Gorizont

🇺🇿🇷🇺 Шавкат Мирзиёев 19 декабрь куни Владимир Путин билан телефон орқали мулоқот қилди.

“Хавфсизликка таҳдид ва хатарларга қарши курашни кучайтириш мақсадида икки мамлакат махсус хизматлари ўртасидаги яқин ва самарали ҳамкорликни давом эттириш муҳимлиги қайд этилди”, дейилади Ўзбекистон раҳбари матбуот хизмати хабарида.

Кремль хабарида айтилишича, мулоқот Ўзбекистон тарафи ташаббуси билан ташкил этилган. Шавкат Мирзиёев генерал Игорь Кириллов ва унинг ёрдамчиси ўлими муносабати билан ҳамдардлик билдирган.

Ўзбекистон бундай терактни кескин қоралаши таъкидланган.

Батафсил Gorizontда...

🇷🇺🇺🇦 Украина Ростов вилоятидаги «Каменский комбинати» корхонасига олтита ATACMS ракетаси ва тўртта «Storm Shadow»ни учирди, деб хабар берди Россия Мудофаа вазирлиги.

“18 декабрь куни Украина ҳудудидан Ростов вилоятидаги «Каменский комбинат» корхонасига ракета зарбаси берилди.

Тасдиқланган маълумотларга кўра, Америкада ишлаб чиқарилган олтита ATACMS оператив-тактик ракеталари ва тўртта «Storm Shadow» ҳаводан учириладиган қанотли ракеталардан фойдаланилган.

Ракетага қарши жанг пайтида С-400, Бук-М3 зенит-ракета тизимлари ва Панцир зенит-ракета ва қурол тизимининг жанговар экипажлари барча ATACMS ракеталарини ва тўртта «Storm Shadow» дан учтасини уриб туширишди.

Бир қанотли ракета ҳужум нишонидан четга чиқди. Унинг қулаши натижасида завод ҳудудидаги техник иншоот шикастланган. Ғарб кураторлари томонидан қўллаб-қувватланган Киев режимининг бу ҳаракатлари жавобсиз қолмайди”, — дейилади хабарда.

Батафсил Gorizontда...

🇸🇩🇷🇺 Судан Россия ҳарбий-денгиз базасини жойлаштиришдан бош тортди

Судан ҳудудида Россиянинг ҳарбий-денгиз базасини қуриш режалари бекор қилинди. Судан ҳукуматининг бу қарори халқаро санкциялар хавфи билан боғлиқ.

Порт-Суданда базани қуриш масаласи 2019 йилда муҳокама қилинган ва томонлар келишувга эришган эди. Бироқ, келишув Судан фуқаролар уруши сабабли ратификация қилинмаган.

Батафсил Gorizontда...

🇺🇦 Бугун шунингдек, Украина президенти ҳам Брюсселда матбуот анжумани ўтказди

Матбуот анжуманида Украина президенти томонидан билдирилган асосий фикрлар:

- Хавфсизлик кафолати ва кучли позицияга эга бўлмагунимизча, Украинада сулҳ бўлмайди. Биз музлатилган зиддият ҳолатида яшай олмаймиз;

- Биз Россия газининг транзитини давом эттириш билан шуғулланмаймиз. Биз Россияга қонимиз эвазига қўшимча миллиардлаб даромад олиш имкониятини бермаймиз;

- Ҳеч ким Орбанга Путин билан музокара ўтказишга рухсат бермаган ва бу кўпроқ сиёсий пиарга ўхшайди;

- Охирги зарбалар пайтида Россия Украина атом электр станцияларини таъминловчи подстанцияларга ҳужум қилди;

- Украина бугун украиналикларнинг ҳаёти эвазига Европани ҳимоя қилмоқда;

- Путин бу қандай бўлишини кўриш учун тажриба сифатида Киевга “Орешник” билан зарба беришни таклиф қилди. Сизнингча, бу адекват одамми?

- Агар бирор киши қаршингизда қуролсиз турса, у 20 ёшдами ёки 30 ёшдами, нима фарқи бор? Ҳамкорларимиз ҳарбийларнинг жисмоний имкониятларига эътибор беришади, аммо бизнинг бригадаларимиз керакли қуроллар билан таъминланмаган;

- Бизга Россияга қарши қаттиқ санкциялар қўйишга ва Украинани қўллаб-қувватлашда давом этишга тайёр бўлган кучли Трамп маъмурияти керак;

- Путин шунчаки эски хаёлпараст. У бошқа дунёда, ўз аквариумида яшайди;

- Ҳозирда Шимолий Кореянинг 12 минг ҳарбий хизматчиси жангларда иштирок этаётгани қайд этилган.

Батафсил Gorizontда...

🇰🇵🇺🇦🇷🇺 Асирга олинган КХДР аскарлари ҳалигача йўқ, биз ҳалок бўлганларнинг видеоларини кўрдик, лекин уларда Россия паспорти бор, борлигини яшириш учун юзлари куйдирилган - Зеленский

Батафсил Gorizontда...