Toyota компаниясининг асосчиси Сакити Тойода доим «беш нега» қоидасидан фойдаланган. У тушунарсиз вазиятларда ҳар доим шу усулни ишга солган ва у унга доимо ёрдам берган.

Бу қоида жуда оддий. Масалан, сен шуба хоҳлайсан.

Сен ўзингдан сўрайсан: Нега мен шуба хоҳлайман? Бу биринчи «нега». Жавоб берасан: Чунки ҳаммани ҳайратга солмоқчиман.

Окей, иккинчи «нега»: Нега сен ҳаммани ҳайратга солмоқчисан? Жавоб: Чунки менга эътибор беришларини хоҳлайман.

Учинчи «нега»: Нега сенга эътибор беришларини хоҳлайсан? Жавоб: Чунки ўзимни ишончсиз ҳис қиламан.

Тўртинчи «нега»: Нега ўзингни ишончсиз ҳис қиласан? Жавоб: Чунки ўзимни рўёбга чиқара олмаяпман, чунки жойимда туриб қолганман.

Бешинчи «нега»: Нега ўзингни рўёбга чиқара олмаяпсан? Жавоб: Чунки менга ёқмайдиган иш билан шуғулланяпман.

Энди айт, бу ерда шубанинг қандай алоқаси бор?

Жаноб Сакити Тойода ўргатганидек, бешинчи «нега» га берилган жавобда аслий сабаб ётади, у дастлаб кўринмаслиги мумкин. Бешинчи «чунки» инсоннинг ҳақиқий ички ҳолатини очиб беради. Агар хоҳласанг, бешинчи «чунки» – бу ҳақиқий сенсан. Бу жуда самарали усул бўлиб, у сен ҳақиқатан ҳам нимани хоҳлаётганингни, нимага ич-ичингдан қўрқишингни ва нима аслида фақатгина безак эканини аниқлашга ёрдам беради.

Жаноб Тойодага нафақат Toyota учун, балки шу ҳаётий донолиги учун ҳам раҳмат!