Ko‘chat ekib, bog‘ yaratish - xalqimizning azaliy qadriyatlaridan biri

Yer yuzida daraxtlarlarning o'rni beqiyosdir. Ular sof havo, inson salomatligi uchun eng kerak bo‘lgan kislorod manbaidir. U nafaqat tabiat uchun ko‘rk, atrof-muhit musaffoligi uchun chang yutuvchi manba va kislorod ta’minot zanjirining ajralmas qismidir.

Go‘zallik va yaratuvchanlik, kelgusi avlodga g‘amxo‘rlik ajdodlarimizdan bizga meros. An’analarning davomi sifatida esa har yili erta bahor va kuzga "Yashil makon" umummilliy loyiha doirasida ko'chat ekish ishlari qizg'in pallaga kiradi. Bugun ham Guliston tumani "Ahillik" mahallasidagi 3 gektar yer maydoniga tuman Obodonlashtirish xodimlari tomonidan 950 tupdan ziyod manzarali Klyon daraxti ko'chatlari ekildi.

Bejizga ota-bobolarimiz bir daraxt kessang o‘nni ek deb bekorga aytmagan. Yildan-yilga ekologik vaziyat taranglashib borayotgan, cho‘llanish va qurg‘oqchilik tobora avj olayotgan bir paytda har bir qarich yerga nihol ekish, uni parvarishlash orqali ekohalokatning oldini olish har birimizning burchimizdir.

Telegram | Facebook | Instagram | YouTube