NamMTI | Rasmiy kanali

DIQQAT EʼLON

O'zbekiston Respublikasi Qurolli Kuchlari safida muddatli harbiy xizmatni o'tab, qo'mondonlik tavsiyanomasi bilan Namangan muhandislik-texnologiya institutiga kontrakt asosida (faqat kunduzgi ta'lim shakliga) o'qishga qabul qilingan va Yoshlar ittifoqi tomonidan to'lab beriladigan 35% miqdoridagi kontrakt mablag'larini to'lab berilishi imtiyozga da'vogar talabalar bugundan boshlab, quyidagi profillarga murojaat qilishingiz mumkin.

Murojaat uchun: @Economist_6677
@Nammti_yoshlar_murojaati
+998949876677
6-fevralga soat 13:00 da 3-bino 4-etaj Yoshlar ittifoqi xonasiga chaqiriladi.

Eslatma: belgilangan muddatda murojaat qilmagan talabgorlar imtiyoz olish imkoniyatidan mahrum bo’ladi.

©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube

"Yangi O‘zbekiston bo‘g‘iga sayohat: Bilim, ma’naviyat va vatanparvarlik ruhini rivojlantirish"

Muhandislik-texnologiya fakulteti talabalari uchun "Yangi O‘zbekiston bo‘g‘iga" tashkil etilgan sayohat nafaqat dam olish, balki bilim va ma’naviyatni boyitish, shuningdek, vatanparvarlik ruhini mustahkamlash uchun ajoyib imkoniyat bo‘ldi.

Bu tadbir talabalarning bosh vaqtlarini mazmunli o‘tkazish, ularning milliy qadriyatlarga bo‘lgan hurmatini oshirish va kelajakda yanada faol, bilimdon va vatanparvar shaxslar bo‘lib yetishishiga xizmat qildi.

Bu ularga nafaqat mamlakatimizning rivojlanish bosqichlarini yaqindan ko‘rish, balki o‘zlarining kelajakdagi kasbiy faoliyatlarida qanday hissa qo‘shishlari mumkinligi haqida fikr yuritish imkoniyatini berdi.

Talabalar tomonidan bunday sayohatlar ko‘proq tashkil etilishi taklif qilindi.

©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube

Oliy ta’limga targ‘ibot ishlari doirasida navbatdagi tashrif

Oliy ta’limning ahamiyatini targ‘ib qilish maqsadida Oziq-ovqat texnologiyasi kafedrasi tashabbusi bilan Namangan sanoat va iqtisodiyot texnikumining Oziq-ovqat mahsulotlari texnologiyasi yo‘nalishida tahsil olayotgan bitiruvchi kurs talabalari Namangan muhandislik-texnologiya institutiga tashrif buyurdilar.

Tashrif davomida talabalar institutning zamonaviy o‘quv va ishlab chiqarish laboratoriyalari bilan yaqindan tanishdilar. Ular o‘z yo‘nalishlari bo‘yicha yaratilgan shart-sharoitlarni ko‘zdan kechirib, ilmiy va amaliy bilimlarini yanada mustahkamlash imkoniyatiga ega bo‘ldilar.

Mazkur tashrif oliy ta’lim muassasalarining imkoniyatlari bilan yaqindan tanishish, ilm-fan va ishlab chiqarish o‘rtasidagi integratsiyani chuqurroq anglash hamda kelajakda ta’limni davom ettirishga bo‘lgan qiziqishni oshirishda muhim ahamiyat kasb etdi.

©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube

"Korrupsiyasiz ta’lim muhiti: Mas’uliyat va adolat yo‘lida qat’iy qadamlar"

Namangan muhandislik-texnologiya instituti Muhandislik-texnologiya fakulteti talabalari bilan bo‘lib o‘tgan uchrashuvda korrupsiyaga qarshi kurashish, ta’lim muhitida adolat va shaffoflikni ta’minlash kabi dolzarb masalalar muhokama qilindi. Tadbir davomida talabalar korrupsiyaning jamiyat va ta’limga salbiy ta’sirlari haqida batafsil ma’lumot oldilar.

“Korrupsiyasiz soha” loyihasi doirasida talabalar o‘z majburiyatlariga vijdonan yondashish, qonunbuzarliklardan uzoq turish va institut nufuzini asrash bo‘yicha qo‘llanma va tavsiyalar bilan tanishdilar. Bundan tashqari, O‘zbekiston Respublikasi Jinoyat kodeksining firibgarlik, pora olish va pora berish kabi korrupsion jinoyatlarga oid moddalari tushuntirilib, qonunbuzarlik uchun belgilangan jazolarning muqarrarligi alohida ta’kidlandi.

©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube

Namangan davlat texnika universiteti uchun mustahkam poydevor yaratilmoqda

O‘zbekiston Respublikasi Prezidentining "Namangan davlat texnika universitetini tashkil etish to‘g‘risida"gi Qarori ijrosini ta’minlash maqsadida respublika ishchi guruhi Namangan muhandislik-texnologiya institutida o‘rganishlar olib bordi. Tashrif davomida institut hududi, moddiy-texnik baza, laboratoriya markazlari va infratuzilma chuqur tahlil qilindi. Ishchi guruh a’zolari muassasada amalga oshirilgan keng ko‘lamli ishlarni yuqori baholab, ta’lim sifati va talabalar uchun yaratilgan shart-sharoitlar bilan yaqindan tanishdilar.

Mutaxassislar institutning zamonaviy jihozlangan laboratoriyalari, innovatsion markazlari va texnik bazasi kelajakda tashkil etiladigan Namangan davlat texnika universiteti uchun mustahkam poydevor bo‘lishini ta’kidladilar. O‘quv jarayonining ilg‘or texnologiyalar asosida yo‘lga qo‘yilgani, talabalarni malakali mutaxassis sifatida tarbiyalashga qaratilgan sa’y-harakatlar tahsinga sazovor ekani qayd etildi.

Mazkur tashrif yangi universitetni tashkil etish jarayonini samarali tashkil etishga, ta’lim sifati va ilmiy tadqiqotlar darajasini yanada yuksaltirishga xizmat qiladi. Namangan mintaqasining sanoat va innovatsion salohiyatini oshirishga qaratilgan ushbu tashabbus kelajakda yuqori malakali kadrlar tayyorlashda muhim rol o‘ynashi kutilmoqda.

©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube