотиб олиш мумкин.

Маълумот учун: Фармондаги вазифалар ижросини ташкил этиш юзасидан вилоят қишлоқ хўжалиги бошқармасида вилоят штаби ташкил этилган (тел: 69-227-68-32).

Sayt | Telegram | Instagram | Facebook |Twitter | YouTube