ҲИКМАТ ИЗЛАГАНГА ҲИКМАТДИР ДУНЁ

1
Орифо, жондин кечиб, жон излагил,
Зоҳидо, дардингга дармон истагил.
Ошиқи зорни кўринг дийдор талаб,
Истагинг шу эрса, Раҳмон истагил.

2
Мен кетдим-у, дунём кетди мен билан,
Дилимдаги навом кетди мен билан,
Мен кетдим-у, дилимда Ҳофиз пирим,
Баҳоуддин, Хайём кетди мен билан.

3
Хонаи дил бечироқ, ёрим, назар айла,
Хонаи дилда фироқ, ёрим, назар айла,
Нури тажаллий бирлан равшан этдинг оламни,
Токи дил бўлсин маёқ, ёрим, назар айла!

4
Дунёда дунёни тутдим, во дариғ!
Дунёни аждардай ютдим, во дариғ!
Оқибат, ерга мени тутқиздилар,
Тутди, ютди, оҳ этдим, во дариғ!

Уланиш учун: https://t.me/ijod_bustoni