MANIFEST

@manifestcanal

Гео и язык канала: Узбекистан, Узбекский

Категория: Новости и СМИ

Гео и язык канала

Узбекистан, Узбекский

Категория

Новости и СМИ

Статистика

Избранное

Фильтр публикаций

Скрывать удаленные

Скрывать репосты

MANIFEST

24 Nov, 09:53

Судга ариза ва шикоят тайёрлаб, уни киритганлик учун адвокатга форумларда ейиладиган битта сомсани ҳам пули(70 минг сўм) тўланмас эканда-а?!

@manifestcanal

482 0 4 2 8

MANIFEST

24 Nov, 05:07

Агар мулкинг Миср, ё Рум ёки Чин,
Ё ҳукмингда бутун ер юзин тутгин,
Охир бу бойликдан олар ҳиссанг, бил:
Ўн газ кафан билан икки газ замин.

©️Умар Хайём

@manifestcanal

1.1k 0 26 23

Давлат хавфсизлик хизмати раиси лавозимини Баҳодир Қурбонов эгаллади. Абдусалом Азизов Хавфсизлик кенгашига тайинланди.

Абдусалом Азизов 2019 йил февраль ойидан бошлаб ДХХ раҳбари лавозимида ишлаб келган.

ДХХнинг раиси лавозимига Мудофаа вазири Баҳодир Қурбонов тайинланди. Янги раҳбарни тайинланиши маросимида Абдусалом Азизовнинг давлат хавфсизлиги тизимининг ривожига қўшган ҳиссаси алоҳида таъкидланди.

Шунингдек, янги тайинланган ДХХ раиси Баҳодир Қурбонов генерал-лейтенант Азизовнинг хавфсизлик тизимининг янгиланиши ва янги кадрларни тарбиялашдаги меҳнатини алоҳида қайд этди.

Абдусалом Азизов унга қайси лавозимда ишлаш буюрилмасин, халқ ва президентга содиқ қолиб ишлашга тайёрлигини билдирди.

Қайт этиш лозим, Абдусалом Азизов Ўзбекистон ДХХ тизимини шаффофлик ва очиқлик томон тубдан ислоҳ қилишда шахсан иштирок этди.

Давлат хавфсизлик хизмати

@manifestcanal

1k 0 6 2 9

MANIFEST

23 Nov, 20:48

Азизов Хавфсизлик кенгашига ўтказилгани тасдиқланмади

ДХХ раиси лавозимидан кетгани айтилган Абдусалом Азизов Хавфсизлик кенгашига ишга ўтказилгани ҳақида тармоқларда тарқалган маълумот ҳеч бир расмий идора томонидан тасдиқланмади. Эслатиб ўтамиз, Азизовнинг ишдан олиниши Комил Алламжоновга уюштирилган суиқасд доирасида ўтказилаётган текширувлар билан боғлиқлиги айтилмоқда.

@manifestcanal

1.2k 0 13 5

MANIFEST

23 Nov, 19:08

ДХХ раиси генерал-лейтенант Абдусалом Азизов Президент ҳузуридаги Хавфсизлик кенгашига ўтди.

@manifestcanal

1.4k 0 34 18

MANIFEST

23 Nov, 18:19

Мудофаа вазирининг биринчи ўринбосари – Қуролли Кучлар Бош штаби бошлиғи генерал-майор Халмухамедов Шуҳрат Ғайратжонович Мудофаа вазири этиб тайинлангани айтилмоқда.

Маълумот учун, 2021 йил 23 мартда Президент фармони билан Шуҳрат Холмуҳаммедовга генерал-майор ҳарбий унвони берилганди. У Мудофаа вазирининг биринчи ўринбосари – Қуролли Кучлар Бош штаби бошлиғи лавозимида ҳам ишлаган.

Холмуҳаммедов Мудофаа вазирининг ўринбосари, Ўзбекистон Президенти ҳузуридаги Хавфсизлик кенгаши котибининг ўринбосари, Фавқулодда вазиятлар вазирининг ўринбосари каби лавозимларида ҳам фаолият юритган. 2016 йилда “Содиқ хизматлари учун” медали билан тақдирланган.

@manifestcanal

2.9k 1 27 13

MANIFEST

23 Nov, 17:10

ДХХ раиси Абдусалом Азизов вазифасидан олинди. Унинг ўрнига амалдаги Мудофаа вазири Баҳодир Қурбонов тайинлангани айтилмоқда.

@manifestcanal

1.4k 0 39 14 8

MANIFEST

23 Nov, 14:08

00:19

Видео недоступно для предпросмотра

Смотреть в Telegram

Ortingdan pichoq urganga jahling chiqmasin, unga ishonib ortingni o‘girgan sensan,
Orqangdan gapirgandan ko‘ngling o‘ksimasin, uni inson o‘rniga qo‘ygan ham yana sensan. Umar Hayyom

@manifestcanal

1.6k 0 20 16

MANIFEST

23 Nov, 11:49

23 ноябрь куни Президент Шавкат Мирзиёев “Яшил макон” умуммиллий лойиҳаси доирасида барпо этилаётган янги боққа кўчат экди.

@manifestcanal

1.2k 0 6 4

MANIFEST

23 Nov, 10:46

Ҳамкасбимиз Шоҳрух Мирзабеков ҳозирда нафақат адвокатларга, балки ҳали айби исботланмаган шахсларга қийинчилик туғдираётган, қайсидир маънода адвокатларни камситаётган муаммони яна кўтариб чиқибди.

Инсон ва унинг ҳимоясини ўз ичига олган, адвокат ўз ҳимоясидаги шахс билан монеликсиз ва ҳоли учрашиши, мансабдор шахсларнинг рухсатисиз учрашишга ҳақли эканлиги ҳақидаги Конституциявий норманинг бузилаётгани биз даъво қилаётган демократик давлат мақомига мутлақо тўғри келмайди.

Жиноят ишларида қатнашадиган адвокат ҳамкасбларимиз "Тоштурма", ИИВ тергов ҳибсхонаси ва бир қатор объектлар борки, мазкур норма амал қилмайди.

Мисол учун, "Тоштурма"га:

душанба кунидан жума кунига қадар соат 18-00 дан кейин;

шанба куни соат 14-00 дан кейин;

якшанба куни эса умуман киролмайсиз.

Байрам кунлари 5 кунлаб кўриша олмаган ҳолатлар ҳам бўлади.

Якуний хулоса сифатида айтишим мумкин, ҳаёт бир чархпалак мисоли эртага сиз ҳам ўша жойда ўтиришингиз, адвокатингиз билан кўриша олмаслигингиздан кафолатланган эмассиз!

Имконингиз бўлса ҳозир тўғриланг!

@manifestcanal

1.2k 0 7 2 9

MANIFEST

23 Nov, 09:44

05:03

Видео недоступно для предпросмотра

Смотреть в Telegram

Ҳукумат раҳбари лавозимига Абдулла Арипов номзоди тасдиқланиши жараёни акс этган лавҳа.

@manifestcanal

1.2k 0 8 3 17

MANIFEST

23 Nov, 08:06

Жаҳон ғамин ема дўстим беҳуда,
Ғам емагил жаҳон тирриқдир жуда,
Бори ўтиб кетди, йўғи ҳали йўқ,
Бор-йўқни ғам қилмай яша осуда.

©️Умар Хайём

@manifestcanal

2.2k 0 40 6

MANIFEST

22 Nov, 19:49

Қонунлар ҳаммага бир хил эмасми?

Бу саволни бекорга мавзу қилиб қўймадим. Биз шу даражага етиб келдик-ки, юртда инсондек яшаш учун ё заринг ё зўринг бўлиши керак.

Жиноят ишини қўзғатиш айрим пайтларда буюртмачи ва қурбоннинг жамиятдаги мавқеига қараб бўлмоқда.
Масалан, 2023 йил декабрда эълон қилинган Судьялар олий кенгашининг расмий ахборотида ФИБ Тайлоқ туманлараро судининг (махфий ҳужжатлар билан ишлашга рухсати бўлган) раиси Ж.Хамраев чет элга рухсатсиз чиқиб кетганлиги кўрсатилган эди. Лекин прокуратура идоралари унга нисбатан жиноят иши қўзғатишмади.

Ёки махфий ҳужжатлар билан ишлашга рухсати мавжуд бўлган Самарқанд вилояти ССБнинг собиқ бошлиғи Д.Джуманиёзов ҳам 2021-2023 йиллар давомида 8 марта махсус келишувсиз чет элга чиқиб келган. Тасодифни қарангки, унга нисбатан ҳам жиноят иши қўзғатилмаган.

Бундай шахслар Ўзбекистонда кўплаб учрайди, лекин кимдир жавобгарликка тортилганлигини ҳеч эшитмаганмиз.

Лекин шундай биттагина шахс борки, онкологик касалликка учраган фарзандини даволаниш учун шошилинч равишда Россия Федерациясига олиб чиққанлиги учун Самарқанд шаҳар прокуратураси унинг устидан жиноят иши қўзғатган. ЖИБ Самарқанд шаҳар суди эса кўзини юмиб жазо тайинлаган.

Олий суд раиси ўринбосари И.Муслимов берган маълумотга ишонилса, 2018-2023 йилларда бунақаси бошқа ҳеч учрамабди....

ҲМҚОлар ўзларини охирги ҳукмни биз чиқармаймиз деб, Суд бизга қандай хулоса билан ДЕЛО келса шуни кўрамиз деб ўз ўзини овутар, аммо ҳар бирингиз юқоридаги саволга (агар бўлса) виждон билан жавоб беринг!

Унутманг ҳеч бир амалингиз жавобсиз қолиб кетмайди.

@manifestcanal

3.2k 1 33 6 19

MANIFEST

22 Nov, 16:41

Агар Бош вазир пиар қилишни хоҳлаганида эди, Бойсунга бир самолёт журналистлар билан борган бўларди. Бош вазирнинг салоҳияти ва лавозими билан буни тўлиқ амалга оширса бўлади.

Бундан ташқари, яқинда Давлат раҳбари ҳам А.Арипов номзодини Бош вазирликка тақдим этганида, унинг бир қатор фазилатларини санаб, камтарлигини ҳам алоҳида эътироф этган эди.

Эътиборингизга ҳавола қилинаётган видео яқинда, яъни Бош вазирнинг 11 ноябрь куни Сурхондарёга ташрифи давомида олинган.

Видеодан шуни англаш мумкинки, Бош вазир техноген фожеа юз берган Бойсун туман (Кофрун қишлоқ) оқсоқоллари билан суҳбатлашмоқда. Суҳбат асносида эса ушбу ҳолат шахсан Президент назоратида экани, давлат барча ёрдам ва ҳаракатларни бажараётгани ҳамда бундан кейин ҳам бажариши, бу ерга яна келиши ҳақида гапирилмоқда.

Лекин, айрим оммавий ахборот воситалари Бош вазир Сурхондарёга ташриф буюргани, лекин Бойсунга бормагани ҳақида асоссиз хабарлар тарқатмоқда.

Ким ким, лекин биз Бош вазир 29 сентябрдаги ташрифида ҳам, 11 ноябрдаги ташрифида ҳам Бойсунга боргани ва ўша ҳодиса юз берган ҳудудда маҳаллий аҳоли ҳамда масъуллар билан суҳбат қилганидан, ҳолатни яхшилаш борасида аниқ амалий чоралар кўрилаётганидан яхши хабардормиз.

Шу билан бирга, ижтимоий тармоқлардаги айрим саҳифалар Ўзбекистонни, ўзбек амалдорларини қанча кўп ёмонласа, қанча кўп негатив чиқарса, шунга қараб хожалари томонидан рағбатлантирилиши барчага кундек равшан.

Шу маънода, воқеадан хабардор сифатида ёлғон хабар тарқатилаётганига жим қараб туролмадик.

Фикримиз исботи сифатида эса видео ва фото фактларни илова қиламиз.

ХУЛОСА ЭСА СИЗДАН...

@manifestcanal

1.3k 0 14 2 18

MANIFEST

22 Nov, 15:53

ДХХ: Олмалиқ шаҳри ва Янгийўл туманида қонунбузилиши ҳолатлари аниқланди

Давлат хавфсизлик хизматининг Тошкент вилояти бўйича бошқармаси ходимлари томонидан Иқтисодий жиноятларга қарши курашиш департаментининг вилоят бошқармаси билан ҳамкорликда тезкор тадбирлар ўтказилди.

Жумладан, “Тошкент вилояти сув таъминоти” акциядорлик жамиятининг Абонентлар бошқармаси мутахассиси Х.А. Олмалиқ шаҳрида жойлашган оилавий поликлиникадаги сув ҳисоблагич ускунасининг тамғаси бузилганлиги ҳолати бўйича тузилган далолатномани ва қайта ҳисобланган 204 млн. сўм зарарни ўз ҳамкасби орқали бартараф қилиб бериш эвазига 1600 АҚШ доллари олган вақтида ашёвий далиллар билан ушланди.
Шунингдек, тезкор тадбир давом эттирилиб, мазкур ноқонуний ишга алоқадор бўлган АЖ Абонентлар бошқармасининг яна бир мутахассиси А.А. ўз хизмати учун ушбу пул маблағидан 1300 АҚШ долларини олган вақтида ушланди.

Бошқа ҳолатда эса муқаддам фирибгарлик билан боғлиқ содир этган жинояти учун ҳозирда ахлоқ тузатиш ишлари жазосини ўтаётган Янгийўл туманида яшовчи, 1983 й.т. А.С. 2021 йилнинг июнь ойида онлайн-аукцион орқали ўзига ва 6 нафар қариндошига деҳқончилик йўналишида фойдаланиш учун 49 йил муддатга ижарага берилган 2,7 гектар ер майдонини 1979 й.т. И.К. билан тил бириктириб, мансабдор танишлари орқали харидор номига расмийлаштириб бериш эвазига 40 минг АҚШ доллари талаб қилишиб, олдиндан 5 минг АҚШ доллари олган вақтларида ушланди.

Ҳозирда ҳар иккала ҳолат юзасидан жиноят ишлари қўзғатилиб, тергов ҳаракатлари олиб борилмоқда.

ДХХ

@manifestcanal

1.1k 0 5 8

MANIFEST

22 Nov, 15:07

РАСМИЙ АХБОРОТ

Бугун жиноят ишлари бўйича Чилонзор туман судида К. Дусовга (1984 йилда Самарқанд вилоятида туғилган) оид жиноят ишини кўриб чиқиш бўйича очиқ суд жараёни якунланиб, суд ҳукми эълон қилинди.

Ушбу жиноят иши жиноят ишлари бўйича Чилонзор туман судининг судьяси С. Мамадиев раислигида биринчи инстанцияда кўриб чиқилди.

Суд судланувчининг жиноят содир этишдаги айби жабрланувчининг кўрсатмасидан ташқари, жиноят ишида тўпланган далиллар билан, яъни жабрланувчиларнинг аризаси, тушунтириш хатлари, гувоҳларнинг кўрсатмалари, судга доир лингвистик экспертизалар хулосалари, ёзувлар скриншоти, Facebook ижтимоий тармоғидаги “Кабул Дусов” номли профилни ва Telegram мессенжеридаги “Kobul Dusov | RASMIY KANAL” номли канални кўздан кечириш баённомаси, судга доир комплекс экспертизалар хулосалари ҳамда жиноят иши бўйича барча тўпланган, текширилган, ишга алоқадорлиги, мақбуллиги ва ишончлилиги нуқтаи назаридан баҳоланган далиллар билан тўлиқ исботланган деб ҳисоблади.

Суд ҳукмига мувофиқ К. Дусов жабрланувчи Ф. Боқиевга нисбатан Жиноят кодексининг 140-моддаси (ҳақорат қилиш) 3-қисми “а” бандида назарда тутилган жиноятни содир этганликда айбли деб топилиб, унга 1 йил муддатга озодликни чеклаш жазоси тайинланди.

Жиноят кодексининг 48-1-моддасига (озодликни чеклаш) асосан К. Дусовга сутканинг муайян вақти, яъни кеч соат 21:00 дан эрталабки соат 07:00 га қадар яшаш жойидан чиқиш чекланиши ва унга қўшимча интернетдан фойдаланмаслик, оммавий ва бошқа тадбирлар ўтказишда иштирок этмаслик, ҳар ойда бир маротаба яшаш жойи бўйича ИИО ФМБ Пробация бўлимидан рўйхатдан ўтиб туриш ҳамда маҳкумларни назорат қилувчи органнинг розилигисиз яшаш жойини ўзгартирмаслик каби тақиқлар юкланиши белгиланди.

Мазкур жиноят иши бўйича манфаатдор тарафларга етказилган моддий ва маънавий зарарларни ундириш юзасидан фуқаролик суд ишларини юритиш тартибида судга мурожаат қилиш ҳуқуқлари мавжудлиги тушунтирилди.

Биринчи инстанция судининг ҳукми устидан тарафлар қонунда белгиланган тартиб ва муддатда Тошкент шаҳар судининг жиноят ишлари бўйича судлов ҳайъатига апелляция/кассация тартибида шикоят бериш ва протест келтиришга ҳақлилиги маълум қилинади.

@manifestcanal

1.2k 0 11 12

MANIFEST

22 Nov, 07:00

01:45

Видео недоступно для предпросмотра

Смотреть в Telegram

#Huquqiy_savodxonlik

📖“Vijdon erkinligi va diniy tashkilotlar toʻgʻrisida”gi qonunning 23-moddasi

🔰Diniy tashkilotni roʻyxatdan oʻtkazishni rad etish uchun asoslar

O‘zbekiston xalqaro islom akademiyasi

@manifestcanal

1.2k 0 3 3

MANIFEST

22 Nov, 04:28

Бир ғариб кўнглини қила олсанг шод —
Яхшидир ер юзин қилгандан обод
Лутфинг-ла бир дилни қул қила олсанг,
Афзалдир юз қулни қилмоқдан озод.

©️Умар Хайём

@manifestcanal

1.3k 0 32 21

MANIFEST

21 Nov, 21:26

"Давлат ҳисобидан юридик ёрдам кўрсатадиган адвокатларни жалб этиш ва уларга ҳақ тўлаш тартиби тўғрисида"ги низом тасдиқланди.

НИЗОМ📜

@manifestcanal

1.3k 0 18 13

MANIFEST

21 Nov, 17:09

Ноҳақ судланган фуқаронинг тақдирига муносабатни қаранг....

Олий суд Пленумининг 2024 йил 25 июндаги “Судлар томонидан жиноят ишларини тафтиш тартибида кўриб чиқишнинг айрим масалалари тўғрисида”ги 18-сон қарори 37-бандига кўра шикоят (хусусий шикоят), протест (хусусий протест) қаноатлантирилмай қолдирилганда тафтиш инстанцияси судининг ажримида қуйи инстанция судининг ҳукми, ажрими қонуний, асосли ва адолатли деб топилганлигининг, шикоят (хусусий шикоят) ёки протест (хусусий протест) эса қаноатлантирилмасдан қолдирилганлигининг асослари кўрсатилиши керак.

Ушбу масала бўйича тўпланиб қолган муаммолар ҳақида сўз юритар экан, Олий суд раиси Бахтиёр Исломов ҳам бундан буён тафтиш тартибида киритилган шикоятдаги ҳар бир важга судьялар атрофлича баҳо беришлари шартлиги, шикоятдаги қайсидир важ билан келишилмаганда эса қабул қилинган ажримда бу асослантирилиши шартлигини айтиб ўтган эди. Биз эса бундан хурсанд бўлгандик.

Лекин бу кўрсатмаларга амал қилинаяптими?

Келинг, Олий суд судьяларининг ўзи Пленум ва Раиснинг бу кўрсатмаларига қанчалик амал қилишаётганликларини биттагина мисолда кўрсатиб ўтай. Биз Олий судга тафтиш тартибида шикоят (5 варақлик) юбориб, унда ҳукмни бекор қилиш учун 7 та мустаҳкам асос кўрсатган эдик. Назаримда Олий суд судьяси К.Толлибоев шикоятимизга қандай муносабатда бўлганлигини англаш учун у чиқарган ажримга бир қарашнинг ўзи етарли.

Шикоятимиз шунчалик “чуқур” ўрганилганки, бир варақдан салгина ошадиган ажримда бегона бир судланган шахснинг фамилияси кўрсатилган. Охирги пайтларда Олий суднинг айрим судьялари тафтиш тартибида юборилган шикоятларни ўқиб ҳам ўтирмай, шаблон жавоблар юбориш билан чекланаяпти деган гаплар нега урчиб кетаётганини энди тушуниб етаяпсизми?

@manifestcanal

3.6k 1 27 4 18

Показано 20 последних публикаций.

12 527

подписчиков

Статистика канала

Язык сайта

Katana zanos

Postal

Реклама на 4 млн аудитории

MANIFEST

Гео и язык канала

Категория

12 527

Популярное в канале