Digital.uz

🦠 Sun’iy intellekt yo‘nalishida parlament va institut o‘rtasida memorandum imzolandi

👨‍💻 Oliy Majlis Qonunchilik palatasining Innovatsion rivojlanish va axborot texnologiyalari masalalar qo‘mitasi hamda Raqamli texnologiyalar vazirligi huzuridagi Raqamli texnologiyalar va sun’iy intellektni rivojlantirish ilmiy-tadqiqot instituti o‘rtasida o‘zaro hamkorlik to‘g‘risida memorandum imzolandi.

📌 Tadbirda Oliy Majlis Qonunchilik palatasi deputatlari, Raqamli texnologiyalar vazirligi hamda Raqamli texnologiyalar va sun’iy intellektni rivojlantirish ilmiy-tadqiqot instituti rahbar-xodimlari, shuningdek, ommaviy axborot vositalari vakillari ishtirok etishdi.

🗣Tadbir doirasida dastlab ishtirokchilar, jumladan, parlament vakillari hamda mehmonlar sun’iy intellekt sohasida amalga oshirilayotgan ishlar, bu yo‘nalishdagi eng so‘nggi yutuqlar hamda qo‘shimcha imkoniyatlar bilan yaqindan tanishishdi.

Batafsil: 👉 https://digital.uz/oz/news/view/35305

📩Telegram 📱Facebook 📱 Instagram 📺Youtube 🌐 LinkedIn 🐦 X

🟡 “Sun’iy intellektning ish samaradorligini oshirishdagi roli” va xotin-qizlarning IT sohasidagi imkoniyatlari muhokama qilindi

Bugun Raqamli texnologiyalar vazirligida ayollarni IT sohasiga jalb qilish, ularning bilim va dunyoqarashini kengaytirish, qiziqish va layoqatiga mos ravishda yo'nalish tanlashda yordam berish maqsadida “GAP” Ayollar IT-klubining navbatdagi uchrashuvi tashkil etildi. Uchrashuvning asosiy mavzusi “Sun'iy intellektning ish samaradorligini oshirishdagi roli” bo'ldi.

🗣 Unda mutaxassislar sun’iy intellektning asosiy tamoyillari, uning turli sohalardagi amaliy qo‘llanilishi hamda kelajakdagi rivojlanish yo‘nalishlari haqida tushunarli va qiziqarli tarzda ma’lumot berishdi. Ishtirokchilar sun’iy intellekt texnologiyalarining ish samaradorligini oshirishdagi o‘rni va imkoniyatlari bilan yaqindan tanishish imkoniga ega bo‘lishdi.

Quyidagi saytlar orqali sun‘iy intellekt bilan ishlash bo‘yicha foydali ma’lumotlar va qulay vositalarga ega bo‘lishingiz mumkin:

🔹 ChatGPT – matn yaratish, tarjima va muloqot uchun AI yordamchi
🔹 Perplexity.ai – AI asosida aniq va to‘g‘ridan-to‘g‘ri javob beruvchi qidiruv tizimi
🔹 Claude – matn tahlili va hujjatlar bilan ishlash uchun aqlli vosita
🔹 Midjourney – sun’iy intellekt yordamida tasvirlar yaratish
🔹 Runway – video muharriri va AI asosida kreativ asboblar
🔹 ElevenLabs – sun’iy intellekt yordamida ovoz yaratish va qayta ishlash

“GAP” Ayollar IT-klubi tadbirlari nafaqat Toshkentda, balki boshqa viloyatlarda ham muntazam ravishda tashkil etilmoqda.

Batafsil: 👉 https://digital.uz/oz/news/view/35300

📩Telegram 📱Facebook 📱 Instagram 📺Youtube 🌐 LinkedIn 🐦 X

✅ “IT-Live” o‘quv markazi faoliyati bilan tanishildi

➡️ Raqamli texnologiyalar vaziri Sherzod Shermatov Sirdaryo viloyatiga tashrifi davomida IT Park rezidenti “IT-Live” o‘quv markazi faoliyati bilan tanishdi.

🔵Bugungi kunda o‘quv markaz 200 nafardan ortiq yoshlarga dasturlashning Foundation, FrontEnd, Backend yo‘nalishlari bo‘yicha hamda ingliz tili bo‘yicha ta’lim berib kelmoqda. Bu esa IT sohasi mutaxassislarini tayyorlash hamda ularning kelajakdagi kasbiy rivojlanishiga xizmat qilmoqda.

Batafsil: 👉 https://digital.uz/oz/news/view/35254

📩Telegram 📱Facebook 📱 Instagram 📺Youtube 🌐 LinkedIn 🐦 X

👨‍💻 Vazir Sirdaryodagi “IT-shaharcha”da yoshlarning taʼlim olishlari uchun yaratilgan sharoitlar bilan tanishdi

💻Raqamli texnologiyalar vaziri Sherzod Shermatov Sirdaryo viloyatiga tashrifi davomida hududda yangi tashkil etilgan “IT-shaharcha” binosiga borib, yoshlarning zamonaviy kasblarni o‘zlashtirishlari uchun yaratilgan sharoitlar bilan yaqindan tanishdi.

💡Mazkur IT-shaharcha zamonaviy texnologiyalar asosida jihozlangan bo‘lib, u yerda yiliga 1500 nafardan ortiq yoshlar dasturlash, grafik dizayn, game development kabi sohalarda chuqur bilim olishi mumkin. Shuningdek, talabgorlar ingliz tili va boshqa xorijiy tillarni ham bepul o‘rganish imkoniyatiga ega.

Batafsil: 👉 https://digital.uz/oz/news/view/35222

📩Telegram 📱Facebook 📱 Instagram 📺Youtube 🌐 LinkedIn 🐦 X