КАТТАҚЎРҒОН ТУМАН МАКТАБГАЧА ВА МАКТАБ ТАЪЛИМИ

#ishchi_guruh
#Samarqand

◻️IXTISOSLASHTIRILGAN TA’LIM MUASSASALARI AGENTLIGI DIREKTORI TIZIMDAGI MAKTABLAR FAOLIYATINI JOYIDA O‘RGANMOQDA

Ixtisoslashtirilgan ta’lim muassasalari agentligi direktori Alisher Ubbiyev boshchiligidagi ishchi guruh Samarqand viloyatida bo‘lib, tizimdagi maktablar faoliyatini tanqidiy-tahliliy o‘rgandi.

Xususan, ishchi guruh tomonidan Kattaqo‘rg‘on shahar, Kattaqo‘rg‘on, Paxtachi hamda Narpay tuman ixtisoslashtirilgan maktablarida o‘quvchilarning sifatli ta’lim-tarbiya olishlari uchun yaratilgan sharoitlar, qish mavsumiga tayyorgarlik holati ko‘zdan kechirib, dars jarayonlarini kuzatdi.

O‘rganishlar davomida ta’lim maskanlarining erishib kelayotgan yutuqlari, hozirgi vaqtda mavjud shart-sharoitlar tanqidiy tahlil qilinib, aniqlangan kamchiliklarni tezkorlik bilan bartaraf etish bo‘yicha mas’ullarga tegishli ko‘rsatmalar berildi.

🖌Samarqand viloyati Maktabgacha va maktab ta’limi axborot xizmati             

Telegram | Facebook | Veb sayt

Samarqand viloyatida IRN xalqaro olimpiadasining viloyat bosqichi bo‘lib o‘tdi

2024 yil 5 noyabr kuni Samarqand viloyati Nurobod tumanida matematika va ingliz tili fanlari bo‘yicha IRN xalqaro olimpiadasining viloyat bosqichi o‘tkazildi. Ushbu nufuzli tadbirda tumanning turli maktablaridan iqtidorli o‘quvchilar qatnashdi.

Musobaqada Kattaqo‘rg‘on tumanidagi 77-maktabning 7 nafar o‘quvchilari matematika fanidan ishtirok etdi. Ular o‘zaro bilim va mahoratlarini namoyish etishdi.

Musobaqa yakunida 77-maktabning uch nafar iqtidorli o‘quvchisi — Kumush Bahodirova, Zahro O‘ktamova va Jasmina Hasanovalar yuqori natijalarni qayd etib, Toshkent shahrida bo‘lib o‘tadigan final bosqichiga yo‘llanmani qo‘lga kiritishdi.

Bu kabi musobaqalar iqtidorli yoshlarni rag‘batlantirish va ularning kelajakdagi muvaffaqiyatlariga zamin yaratishda muhim ahamiyat kasb etadi. Final bosqichida ishtirok etadigan barcha o‘quvchilarga omad tilaymiz!

Muslima Faqirova, matematika fani o‘qituvchisi.

Халқаро олимпиада ғолиби – Камолиддин Озодов ва устози Дилфуза Низомованинг муваффақият йўли

Каттақўрғон тумани 15-мактабнинг иқтидорли ўқувчиси Камолиддин Озодов Тошкент шаҳридаги Абу Али ибн Сино номидаги ихтисослаштирилган мактабда 2023-2024 ўқув йили давомида халқаро ва минтақавий фан олимпиадаларида бронза медалига сазовор бўлди. Бу юксак натижа унинг ўз меҳнати ва устози, биология фани ўқитувчиси Дилфуза Низомованинг фидокорона саъй-ҳаракатлари самарасидир.

Дилфуза Низомова 33 йилдан бери таълим соҳасида фаолият юритиб, кўплаб иқтидорли шогирдларни тарбиялаб келмоқда. У ўз фаолияти давомида 42 нафар биология ва кимё ўқитувчиларини, 200 нафардан ортиқ шифокор ва фармацевтларни тайёрлаган, бу эса унинг педагогик маҳорати ва меҳнатсеварлигидан далолатдир.

Камолиддин Озодовнинг биология фанидан қизиқиши 7-синфдан бошланган бўлиб, у туман ва вилоят босқичларида юксак натижаларга эришган. Жумладан, 9-синфда туман босқичида биринчи, вилоят босқичида иккинчи ўринни қўлга киритган. 2023-2024 ўқув йилида эса 10-синфлар ўртасидаги вилоят босқичида биринчи ўринни эгаллаб, биология фанидан миллий сертификатга эга бўлган.

Устоз ва шогирднинг бу каби ютуқлари мамлакатимизда иқтидорли ёшларни қўллаб-қувватлаш ва уларнинг халқаро майдондаги муваффақиятларини таъминлашга қаратилган тизимли ишлар самарасидир. Камолиддин ва Дилфуза опанинг ижобий тажрибалари бошқа ўқувчилар ва ўқитувчилар учун ҳам илҳом манбаи бўлиб хизмат қилади.

Бу каби истеъдодли ёшларнинг ютуқлари, уларнинг устозлари билан қилган фидокорона меҳнати бутун жамият учун намунадир. Улар келажакда янада катта муваффақиятларга эришишига ишончимиз комил.

Тез кунда видео форматда томоша қиласиз

#Фото
⚡️Иккинчи гуруҳ фанларидан асосий олимпиаданинг III (вилоят) босқичи 2-3-4 декабрь кунлари ўтказилади

Иккинчи гуруҳ она тили ва адабиёт, рус тили ва адабиёт, ўзбек тили, тожик тили, қозоқ тили қорақалпоқ тили, инглиз тили, немис тили, француз тили, тарих, давлат ва ҳуқуқ асослари ҳамда география фанларидан ташкил қилинади.

🖼 Олимпиада ўтказилиш жадвали ва шартлари билан батафсил юқоридаги фотода танишишингиз мумкин.

👉 @kattakurgon_tmmtb

#Фото
⚡️Биринчи гуруҳ фанларидан асосий олимпиаданинг III (вилоят) босқичи 25 ноябрдан 1 декабрга қадар ўтказилади

Биринчи гуруҳ фанларидан асосий олимпиада биология, информатика ва ахборот технологиялари, математика, физика ва кимё фанларидан иккита турда (ёзма иш ва тест синовлари шаклида) ташкил қилинади.

🖼 Олимпиада ўтказилиш жадвали билан батафсил юқоридаги фотода танишишингиз мумкин.

👉 @kattakurgon_tmmtb

Касаба уюшмалари кунига бағишланган волейбол мусобақаси ўтказилди

11-ноябрь — Касаба уюшмалари куни муносабати билан Каттақўрғон туман спорт мактабида ўқитувчи ва ходимлар ўртасида волейбол мусобақаси ташкил этилди.

Таълим ва фан ходимлари касаба уюшмаси Каттақўрғон туман кенгаши кубоги учун ўтказилган ушбу мусобақада хотин-қизлар жамоалари ўртасида 1-ўринни 1-мактаб, 2-ўринни 55-мактаб, ва 3-ўринни 11 ҳамда 29-мактаб жамоалари эгаллади.

Эркаклар ўртасидаги беллашувда эса 1-ўрин 30-мактаб жамоасига насиб этди, 2-ўринни 55-мактаб, ва 3-ўринни 71-мактаб жамоалари қўлга киритди.

Ушбу мусобақа орқали ўқитувчилар ўртасида соғлом турмуш тарзини тарғиб қилиш, жамоалар ўртасида дўстона муносабатларни мустаҳкамлаш ва ўзаро ҳамкорликни ривожлантириш мақсад қилинди.