Ҳурматли дорихона раҳбарлари, иш юритувчилар!

“Зарур амалиётлар маркази - GXP” Давлат муассасасига GPP инспекцияси учун ариза топширишдан аввал - Сиз ўзингиздаги мавжуд қуйидаги ҳужжат ва маълумотларда дорихона фаолияти (актуал) манзили (синхрон) бир хил бўлиши кераклигини яхшилаб текширинг:

— кадастр ҳужжати (бош ҳужжат);
* — лицензия (агар фаолият олиб бораётган дорихона бўлса);
— ижара шартномаси;
— дорихона пешлавҳаси;
— GPP инспекцияси учун ёзилган ариза;
— сифат бўйича қўлланма

* Изоҳ:
Агар лицензияга эга бўлган, яъни фаолият олиб бораётган дорихонага тегишли кадастр ҳужжати (кўча номланиши ёки рақами)да ўзгариш бўлган бўлса - аввал ўзгарган (актуал) манзил бўйича GPP сертификатини олиб, сўнгра лицензияни ҳам актуал манзил бўйича қайта расмийлаштириб олиш мумкин.

Адаштирманг!
Юқоридаги изоҳда фақатгина лицензия олиб фаолият юритаётган дорихонанинг кадастр ҳужжатидаги ўзгариш ҳақида гап бормоқда.

❗️Дорихонага тегишли кадастр (кўча номи ёки рақами) ҳужжати ўзгариши ва дорихона фаолият манзилининг ўзгариши - бу бошқа-бошқа ҳолатлардир.

❓Дорихона кадастр ҳужжатидаги ҳозирги актуал манзилни қаердан билиб олсам бўлади?

Сиз Кўчмас мулк объектларига бўлган ҳуқуқларнинг давлат реестри - davreestr.uz сайтига кириб, объектнинг кадастр рақамини териш орқали бинога тегишли аниқ ва тўғри (актуал) манзилни аниқлаб олишингиз мумкин.

Обуна бўлинг | Подпишитесь
https://t.me/+CDGty3OjSrhiZGMy