"Sauver Samarcande!" - bong urmoqda fransuzlar. Biznikilar jim

Albatta, oldingi postdagi "qaror" matni badiiy to'qima mahsuli edi, biroq ... Samarqand va boshqa tarixiy shaharlar o'z tarixiy qiyofasini yo'qotib, qandaydir qiyofasiz shaharlarga, didsiz "korobka"larga aylanayotgani bor gap. Masalan, Gazeta.uz Samarqand haqida bir necha marta yozgan edi (1, 2), lekin bizning "chinovnik"larni hozir va shu yerda kelayotgan daromaddan boshqa hech narsa qiziqtirmaydi shekilli - tarix, "madaniy meros" degan tushunchalar ular uchun quruq so'z xolos.

Vaziyat shu darajadaki, nufuzli Hachette nashriyoti o'zining O'zbekistonga bag'ishlangan va sayyohlar uchun chiqargan kitobiga "Sauver Samarcande!" - "Samarqandni qutqaring!" deb nomlangan alohida "bo'limcha" qo'shgan (suratda o'sha "bo'limcha" va uning rus tilidagi avtomatik tarjimasini ko'rishingiz mumkin - o'zbek tilidagi tarjima unchalik tushunarsiz chiqqani uchun rus tilida qo'yoshga majbur bo'ldim). Tasavvur qiling: fransuzlar "Samarqandni qutqaring!" deya bong urmoqda, biz esa Samarqandni (va boshqa tarixiy shaharlarimizni) "siti"lashtirishda davom etyapmiz.

Ha, oldingi postdagi "qaror" matni badiiy to'qima mahsuli edi ... hozircha?