САҲАРХАНДА

Икки бой суҳбатлашмокда. Бири иккинчисига дебди:
— Эшитишимча, Италиядан вилла сотиб олаётганмишсан...
— Ҳа, фирмам типратиканлар экспорт қилиб бойиб кетди, шунинг ҳисобидан сотиб оляпман!
— Қанақа типратикан?
— Фирмамиз қишлоқ хўжалиги зараркунандаларига қарши курашиш учун Европага типратикан экспорт қилади. — Менга қара, оғайни, бунча типратиканни қаердан топаяпсан?
— Бу жуда оддий: каламушни оласан-да, терисини лаклаб, фен билан қуритасан!

* * *
Бўривой ариза қўлтиқлаганича шошиб-пишиб борарди. Шу пайт йўлидан айиқ чиқиб, сўради:
— Ҳа, бўривой, йўл бўлсин?
— Менга қилинган туҳматлардан марказга бориб дод соламан!
— Сенга ким алам ўтказди?
— Ферма мудири қўйларни ўзи пинҳон йўқ қилиб, акт тузиб, айбни менга тўнкайверади-да...

👉 @mushtumjurnali