Репост из: Неизвестно
Юрагим безовта, тополмай сарсон,
Навода ингранар, чолғувчи ҳайрон,
Дунёга ўт қўяр,изтироб вайрон,
Лайлидек ҳижронда, ночор муҳаббат.
Атиргул кутганим, хазон кўринди,
Боғлар излаб топдим, сароб кўринди.
Безовта бу кўнгил, тошга урилди,
Соғинчли армонда, ғариб муҳаббат.
Кутганим зулматми, орзу қилганим,
Меҳрни сеҳр деб, олов қучганим.
Наҳот ажал топди, руҳ ила таним,
Кўзларим кўр қилган, сўқир муҳаббат.
Махруҳ кўнглим сендан, ҳаётда кулдим,
Барглари сарғайган, боғлардек сўлдим.
Ҳаёт йўли шуми, мен ундан тўйдим,
Қурбон бўлган жоним, ёлғон муҳаббат.
Ишқим ўзинг борсан, кўксим аро жо,
Гуноҳлар нелигин, билмадим аммо,
Ёлғиз кунни раво, этмагин асло,
Шайдолик ҳажрини, солма муҳаббат.
Ширина Зиё. ✍
