КАТТАҚЎРҒОН ТУМАН МАКТАБГАЧА ВА МАКТАБ ТАЪЛИМИ

Ассалому алайкум, муҳтарама устозлар, азиз опа-сингиллар, лобар қизларимиз!

Сизларни гўзаллик ва нафосат рамзи бўлган 8-Март – Халқаро хотин-қизлар куни билан чин қалбимдан муборакбод этаман!

Сизлар наинки оила ва жамият таянчи, балки фарзандларимиз келажагини бунёд этувчи зиё масаласининг тараққийпарвар ҳамда меҳнатсевар устозларисиз.

Туманимиз таълим соҳасида эришилаётган барча ютуқларда, ёшларимизнинг камол топишида, уларга эзгу ғояларни сингдиришда сиз, азиз устоз аёлларнинг меҳнати беқиёсдир.

Сизларнинг илм-маърифатга бўлган садоқатингиз, меҳнатингиз ва фидойилигингиз учун чуқур миннатдорчилик изҳор этамиз.

Ҳар доим шод ва хурсанд бўлинг, оилангиз тинч ва файзли, кўнглингизда баҳор кайфияти ҳукмрон бўлсин!

Байрамингиз муборак бўлсин!

"ТУРОН" мактаб театри танловининг Каттақўрғон тумани финал босқичи ғолиблари аниқланди

Мактабгача ва мактаб таълими вазирлиги томонидан мактаблардаги театр студиялари фаолиятини қўллаб-қувватлаш ва театр санъатини ривожлантириш мақсадида ташкил этилган "ТУРОН" мактаб театри Республика танловининг Каттақўрғон тумани босқичи 54-мактабда бўлиб ўтди.

Танловда туман мактабларининг энг иқтидорли ўқувчилари иштирок этиб, саҳнада ўз маҳоратларини намойиш қилишди.

Финал босқичи натижаларига кўра:

🥇 1-ўрин – 77-мактаб "ТУРОН" жамоаси
🥈 2-ўрин – 17-мактаб "ЎЗБЕГИМ" жамоаси
🥉 3-ўрин – 39-мактаб "МАРОҚАНД" жамоаси

Танлов ўқувчиларда нотиқлик санъати ва саҳна маданиятини шакллантириш, театр студиялари фаолиятини қўллаб-қувватлаш, ижодий ва интеллектуал қобилиятни ривожлантириш ҳамда ватанпарварлик руҳида тарбиялашга қаратилган.

Ғолиб жамоаларни табриклаймиз ва уларга келгуси босқичларда муваффақият тилаймиз!

Муборак Рамазон ойи кириб келиши муносабати билан Ўзбекистон халқига табрик
—
Поздравление народу Узбекистана с наступлением священного месяца Рамадан

Prezident.uz|Facebook|Instagram|YouTube|X

Kattaqo‘rg‘on tuman maktabgacha va maktab ta'limi bo'limida davlat-xususiy sheriklik asosidagi maktabgacha ta’lim tashkilotlari va oilaviy nodavlat maktabgacha ta’lim tashkilotlari uchun seminar o`tkazildi.
Seminarda tuman MMTB boshlig'i Sh.Sultonov, DXSh bosh mutaxassisi B.Aliqulov tomonidan 2025-yil 1-yanvardan boshlab sohaga kiritilgan o‘zgarishlar va qo‘shimchalar haqida ma’lumotlar berildi.
Shuningdek, merchant shartnomasini imzolash tartibi, ota-onalar to'lov miqdorini kiritish, to'lovlarni biriktirish, NMTTdagi tarbiyalanuvchilarning badal summalarini hisoblash kabi vazifalarni amalga oshirish bo'yicha batafsil gapirib o'tildi.
Seminarda mas’ullar "Nodavlat bog‘chasi" hamda “Bolalar bog‘chasi axborot tizimi” platformasida ishlash tartiblari haqida ham tushuntirib o`tdi. Seminar davomida tadbirkorlarning muammolari eshitildi hamda ularning yechimlari yuzasidan amaliy yordam berildi.
t.me/kattakurgon_tmmtb

📢 Kattaqo‘rg‘on tumani informatika o‘qituvchilari va o‘quvchilari "School-21"ga tashrif buyurdi! 🎓💻

🔹 Kattaqo‘rg‘on tumani hokimligi tashabbusi bilan informatika fani o‘qituvchilari va o‘quvchilardan iborat bir guruh vakillar Samarqand shahridagi "School-21" Raqamli texnologiyalar maktabiga tashrif buyurishdi.

💡 Tashrif davomida:
✅ Maktab hayoti va o‘quv jarayonlari bilan yaqindan tanishildi
✅ O‘qishga kirish shartlari va imkoniyatlari haqida ma’lumot olindi
✅ Zamonaviy IT texnologiyalarining ahamiyati tushuntirildi

🌟 Bu kabi tashabbuslar Kattaqo‘rg‘on tumanida yoshlarni IT sohasi bilan chuqur tanishtirish va ularning kelajakdagi raqamli kasblarga bo‘lgan qiziqishini oshirish uchun muhim qadam bo‘lib xizmat qiladi! 🚀

📸 Tashrifdan lavhalar:

Туман ҳокимлиги томонидан ўтказилган "Навоийхонлик" ва "Бобурхонлик" байрам тадбирларидаги фаол иштироки учун 39, 65, 79, 82, 83 ва 91-сонли мактаб жамоаси ҳокимликнинг Ташаккурномалари билан тақдирландилар.
Келгусида ҳам ушбу мактабларнинг таълим сифати ҳамда маънавий-маърифий йўналишлардаги ишларида фаоллик ва фидоийликни тилаб қоламиз.

Kun_hikmati

Agar kishi tijorat bilan mashg‘ul bo‘lsa, bu dunyoda farovon yashaydi, agar ibodat bilan shug‘ullansa, u dunyoda oxirati obod bo‘ladi, agar ilm bilan shug‘ullansa, u ikki dunyo saodatiga erishadi.

Abdurauf FITRAT

@otabek_khasanov

▪️Таъзия

▫️Каттақўрғон туман Мактабгача ва мактаб таълими бўлими Ўзбекистон таълим ва фан ходимлари касаба уюшмаси Каттақўрғон туман бўлинмаси Кенгаши раиси Кенжаев Азаматнинг онаси Хосият онанинг вафоти муносабати билан у кишининг барча оила аъзоларига ва яқинларига чуқур таъзия изҳор этади.

▫️Марҳуманинг барча солиҳ амалларини Аллоҳ таоло ўзларига ҳамроҳ айлаб, Ўз мағфиратига олсин.

▫️«Иннаа лиллааҳи ва иннаа илайҳи рожиъуун!»

Жаноза намози бугун 23 феврал куни соат 16:00 да адо этилади.

Манзил: Кадан маҳалласи Кадан қишлоғи. (Чоррахадан Дурбеш йўли)