Guliston tumani xabarlari | Rasmiy kanal!

⚡️Guliston tumanida tahliliy va tanqidiy yig‘ilish o‘tkazildi

Guliston tumani hokimi O‘lmasjon Mamadaminov rahbarligida tuman sektor rahbarlari va mutasaddi tashkilotlar ishtirokida tahliliy va tanqidiy yig‘ilish bo‘lib o‘tdi. Yig'ilishda tumandagi dolzarb masalalar atroflicha muhokama qilindi.

Xususan, yig‘ilish kun tartibidan beshta asosiy masala o‘rin oldi:

Ijro intizomi – O‘zbekiston Respublikasi Prezidentining Xalq qabulxonasi va Edo.ijro.uz portali orqali kelib tushgan murojaatlarning o‘z vaqtida ko‘rib chiqilishi va bajarilishi tahlil qilindi.

“Yashil makon” umummilliy loyihasi – Tuman hududida amalga oshirilayotgan ko‘kalamzorlashtirish ishlari ko‘rib chiqildi.

Quyosh panellarini o‘rnatish va elektr energiyasini tejash – Energiya samaradorligini oshirish bo‘yicha olib borilayotgan ishlar muhokama qilindi.

Xotin-qizlar masalalari – Hududdagi ayollarning ijtimoiy-iqtisodiy faolligini oshirish, ularning bandligini ta’minlashga doir chora-tadbirlar ko‘rib chiqildi.

“Kambag‘allikdan farovonlik sari” dasturi – Mazkur dastur doirasida amalga oshirilayotgan ishlar, aholini qo‘llab-quvvatlash bo‘yicha olib borilayotgan tashabbuslar muhokama qilindi.

Tahlillar shuni ko‘rsatdiki, ayrim tashkilot rahbarlari o‘z faoliyatini to‘g‘ri tashkil eta olmagan va sustkashlikka yo‘l qo‘ygan. Yig‘ilish davomida mas’ullarga aniq topshiriqlar berilib, muammolarni bartaraf etish uchun qat’iy choralar belgilandi.

Guliston tumani hokimligi tomonidan amalga oshirilayotgan bunday yig‘ilishlar hududiy muammolarni hal qilish va ijtimoiy-iqtisodiy rivojlanishni jadallashtirishga xizmat qilishi kutilmoqda.

Telegram | Facebook | Instagram | YouTube

⚡️Polkovnik Qudrat Xatamov xotirasi abadiylashtirildi

Guliston tumanida o‘z kasbiga sadoqat bilan xizmat qilgan fidoyi inson, uzoq yillar ichki ishlar tizimida halol mehnat qilgan faxriy Polkovnik Qudrat Xatamov xotirasini abadiylashtirish maqsadida "Uy muzeyi" ochildi. Ushbu tashabbus Guliston Tuman Ichki Ishlar Bo‘limi va tuman Axborot-kutubxona markazi hamkorligida amalga oshirilib, kelajak avlodga ibrat bo‘ladigan shaxslarning hayoti va xizmat yo‘lini keng targ‘ib qilishga qaratilgan.

Muzey ochilish marosimida Sirdaryo viloyati Ichki Ishlar Boshqarmasi nuroniylar kengashi raisi, podpolkovnik G‘.Jo‘rayev, mehnat faxriylari hamda IIB maʼnaviyat va maʼrifat ishlari bo‘yicha o‘rinbosari, kapitan X.Muqumov, AKM xodimlari hamda Qudrat Xatamovning farzandlari ishtirok etdilar.

Xotiralar tilga kirdi...
Polkovnik Xatamovning shogirdlari va safdoshlari u kishining hayoti, xizmatdagi mashaqqatlari, jasorati va fidoyiligi haqida so‘z yuritib, ichki ishlar tizimida insoniylik va adolatni oliy qadriyat deb bilgan shaxs sifatida yodga oldilar. "Bu makon endi nafaqat bir inson hayotining tarixi, balki fidoyi xizmatga bag‘ishlangan umr sabog‘ini o‘zida mujassam etgan maskan", deya taʼkidladilar.

Tadbir ishtirokchilari Vatanga, xalqqa sadoqat bilan xizmat qilish nafaqat burch, balki sharaf ekanligini alohida taʼkidlab, ushbu muzey yosh avlodga ibrat makoni bo‘lib qolishiga ishonch bildirdilar.

Telegram | Facebook | Instagram | YouTube

⚡️Toza hudud xodimlar tomonidan maishiy chiqindilar o'z vaqtida olib ketilmoqda

Agarda mahallangiz, ko'chalaringizdagi maxsus qutilardagi chiqindilar o'z vaqtida olib ketilmayotgan bo'lsa to'g'ridan-to'g'ri mas'ul xodim bilan bog'lanish uchun tel: +998970241535

Bundan tashqari mas'ullar tomonidan mas'uliyatsizlikka yo'l qo'yilsa tuman hokimligining telegramdagi @GulistontumaniUZBot'ga murojaat qoldirishlaringiz mumkin.

Telegram | Facebook | Instagram | YouTube

🇺🇿🤝🇨🇳Guliston tumani delegatsiyasining Xitoyga tashrifi natijalari

Joriy yilning 16-21 fevral kunlari Guliston tumani hokimi boshchiligida, tuman hokimining o‘rinbosari va tumandagi 6 nafar tadbirkorlardan iborat delegatsiya Xitoy Xalq Respublikasida xizmat safarida bo‘ldi. Mazkur tashrif davomida delegatsiya SHUAR muxtoriyati, Tacheng prefekturasi, Usu shahar hukumati hamda yuqori texnologiyali tekstil, oziq-ovqat, qurilish mahsulotlari sohasidagi yirik kompaniyalar bilan uchrashuvlar o‘tkazdi.

Tumanimiz vakillari xizmat safari doirasida Guliston tumani iqtisodiyotini rivojlantirish va xalqaro investitsiyalarni jalb qilishga qaratilgan bir qator istiqbolli loyihalar bo‘yicha kelishuvlarga erishildi.

Batafsil:👉 Gulistontumani.uz

Telegram | Facebook | Instagram | YouTube

👨‍🦽Umumiy kasallik oqibatidagi I va II guruh nogironligi bo‘lgan shaxslarga pensiya tayinlanishi uchun qancha staj talab etiladi?

“Fuqarolarning davlat pensiya ta’minoti to‘g‘risida”gi Qonunning 17-moddasiga ko‘ra, umumiy kasallik tufayli beriladigan nogironlik pensiyalari nogironlik boshlangan vaqtda qonunchilikda belgilangan ish stajiga ega bo‘lgan taqdirda nogironlik pensiyasi tayinlanishi belgilangan.

Biroq, ayrim I va II guruh nogironligi bo‘lgan shaxslarda pensiyaga chiqish uchun yetarlicha ish staji yetmaslik holatlari kuzatiladi.

Bunday holatlarda I va II guruh nogironligi bo‘lgan shaxslarga nogironlik pensiyasi bor stajga mutanosib ravishda quyidagi tartibda tayinlanadi. Ya’ni:

I guruh nogironligi bo‘lgan shaxslarga nogironlik pensiyalari uchun — yoshga doir eng kam pensiyaning 100 foizidan;

II guruh nogironligi bo‘lgan shaxslarga nogironlik pensiyalari uchun — yoshga doir eng kam pensiyaning 75 foizidan kam bo‘lmasligi lozim.

Telegram | Facebook | Instagram | YouTube

❓ “Proaktiv” pensiya qanday tayinlanadi?

Ma’lumki, 2025-yil 1-martdan boshlab pensiya yoshiga yetgan fuqarolarga pensiyalar “avtomatik” tarzda, ya’ni hech qanday hujjat talab etmagan holda va fuqaroning murojaatisiz tayinlanadi.

♾️ Fuqaroning shaxsiga oid barcha ma’lumotlar vazirlik va idoralarning elektron bazalaridan olinadi.

Buning natijasida:

⏩ Birinchidan, fuqarolardan pensiya tayinlash uchun Pensiya jamg‘armasining hududiy bo‘linmasiga murojaat qilish talab etilmaydi.

⏩ Ikkinchidan, pensiya yoshiga yetgan fuqaroga qonunchilikda belgilangan talablar doirasida pensiya tayinlash haqida qaror qabul qilinganida uning telefon raqamiga “pensiya tayinlanganligi va uning miqdori” to‘g‘risida sms yuboriladi.

Batafsil: https://t.me/PensionFundRUz/6725

Telegram | Facebook | Instagram | YouTube

#subsidiya

❗️ Ipoteka krediti uchun Davlat subsidiyasini olishga ariza berish xizmati yangi limitlar asosida qayta ishga tushiriladi 

💰2025-yil 3-martdan boshlab my.gov.uz portali orqali ipoteka krediti uchun davlat subsidiyasini olish jarayoni qayta ishga tushiriladi! Bu imkoniyatdan Toshkent shahri, viloyatlar va Qoraqalpogʻiston Respublikasi fuqarolari foydalanishlari mumkin.

Qanday qilib subsidiya olish mumkin❓

1️⃣ my.gov.uz portaliga kiring
2️⃣ “Ipoteka kreditiga Davlat subsidiyasini olishga ariza berish” xizmatini tanlang
3️⃣ Arizani toʻldiring

Telegram | Facebook | Instagram | YouTube

⚡️Terakzorliklar diqqatiga!

Guliston tumani hokimi O’lmasjon Mamadaminov boshchiligida joriy yil 26-fevral kuni soat 10:00 da "Terakzor" mahalla binosida Sizlarni qiynab kelayotgan muammolar, murojaat va shikoyat yoki takliflaringiz yuzasidan sayyor qabul shaklida ochiq muloqot bo'lib o'tadi.

Hurmatli mahalla fuqarolari!

Ochiq muloqot davomida Sizning har qanday murojaat, shikoyat yoki takliflaringiz tuman hokimligi tomonidan o‘rganib chiqilib, nazoratga olinadi va ularni hal etish choralari ko‘riladi.

Ma'lumot uchun, Qabulga murojaatingizni qayd etish uchun shaxsingizni tasdiqlovchi hujjat bilan kelishingiz so'raladi.

Qo'shimcha ma'lumot olish uchun telefon: +99893-329-20-00

Telegram | Facebook | Instagram | YouTube

⚡️Guliston tumanida zamonaviy maktabgacha ta’lim tashkiloti foydalanishga topshirildi

Ta’lim sohasini rivojlantirish va bolajonlarga qulay shart-sharoit yaratish maqsadida Guliston tumani “Mustaqillik” mahallasida joylashgan 23-sonli maktabgacha ta’lim tashkiloti uchun 150 o‘rinli yangi bino qurilib, foydalanishga topshirildi. Ushbu muhim loyiha maktabgacha ta’lim qamrovini kengaytirish, bolalarni sifatli ta’lim va tarbiya bilan ta’minlashga qaratilgan tizimli ishlarning amaliy ifodasidir.

Mazkur loyihani amalga oshirish uchun 5,15 milliard so‘m mablag‘ ajratilib, qurilish ishlari “Nanoproyekt va texnologiya” MCHJ tomonidan zamonaviy talablar asosida sifatli yakunlandi. Yangi muassasa ilg‘or pedagogik metodlar asosida ta’lim berish imkonini beruvchi zamonaviy o‘quv xonalari, bolalarning jismoniy rivojlanishiga xizmat qiladigan sport burchaklari, ijodiy mashg‘ulotlar uchun maxsus jihozlangan xonalar, o‘yin maydonchalari hamda xavfsiz va qulay infratuzilmaga ega.

Ochilish marosimida Guliston tumani hokimi O‘lmasjon Mamadaminov, ta’lim sohasi mutasaddilari, mahalla faollari va nuroniylar ishtirok etib, yangi bino sharoitlari bilan yaqindan tanishdilar. Tadbirda so‘zga chiqqanlar mazkur muassasaning yosh avlod tarbiyasidagi o‘rni va ahamiyati haqida to‘xtalib, ta’lim tizimida olib borilayotgan islohotlarning amaliy samarasini alohida ta’kidladilar.

Mazkur ta’lim maskanining faoliyati maktabgacha yoshdagi bolalarning har tomonlama rivojlanishiga, ularning bilim olishga bo‘lgan qiziqishini oshirishga xizmat qiladi. Shu bilan birga, muassasa faoliyatining yo‘lga qo‘yilishi mahallada maktabgacha ta’lim qamrovini oshirish, yosh ota-onalarning ish bilan band bo‘lish imkoniyatlarini kengaytirishga ham o‘z hissasini qo‘shadi.

Ma’lumot uchun, ushbu muassasaning eski binosi 1984-yilda qurilgan boʻlib, 75 oʻringa moʻljallangan edi.

Telegram | Facebook | Instagram | YouTube