GFU|Rasmiy kanali

Geologiya fanlari universiteti: Yoshlar bilan uchrashuv
65-maktabga tashrif va targ‘ibot ishlari

Geologiya fanlari universiteti targ‘ibot va tashviqot ishlarini izchil davom ettirmoqda. Joriy yilning 31-yanvar kuni universitet vakillari Mirobod tumanidagi 65-umumiy o‘rta ta’lim maktabiga tashrif buyurib, o‘quvchilar bilan uchrashuv o‘tkazdi. Tadbir davomida maktab o‘quvchilariga universitetda taʼlim olish uchun yaratilgan shart-sharoitlar, bakalavriat, magistratura va sirtqi taʼlim yo‘nalishlari haqida batafsil maʼlumot berildi.

Bo‘lajak talabalar uchun yangi imkoniyatlar

Mazkur uchrashuv davomida Geologiya fanlari universitetining taʼlim yo‘nalishlari, ilmiy tadqiqot ishlari va zamonaviy o‘quv jarayoni haqida tushuntirishlar berildi. Universitet vakillari o‘quvchilarga geologiya sohasi istiqbollari, amaliyot va ish bilan ta’minlanish imkoniyatlari borasida ma’lumotlar taqdim etdilar. Tadbir ishtirokchilari, jumladan, maktab o‘quvchilari va ularning ustozlari universitet va sanoat korxonalari o‘rtasidagi aloqalar hamda bu aloqalarning yosh mutaxassislarni tayyorlashdagi o‘rni haqida qimmatli ma’lumotlarga ega bo‘ldilar.

Yoshlarni geologiya sohasiga jalb etish

Geologiya fanlari universitetining bu kabi tashabbuslari yoshlarni soha bilan yaqindan tanishtirishda muhim qadam bo‘lib xizmat qiladi. O‘quvchilarning kelgusida ushbu yo‘nalishda tahsil olishga qiziqishlarini oshirish, ularga aniq maqsad qo‘yish imkonini berish maqsadida bunday uchrashuvlar tashkil etilmoqda. Bu tashabbuslar nafaqat yoshlarning geologiya sohasi istiqbollari haqidagi xabardorligini oshirishga yordam beradi, balki kelajakda yuqori malakali mutaxassislarni tayyorlash uchun mustahkam zamin yaratadi.

Geologiya fanlari universiteti yosh avlodni ilmiy izlanishlarga jalb etish, ularning kelajagini shakllantirish va mamlakatning geologiya sohasini rivojlantirishga hissa qo‘shish maqsadida targ‘ibot ishlarini davom ettiradi.


РУ🇷🇺 ENG🇬🇧

Web sayt | Telegram | YouTube
| Facebook | Instagram

Hurmatli ustоzimiz Isоqоv Maqsud Uzоqоvich!

Sizning tavallud ayyоmingiz bilan chin qalbimizdan tabriklaymiz! Sizga uzоq umr, sоg‘lik-salоmatlik va sermazmun hayоt tilaymiz. Martabangiz dоimо baland bо‘lib, yоshlarni qo‘llab-quvvatlash yo‘lidagi sa’y-harakatlaringiz tugamasin.

Sizning hayоt tajribangiz, ilm yo‘lidagi zahmatli mehnatlaringiz va yutuqlaringiz yoshlarga ilhоm manbai bо‘lib kelmоqda. Ustоz sifatidagi mehr va e’tibоringiz har birimiz uchun katta qadriyatdir.

Ezgu niyatlaringiz amalga oshsin, farzandlaringiz va nabiralaringiz baxtidan bahramand bо‘lib yurishingiz nasib qilsin.

Shоgirdlaringizga dоimо ilhоm beruvchi va ularning mehrini qоzоngan faxrli ustоz bо‘lib qоlishingizni tilaymiz.

Kamoli ehtirom ila,
Geоlоgiya fanlari universiteti jamоasi!

❗️Bitiruvchi kurs magistrantlarning "Magistrlik dissertatsiya himoyasi" jarayonlarini online kuzatishingiz mumkin

👉Ushbu havola orqali Magistrlik dissertatsiya himoyasi jarayonini kuzating


Web sayt | Telegram | YouTube
| Facebook | Instagram

Yoshlar orasida narkotik moddalarga qarshi kurash: Xavfsiz va sog‘lom poytaxt

22-yanvar kuni, Geologiya fanlari universitetining Axborot resurs markazida yoshlar o‘rtasida narkotik moddalar iste'molining oldini olish, sog‘lom turmush tarzini targ‘ib qilish va huquqiy ongni oshirish maqsadida “Xavfsiz va sog‘lom poytaxt” mavzusidagi davra suhbati o‘tkazildi. Mazkur tadbir Toshkent shahar IIBB tashabbusi bilan tashkil etilib, yoshlarni narkotik vositalarning zararli oqibatlari haqida xabardor qilishga qaratildi.

Tadbirning maqsadi

Tadbirning asosiy maqsadi – talabalarga narkotik moddalarning zararli oqibatlari haqida chuqur bilim berish, ular o‘rtasida sog‘lom turmush tarzini shakllantirish va ijtimoiy xavfsizlikni ta'minlashga qaratilgan bo‘ldi.

Davra suhbatida nufuzli mehmonlar ishtirok etdi:

• Qalandarov Maqsud Maxmudovich, O‘zbekiston Respublikasi Ichki Ishlar akademiyasi kafedra boshlig‘i, podpolkovnik, yuridik fanlar doktori va professor. U narkotik moddalar tarqatilishi bilan bog‘liq global muammolar haqida ma'ruza qildi va bu masalada huquqiy choralarning ahamiyatini ta’kidladi.

• Mirzaraimov Sardor Toxirovich, Mirzo Ulug‘bek tumani IIO FMB boshlig‘i, podpolkovnik. Uning chiqishi narkotik vositalar bilan bog‘liq jinoyatlar statistikasi va bu borada amalga oshirilayotgan islohotlarga bag‘ishlandi.

• Yormatov Baxodir Bo‘ritoshovich, Mirzo Ulug‘bek tumani IIO FMB boshliq o‘rinbosari. U o‘z nutqida jinoyatchilikka qarshi kurashda jamoatchilikning roli va hamkorlikning muhimligini alohida qayd etdi.

• Qushboqov Shohrux Xasan o‘g‘li, O‘zbekiston Respublikasi IIV Akademiyasi Ma'muriy huquq kafedrasi katta o‘qituvchisi, kapitan. U yoshlar o‘rtasida qonunbuzarliklarning oldini olishga qaratilgan profilaktika choralariga to‘xtaldi va sog‘lom hayotning nafaqat shaxsiy, balki jamiyat uchun ham foydali tomonlarini ochib berdi.


Tadbirni Yoshlar masalalari va ma'naviy-ma'rifiy ishlar bo'yicha prorektor ochib berdi. So'ng ishtirokchilar mehmonlarga savollar bilan murojaat qildilar, narkotik moddalarga qarshi kurash bo‘yicha amaliy tavsiyalar va tajribalarni eshitdilar.

Bundan tashqari, tadbir davomida narkotik moddalarning zararli oqibatlarini yorituvchi hujjatli filmlar namoyish etildi, shuningdek, sog‘lom turmush tarzini targ‘ib qiluvchi tarqatma materiallar taqdim etildi.

Yakuniy xulosalar

Yakunda barcha ishtirokchilarga murojaat qilindi:

“Xavfsiz va sog‘lom kelajakni birgalikda ta’minlash har birimizning mas‘uliyatimizdir. Yoshlarimizni narkotik balosidan himoya qilish uchun har bir fuqaro o‘z hissasini qo‘shishi kerak.”

Mazkur tadbir nafaqat bilim va ma‘lumot beruvchi platforma, balki yoshlarni huquqiy savodxonlikka chorlash va ular orasida sog‘lom hayot tamoyillarini kuchaytirish uchun muhim qadam bo‘ldi.

РУ🇷🇺 ENG🇬🇧

Web sayt | Telegram | YouTube
| Facebook | Instagram

#bahorgi_semestr
Barcha kunduzgi taʼlim shakli talabalariga bahorgi semestr uchun oʻquv jarayonlari 27-yanvardan boshlanishini maʼlum qilamiz!

Web sayt | Telegram | YouTube
| Facebook | Instagram

Hurmatli hamkasblar va xodimlar!

Texnik sabablarga ko‘ra, 2025-yil yanvar oyining birinchi yarmi uchun ish haqi avans to‘lovlari kechikayotgani uchun uzr so’raymiz va 22-28 yanvar kunlari to‘lov amalga oshirilishini ma’lum qilamiz.

Buxgalteriya

———

Уважаемые коллеги и сотрудники!

В связи с техническими причинами авансовые выплаты заработной платы за первую половину января 2025 года задерживаются. Приносим извинения за доставленные неудобства и сообщаем, что выплаты будут произведены в период с 22 по 28 января.

Бухгалтерия

Web sayt | Telegram | YouTube
| Facebook | Instagram