Jalilov. Qaydlar

Norasmiy xabarlarga koʻra, taʼlim standartlari va oʻquv dasturlarining hozirgi "kasha" holatiga hissa qoʻshganlar endi davlat taʼlim standartlarini takomillashtirishga bevosita masʼul boʻlisharkan.

Shunchaki maʼlumot oʻrnida. Maktabgacha va maktab taʼlimi vaziri Hilola Umarova va uning jamoasi tizimni boshqarayotgan mana uchinchi yildirki, Oʻzbekistonlik maktab oʻquvchilarining 11 yillik umumiy oʻrta taʼlimda nimalarni oʻqib oʻrganishlarini, umuman, taʼlim maqsadlarini belgilaydigan yagona va izchil hujjat mavjud emas (de-fakto ishlamaydi). Turli sinflar turli davrlarda va turli andozalar asosida yaratilgan, bir-biriga nomutanosib dasturlar va darsliklar asosida tahsil olib kelishmoqda.

Vazirlik masʼul xodimi Dilshoda Norboyeva 2025-yil yakunigacha maktablarning yagona ta’lim tizimi uchun o‘quv dasturlari va DTS takomillashtirilishini aytgan edi.

Maktabgacha va maktab taʼlimi vaziri joylarda hech kim ochiq gapirmaydigan "ochiq" muloqotlar bilan band boʻlgan bir paytda, tizimda olib borilayotgan "islohotlar" haqida ayrim fikrlar:

Теперешнее образование в школах по новой методике отвратительное Ученики которые старались из за этих СОРОВ и СОЧЕЙ не хотят учиться Вроде стараются и пишут СОРы и СОЧи но получают плохие результаты А тунеядцы сдают хорошо на обум Лазаря Отбили желания у учеников Да и учителям это все бьет по карману Школы ничем не обеспечивают все ложиться на карман учителя и класс рука Зато директора и замы живут припеваючи Да еще и учителям пишут наличку и сами ее забирают Проверьте школы Асака особенно 57 и 59

Учебников НЕТ , а те которые раздали имеют массу ошибок, стих поэтов местного разлива
не имеют ни рифмы, ни смысла.
Психически неуравновешенные учителя , сбор денег на уборщицу .
Какие-то медицинские эксперименты в школах- то вакцинация, то таблетки антиструмина ( можно только под наблюдением врача и неоднократно , а длительно), то профилактика глистов ( не бывает вообще, сначала анализ, выявление типа гельминта, потом по возрасту и весу ребёнка определяет дозу и препарат, применяют под наблюдением врача. На любые манипуляции должно быть письменное согласие родителей . На сор и соч тащат больных детей и заражают весь класс . Одиннадцать лет детям ,
за что ? К пятому классу напрочь исчезает желание не только учиться , а просто школу посещать

Ужас что творится в государственных школах. Внедряются разные системы образования финская, сингапурская итд. Ни от одной системы нет толку, системы меняются каждые 2, 3 месяца. Сами учителя в шоке, ничего не понимают. Учителей заставляют только положительные сфабрикованные отчёты отправлять, чтоб потом директора школ отправляли наверх. Ввели штрафы за посещаемость, а толку то? Посещаемость есть, а знаний ноль. Короче в Узбекистане только пыль в глаза, во всех сферах жизнедеятельности.

Va bonusiga:

Не удивлюсь, если учителей заставят зайти на сайт и проголосовать "за".

"Salla" desa kallani olib kelish...

Bunday shaklbozlikning samarasi haqida oldinroq jurnalist Ilyos Safarov va filologiya fanlari nomzodi Iroda Azimova bilan suhbatlashgan edik.

Yangi baholash tizimi ... noqonuniy joriy qilinmoqdami?

Adliya vazirligining ma'lum qilishicha, Maktabgacha va maktab ta'limi vazirining 2024-yil 26-avgustdagi "2024-2025-oʻquv yilidan boshlab umumtaʼlim maktablarida bilimni baholashning yangi tartibini joriy etish toʻgʻrisida"gi 275-sonli buyrug'i Adliya vazirligi ro'yxatidan o'tmagan va idoralar normativ-huquqiy hujjatlari davlat reyestrida mavjud emas. Adliya vazirligi boshqarma boshlig'i F.Saliyev imzolagan xatda aytilishicha, vazirlik va idoralarning fuqarolarning qonuniy huquq, erkinlik va manfaatlairiga aloqador yoki umummajburiy tusdagi normativ aktlari Adliya vazirligida ro'yxatdan o'tkazilishi va rasman e'lon qilinishi kerak.

"Normativ-huquqiy hujjatlar to'g'risida"gi qonunning 37-moddasiga ko'ra. vazirliklar va idoralarning davlat ro‘yxatidan o‘tkazilmagan normativ-huquqiy hujjatlari tegishli ijtimoiy munosabatlarni huquqiy jihatdan tartibga solish uchun asos bo‘lib xizmat qilishi mumkin emas hamda huquqiy oqibatlarga olib kelmaydi. Vazirliklar va idoralarning mansabdor shaxslari davlat ro‘yxatidan o‘tkazilmagan normativ-huquqiy hujjatlarni amalga kiritganlik uchun qonunda belgilangan tartibda ma’muriy javobgarlikka tortiladi.

Xuddi shu qonunning 38-moddasiga ko'ra, normativ-huquqiy hujjatlar rasmiy nashrlarda e’lon qilinishi kerak. Maktabgacha va maktab ta'limi vazirining yangi baholash tizimi bo'yicha buyruqlari va bu tizimni tartibga soluvchi, unda ishtirokchilarning (o'quvchilar, o'qituvchilar, maktab, vazirlik, ota-onalar) huquq va majburiyatlarini belgilaydigan nizom yoki boshqa hujjat lex.uz da ham, vazirlik saytida ham, boshqa biron rasmiy manbada ham e'lon qilingan emas.

Qolaversa, yangi baholash tizimi amaldagi bir qator normativ-huquqiy hujatlarga zid:

- Vazirlar Mahkamasi qarori bilan "Umumiy o'rta ta'lim to'g'risida"gi Nizomning 33-bandi (e'tibor bering: "Normativ-huquqiy hujjatlar to'g'risida"gi qonunga ko'ra, normativ-hujjat o'zidan yuqori yuridik kuchga ega normativ-huquqiy hujjatga zid kelishi - masalan, Maktabgacha va maktab ta'limi vazirining buyrug'i Vazirlar Mahkamasi qaroriga zid kelishi mumkin emas);

- O‘zbekiston Respublikasi Xalq ta’limi vazirligi va Vazirlar Mahkamasi huzuridagi Davlat test markazining buyrug'i bilan tasdiqlangan hamda Adliya vazirligi ro'yxatidan o'tkazilgan "5 — 9-sinf o‘quvchilarining bilimlari sifatini nazorat qilishning reyting tizimi to‘g‘risida"gi Nizom.

Yangi baholash tizimining o'qituvchilar va o'quvchilarga ta'siri haqida bu maqolada batafsil yozilgan edi. Ota-onalarning xabar berishicha, bu bo'yicha yuqori davlat organlariga (Parlament, Prezident Administratsiya va hokazo) yuborilgan murojaatlar ko'rib chiqish uchun Maktabgacha va maktab ta'limi vazirligiga yuborilmoqda va vazir o'rinbosaridan "bizda hammasi zo'r" mazmunida javoblar kelmoqda.

Tizim, vazirlik aytgandek, "zo'r" bo'lishi ham mumkin, lekin qonunlarni nima qilamiz? Yoki ayrim vazirliklarga amaldagi qonunchilikni "ignor" qilish huquqi berilganmi?

Yana propaganda haqida

Bugun bir guruhda ayrimlarning SSSR paytida taʼlim dunyodagi eng zoʻri boʻlgani, biz ham sovet darsliklariga qaytishimiz kerakligi haqidagi fikrga bir qiziq argument keltirilganini koʻrdim: emishki, shu kunlarda shov-shuvga sabab boʻlayotgan Deep Seek sunʼiy intellekti asosida sovet olimlarining 1985-yilda yaratgan kodi yotar ekan. Hayron boʻlgandim. Mana, bunday "argument"ning manbasi ham topildi.

Asosiy axborot manbasi Rossiyaning davlat kanallari boʻlgan qatlam Rossiyaning har qanday propagandasini fact-chechking qilishmasdan rost deb qabul qiladi. Yuqoridagi Deep Seek haqidagi misol-ku, nisbatan "beozor", lekin bundan battar yolgʻonlarni ham rost sifatida qabul qilishayotgani xavfli.

Darvoqe. Tanqidiy fikrlash va fact-chechking ahamiyati haqida ancha oldinroq maqola yozgan edim va qizigʻi, unda ham misol sifatida "sovet taʼlimining eng zoʻr boʻlgani" haqidagi argument olingan edi.

Senzura tarafdori emasman, lekin bugun bir narsaga yana bir bor qatʼiy ishonch hosil qildim: Rossiya propagandaning Oʻzbekistonda cheklanmasligi - suverenitet uchun, kelajak uchun katta xavf. Bu borada Yuliy Yusupov haq. Va eng yomoni - bizning OAVlar bunday sifatli propagandaga (ha, Rossiya propaganda juda sifatli, shuning uchun ham ishontira oladi) qarshi hech narsa taklif qila olmaydi.

Muammo nafaqat 5-6 sinflar bilan, yuqori sinflar darsliklari bilan ham shu ahvol, deyishmoqda ijtimoiy tarmoqlar foydalanuvchilari.

Taʼlim standartlari va oʻquv dasturlari "kasha", darsliklar yoki yoʻq, yoki vaqtida kelmaydi, baholash tizimi oʻquvchilarni oʻqishdan, oʻqituvchilarni ishdan bezdiradi. Ota-onalar qaysi idoraga shikoyat yoʻllamasin, oʻsha idora nomidan vazir oʻrinbosari "bizda hammasi zoʻr" deb javob xati yiboradi. Vazir esa "tepa"ga qandaydir "islohotlar" haqida taqdimotlar qilish bilan va tadbirlar bilan ovora.

Ishqilib oxiri baxayr boʻlsin derdim-u, taʼlimda oxiri baxayr boʻladigan hech narsa qolmadi. "Oʻz bolangni bir amallab oʻzing oʻqitib ol" bu yogʻi.

Darsliklar uchun ajratilgan 1, 3 trln soʻm qani? deyishmoqda ijtimoiy tarmoq foydalanuvchilari.

5-sinflar uchun Singapur - "Novda" matematikasining oʻquv yilining birinchi yarim moʻljallangan 1-qismi maktablarga endi tarqatilayotgani iddao qilinmoqda. Shunchaki maʼlumot oʻrnida: maktablarda oʻquv yilining ikkinchi yarmi boshlanganiga ikki hafta boʻldi).