✑ Қара сөзбен

Қазақты сынаса, қадірсіз, әйелді сөз етсе, абыройсыз, қызды қыңырдан тыйса, қасиетсіз деп үкім шығарудан сақ болған жөн.

Себебі айтушының ниетін, мақсатын, тарихи жадын, тар жол тайғақ кешкен жолын білмейміз.

Біздің қоғамда адамның мың сөзін түсінуге тырысқанша бір сөзі үшін жала жауып, итжеккенге айдап жіберген өте жеңіл әрі ыңғайлы.

Арайдың ситиінде әзірбайжандар ұлттық өнімдерін, кептірілген жеміс-жидектерін сатып жатыр екен.

Қызық көріп, аралап жүрсем, бір әзірбайжан інжірдің ұсақ бөлігін ұсынды. Өте дәмді екен. Шәйдің адамы-ау деп мені дәл тапқан болар, сірә! Шәйкоманияға қарсы ем жоқ екен ғой…

Өзбек ағайын да өзінің кептірілген жеміс-жидегін, пайдалы дүниесін ұсынады. Ал бізде ше?

Біздің қазақ ата-бабадан қалған жері жоқ, қаңғыған қаңбақ секілді фастфуд, кофе, жүгері т.б. сатып күнелтеді.

Ұлттық колорит, менталитет жоқ. Ұлттық тағам тек ресторанның мәзірінде. Ал оған ұлттық тағам тиесілі ұлттың жағдайы, ештеңесі де жетпейді.

Қадір түнінде тарауық намазында қари Құранның соңғы парасын оқиды. «Ықылас», «Фәлақ», «Нас» сүрелерін оқыған соң тарауық намазының соңғы реті қалады.

Сонда қари «Фатиха» сүресінен соң «Бақара» сүресінің алғашқы бес аятын оқиды. Міне…

Осы сәтте Рамазан айының әрбір күнінің көрінісі тұла бойыңды шарпып, сағыныш тұңғиығына тереңдете түседі.

Себебі Рамазан айы тарауық намазынан бастау алады ғой. Ал алғашқы тарауық намазында «Фатиха» сүресінен соң «Әлиф. Ләм. Мим» оқылады.

Құдды тарауық намазының ең соңында Рамазан айы қайта келгендей, тағы қауышқандай сан сезім сыйлайды. Алайда…

Ақыл қасиетті айдың соңғы сәттері екенін еске салады. Ендігі Рамазанға кім жетпек?! Ақыл оның да беймәлім екенін біледі.

Рамазан айының қашан аяқталатынын, оразаның қашан бітетінін білеміз. Бірақ пәниден қашан өтетінімізді білмейміз.

Жетістікке жету үшін қандай қасиет керек?

Доктор Әбділкәрім Бәккар «Жетістік» кітабында табысқа жету үшін

🟢 күшті ерік-жігер;
🟢 табандылық;
🟢 білімге құштарлық;
🟢 сабырлылық;
🟢 жақсылыққа ұмтылу;
🟢 өзгерістерге бейімділік;
🟢 теріс қасиеттермен күрес

сияқты қасиеттердің қажет екенін айтқан.

Биылғы Рамазан — ауызашарға шақырылмаған Рамазан.

ЧАЙковать ету — тарауықтан кейін тегін шәй ішу.

GALLUP ТІЛІНДЕ МЕН КІММІН?

🟢 Адамға бағытталған, сапаға ұмтылатын, терең ойлайтын тұлғамын.

🟢 Мен үшін жеке қарым-қатынас өте маңызды (Relator, Empathy, Connectedness, Developer, Individualization).

🟢 Өз ісімде шеберлікке ұмтыласың (Maximizer). Асығыс емес, жүйелі дамуды ұнатамын (Intellection, Context, Deliberative).

🟢 Көп нәрсеге бейімделгішпін (Adaptability). Бірақ өмірде мағынаны сезінуді қалаймын (Belief).

🟢 Қарым-қатынаста сенімділік пен сапаны бағалаймын (Responsibility, Harmony). Харизмаға (Woo) немесе қысыммен басқаруға (Command) аса мән бермеймін.

🟢 Мен үшін нәтиже мен бәсекелестік маңызды емес (Achiever, Competition – төмен). Процестің мәнін түсінуге көбірек көңіл бөлемін.

🔷 Жұмыс:

🔵 Мен бірден іске кірісіп, жылдам нәтиже шығаруға емес, сапаны жақсартуға басымдық беремін.

🔵 Адамдарға көмектесіп, олардың дамуын бақылау – мен үшін маңызды мотивация.

🔵 Қысымда жұмыс істегеннен гөрі өзіме ыңғайлы ырғақта істеуді ұнатамын.

🔷 Ойлау:

🔵 Өткенді, бүгінді және болашақты байланыстыра білемін (Context + Futuristic).

🔵 Көп ойланып, дұрыс шешім қабылдауға тырысамын (Intellection, Deliberative).

🔵 Креативті ойлау қабілетім бар, бірақ ұшқары идеяларды емес, мағыналы, терең ойларды ұнатамын.

🔷 Қарым-қатынас:

🔵 Жақын адамдармен терең байланыс орнатамын. Ал жаңа адамдармен тез араласа бермеймін.

🔵 Эмпатия жоғары, адамдардың көңіл күйін сеземін.

🔷 Лидерлік және мотивация:

🔵 Мен билік пен бәсекелестіктен гөрі үйлесімділік пен сапаны жоғары бағалаймын.

🔵 Көбірек рухани, мағыналы дүниелерге ұмтыламын.

🔵 Шабыттандыру мен ықпал етуді жақсы көремін. Тек тікелей қысым жасағанды ұнатпаймын.

🔶 Даму стратегиясы:

✅ Қай бағытта дамуға болады?

🟡 Жаңа мүмкіндіктерді көре білу (Strategic) мен болашақты болжау (Futuristic) қабілеттерін күшейту арқылы өз мақсатыма тезірек жете аламын.

🟡 Нақты әрекетке көшуді тездету үшін Achiever және Activator сияқты таланттарды аздап күшейту керек.

✅ Қандай қиындықтар туындауы мүмкін?

🟡 Өте көп ойланып, аз әрекет етемін (Intellection, Deliberative, Context).

🟡 Мінсіздікке ұмтылып, өзіме немесе басқаларға тым жоғары талап қоямын (Maximizer, Responsibility).

🟡 Мен үшін сапа маңызды. Егер орта мені үнемі тез нәтиже көрсетуге мәжбүр етсе, ыңғайсыз сезінемін (Achiever, Competition – төмен).

🟡 Тым көп ойланып, шешім қабылдауды кешіктіремін. Өткенге, бүгін мен болашаққа анализ жасау қабілетім өте күшті (Context, Intellection, Futuristic). Алайда керек шешімді уақытылы қабылдауды үйрену одан да маңызды.

#мұрағат | 12.06.2024

Оқырман саны 312 екен. Мыңға жететін күн туар ма екен?!

#мұрағат | 21.04.2022

«Жас Түркістан» журналында мынадай қызық құттықтау бар екен:

Рамазан мейрамы байланысымен барша отандастарымызды шын жүректен құттықтаймыз. Тәңірі келешек мерекені тәуелсіз Түркістанда ұлттық байрағымыз астында сүйіншілермен қарсы алуды нәсіп еткей.

Бұл журнал Парижде, Берлинде 1929-1939 жылдары жарық көрді. Бас редакторы Мұстафа Шоқай болған.

Аллаға шүкір, бүгін біз Тәуелсіз Қазақстанда ауыз бекітіп, ораза ұстап, Рамазан айының қадір-қасиетін емін-еркін сезініп жүрміз.

Бір ағамыз намаз оқып, дін ұстанған 22 жыл уақытым босқа кетті деп өкініп отыр екен.

Бұл оқиға бізге иманды сақтаудың, ақиқат жолын ұстанудың ұлы еңбек екенін айғақтайды.

Сақал өсірумен, орамал тағумен дін мәселесі шешілмейді. Эмоция тек иманды бір сілкіп береді. Иманның қорғаны — білім.

Дін жайлы білім жеткіліксіз, қате не мүлдем болмаса, адам құрдымға түсіп, надандықтың тұңғиығына батады.

Ораза жайлы әзілдер түбінде ұмыт болып, тек күнәсі қалады.

Ораза болсаң, ешкіммен ұрыспа, сөз қайтарма. Жай ғана сүф деп бет-аузына бар күшіңмен үрлеп жібер.