Каттақўрғон туманида ёнғин хавфсизлигини таъминлаш мақсадида профилактик тадбирлар ўтказилди

Фавқулодда вазиятлар бўлими ходимлари "Каттақўрғон Электротехника заводи", суюлтирилган газ балонлари тарқатиш шаҳобчаси ва бошқа ташкилотларда, шунингдек, аҳоли хонадонларида ёнғин хавфсизлиги бўйича тушунтириш ишларини олиб боришди.

Тадбир давомида ишчи-ходимларга ёнғинларнинг асосий сабаблари ва уларнинг олдини олиш чоралари ҳақида маълумот берилди. Шунингдек, кутилмаганда ёнғин содир бўлганда қандай ҳаракат қилиш кераклиги тушунтирилиб, мавзуга оид эслатмалар тарқатилди.