Введите текст для поиска
Расширенный поиск каналов

Монетизация телеграм-каналов

Автоматическая монетизация каналов без новых постов
img
реклама

Энергетические итоги 2024 Uz

Изучили отчет и собрали самые важные показатели
img
реклама

Продаётся канал l Психология l

23 890 пдп, доход 48 000 в месяц, цена 59 000 рублей
img
реклама

GFU|Rasmiy kanali

@gfu_rasmiy_kanali
Гео и язык канала: Узбекистан, Узбекский
Категория: Образование

Geologiya fanlar universitetining rasmiy telegram kanali!
Rasmiy web sayt: uzgeouniver.uz
Murojaat uchun: murojaat.uzgeouniver.uz
@gfumurojaatbot
Hemis o'qituvchi: hemis.uzgeouniver.uz
Hemis talaba: student.uzgeouniver.uz
ARM web sayti: lib.uzgeouniver.uz

Связанные каналы  |  Похожие каналы
Гео и язык канала
Узбекистан, Узбекский
Категория
Образование
Статистика
Это ваш канал? Подтвердить Канал в реестре блогеров РКН? Подтвердить История канала
Фильтр публикаций

GFU|Rasmiy kanali

17 Jan, 15:30

Открыть в Telegram Поделиться Пожаловаться
Jadidlarni yod etib: Geologiya fanlari universitetida tadbir o‘tkazildi

2025-yil 17-yanvar kuni Geologiya fanlari universitetining "Faollar zali"da "Jadidlarni yod etib" shiori ostida "Tarix — ozodlik uchun kurash" mavzusida ma’naviy-ma’rifiy tadbir bo‘lib o‘tdi.

Tadbir jadidlarning mardona hayoti va merosini yod etish, yoshlar qalbida milliy ongni yuksaltirish maqsadida tashkil etildi. Jadidlar — xalqni ilm-ma’rifat va ozodlikka chorlagan fidoyi insonlar edi. Ularning "Tilda, fikrda, ishda birlik" shiori bugungi kun uchun ham dolzarb.

Tadbir davomida yoshlar jadidlar harakati va ularning fojiali qismati haqida ma’lumot olishdi. Abdulla Qodiriy, Munavvar Qori, Fitrat kabi jadidlarning merosi alohida ta’kidlandi. Tadbirda Abdulla Qodiriyning “Moziyg‘a qarab ish ko‘rmak xayrlidir” degan so‘zlari asosiy mavzu sifatida keltirildi.

Yoshlar tariximizni o‘rganish va millat ravnaqiga o‘z hissasini qo‘shishga chaqirildi. Ma’rifiy chiqishlardan so‘ng, badiiy dasturda jadidlar hayotiga bag‘ishlangan sahnalar namoyish etildi.

Mazkur tadbir yoshlar qalbida milliy qadriyatlarga hurmat va tarixga sadoqat tuyg‘usini yuksaltirdi.

Web sayt | Telegram | YouTube
| Facebook | Instagram
273 0 2
GFU|Rasmiy kanali

17 Jan, 15:19

Открыть в Telegram Поделиться Пожаловаться
Geologiya fanlari universiteti Ilmiy-ommabop maqolalar tanlovini e'lon qiladi!

Oliy ta’lim, fan va innovatsiyalar vazirligi tomonidan yoshlarning ilmiy salohiyatini yuksaltirish hamda ularni rag‘batlantirish maqsadida 35 yoshgacha bo‘lgan yosh olimlar, ilmiy izlanuvchilar va talabalar uchun “Ilmiy-ommabop gazeta va jurnallarda e’lon qilingan eng yaxshi material” tanlovi o‘tkazilishini ma’lum qilamiz.

Tanlov nizomi

Tanlovda ishtirokchilar ilmiy-ommabop jurnal va gazetalarda e’lon qilingan maqola, sharh va boshqalarni (hammualliflikda e’lon qilingan materiallar bundan mustasno) taqdim etishlari mumkin.

Muddat: 1–10-may kunlari

G‘oliblar diplom va quyidagi miqdorda pul mukofotlari bilan taqdirlanadi:

• 1-o‘rin uchun bazaviy hisoblash miqdorining 25 baravari miqdorida;
• 2-o‘rin uchun bazaviy hisoblash miqdorining 20 baravari miqdorida;
• 3-o‘rin uchun bazaviy hisoblash miqdorining 15 baravari miqdorida.

Tanlovda ishtirok etmoqchi bo‘lgan talabalar konsultatsiyalar uchun Talabalar harakatini muvofiqlashtirish sektori iqtidorli talabalar bilan ishlash bo‘yicha mas’ul xodimi Dilshod Alimovga:(@dilshodalimov,(71) 209-07-80) murojaat qilishlari mumkin.

Web sayt | Telegram | YouTube
| Facebook | Instagram
253 0 4 1
GFU|Rasmiy kanali

17 Jan, 14:18

Открыть в Telegram Поделиться Пожаловаться
Видео недоступно для предпросмотра
Смотреть в Telegram
Hisoblangan ish haqi summalari to‘g‘risida ma’lumot Davlat xizmatlar agentligi yoki Yagona interaktiv davlat xizmatlari portali (YIDXP) orqali jismoniy shaxslarninig shaxsiy kabinetga kirgan holda olinadi.

✅Xizmatlar ro‘yxati
✅Soliq
✅Hisoblangan ish haqi summalari to‘g‘risida ma’lumot

Youtube orqali ko'rish.

Web sayt | Telegram | YouTube
| Facebook | Instagram
421 0 3
GFU|Rasmiy kanali

16 Jan, 10:33

Открыть в Telegram Поделиться Пожаловаться
Xavfsiz va sog‘lom poytaxt
Toshkentda giyohvandlikka qarshi kurash oyligi boshlandi

Toshkent shahrida tinchlik va osoyishtalikni saqlash, jamoat tartibini ta'minlash hamda jinoyat va huquqbuzarliklarning barvaqt oldini olish bo‘yicha barcha huquqni muhofaza qiluvchi organ xodimlari tun-u kun xizmat olib bormoqda. Biroq, giyohvandlik vositalari, psixotrop moddalar va kuchli ta’sir qiluvchi vositalarning noqonuniy muomalasi bilan bog‘liq jinoyatlar hali ham dolzarb muammo bo‘lib qolmoqda.

Achchiq raqamlar – inson taqdirlari

2024-yilda Toshkent shahrida olib borilgan tezkor tadbirlar natijasida 3 447 ta jinoyat ishi qo‘zg‘atilgan bo‘lib, ular orasida 2 413 tasi yoki 70 foizi internet orqali amalga oshirilgani aniqlangan. Mazkur chora-tadbirlar davomida 238 kg 815 gramm giyohvandlik vositalari va psixotrop moddalar noqonuniy muomaladan chiqarildi. Bu har bir raqam ortida insonlar hayoti, fuqarolar sog‘lig‘i va yosh avlodning kelajagi turganligini unutmasligimiz kerak.

“Xavfsiz va sog‘lom poytaxt” oyligi boshlandi

2025-yilning 15-yanvaridan Toshkent shahrida “Xavfsiz va sog‘lom poytaxt” kompleks maxsus tezkor-profilaktik tadbirlar oyligi boshlandi. Ushbu oylik doirasida 15-fevralga qadar huquqni muhofaza qiluvchi organlar tomonidan kuchaytirilgan tartibda kunduzgi va tungi xizmat yo‘lga qo‘yildi.

Hamkorlik – kelajak kaliti

Hurmatli Toshkent shahrining aholisi va mehmonlari! Oylik doirasida faol ishtirokingiz muhim ahamiyatga ega. Agar siz giyohvandlik vositalarini tarqatish yoki narkograffiti yozuvlarini yozib ketayotgan shaxslar haqida ma’lumotga ega bo‘lsangiz, iltimos, quyidagi manzil va vositalar orqali xabar bering:

Telefon: 71-206-44-79
Telegram bot: @stopnarko_bot

Murojaat qiluvchining shaxsi sir saqlanishi kafolatlanadi.

Yoshlarimizning kelajagi va jamiyatimizning farovonligi uchun birgalikda kurashaylik!

РУ🇷🇺 ENG🇬🇧

Web sayt | Telegram | YouTube
| Facebook | Instagram
847 0 9 1
GFU|Rasmiy kanali

14 Jan, 15:40

Открыть в Telegram Поделиться Пожаловаться
Vatan himoyachilariga ehtirom – yoshlar tarbiyasida muhim qadriyat

Bugun Geologiya fanlari universitetida 14-yanvar – Vatan himoyachilari kuni munosabati bilan tantanali tadbir bo‘lib o‘tdi. Tadbirda universitet professor-o‘qituvchilari, talabalar hamda mehmonlar ishtirok etishdi.

Dasturda Vatan himoyachilarining mardligi va fidoyiligi yodga olinib, ular yurt tinchligi va osoyishtaligi uchun ko‘rsatgan xizmatlari haqida so‘z yuritildi. Tadbir davomida vatanga muhabbat, fuqarolik burchi va mardlik haqida ta’sirli chiqishlar bo‘ldi. Shu bilan birga, universitetning iste’dodli talabalari tomonidan sahna ko‘rinishlari, musiqiy chiqishlar ham namoyish etildi.

Tadbir yakunida ishtirokchilar tomonidan himoyachilarga minnatdorlik bildirilib, yosh avlodni yurtga sadoqatli, kuchli va ma’naviyatli insonlar qilib tarbiyalash muhimligi ta’kidlandi.

Bu tadbir Vatan himoyachilarining qahramonlik ruhini yuksaltirish va yoshlarni milliy qadriyatlarga hurmat ruhida tarbiyalash yo‘lida muhim qadam bo‘ldi.

РУ🇷🇺 ENG🇬🇧

Web sayt | Telegram | YouTube
| Facebook | Instagram
845 0 14 3
GFU|Rasmiy kanali

14 Jan, 11:17

Открыть в Telegram Поделиться Пожаловаться
Qadrli vatandoshlar!

Geologiya fanlari universiteti barchangizni ulugʻ bayram — Vatan himoyachilari kuni bilan muborakbod etadi!

Bu kun bizga Vatanimizni himoya qilishdek sharafli va masʼuliyatli vazifani bajarib kelayotgan jasur harbiylarimizni, shuningdek, yurtimiz ravnaqi va xavfsizligi yoʻlida fidokorona xizmat qilayotgan har bir vatandoshimizni eʼtirof etish imkonini beradi.

Har biringizga sihat-salomatlik, baxt-saodat, oilangizga tinchlik va farovonlik tilaymiz. Ona yurtimizga muhabbat va sadoqat bilan xizmat qilayotgan har biringizga minnatdorchilik bildirgan holda, ishlaringizga ulkan zafarlar yor boʻlsin, deb niyat qilamiz!

Vatan himoyachilari kuni muborak boʻlsin!

РУ🇷🇺 ENG🇬🇧

Web sayt | Telegram | YouTube
| Facebook | Instagram
874 0 2 2
GFU|Rasmiy kanali

13 Jan, 07:50

Открыть в Telegram Поделиться Пожаловаться
Репост из: Kon-geologiya vazirligi | Мингеологии | Ministry of Mining and Geology
Видео недоступно для предпросмотра
Смотреть в Telegram
2025-yilgi Davlat dasturi va uni tasdiqlash to‘g‘risidagi prezident farmoni loyihalari ishlab chiqilib, keng jamoatchilik muhokamasi uchun e’lon qilindi.

Davlat dasturi loyihasida 5 ta ustuvor yo‘nalish bo‘yicha 2025-yil uchun amaliy chora-tadbirlar, normativ-huquqiy hujjatlar ro‘yxati va maqsadli ko‘rsatkichlar nazarda tutilmoqda.

Loyiha 2025-yil 22-yanvarga qadar jamoatchilik va ekspertlik muhokamalaridan o‘tkaziladi.

2025-yilgi Davlat dasturi loyihasi muhokamasida faol ishtirok etib, o‘z takliflaringizni uzbekistan2030.uz onlayn portali orqali bildiring.


#kongeologiya #mingeo #jamoatchilik_muhokamasi #uzbekistan2030

Сайт | Telegram | Facebook | Instagram | Twitter | YouTube
688 0 0 2
GFU|Rasmiy kanali

13 Jan, 05:50

Открыть в Telegram Поделиться Пожаловаться
2024/2025-oʻquv yili kuzgi semestr uchun 1-bosqich kunduzgi ta'lim shakli talabalariga yakuniy nazorat imtinhonlari 13-yanvardan boshlanadi. Imtihon jarayonlarini uzgeouniver.uz saytida online kuzatish mumkin.


🌐Web sayt 📱Telegram🎞YouTube🌐Facebook📱Instagram
962 0 14 2
GFU|Rasmiy kanali

10 Jan, 14:32

Открыть в Telegram Поделиться Пожаловаться
Sport – mening hayotim

Joriy yilning 10-yanvar kuni Geologiya fanlari universitetida sportga bag‘ishlangan davra suhbati o‘tkazildi

Bugungi tadbir universitetning Yoshlar bilan ishlash, ma'naviyat va ma'rifat bo‘limi hamda "Iqtisodiyot va ijtimoiy fanlar" kafedrasi tashabbusi bilan tashkil etildi. Mazkur tadbirda sport gimnastikasi bo‘yicha sport ustasi, xalqaro va Respublika musobaqalari chempioni Tursunboyeva Soliha, sport akrobatikasi bo‘yicha xalqaro toifadagi sport ustalari, Osiyo chempioni va sovrindorlari Raimov Ikrom va Nasivaliyeva Umida ishtirok etishdi.

Sport va yoshlar: hayotiy tajribalar

Davra suhbati davomida sportchilar o‘z tajribalari, sportning inson hayotidagi ahamiyati va mashg‘ulot jarayonlari haqida talabalar bilan yaqin muloqot qilishdi. Ular xalqaro maydonda o‘tayotgan sport musobaqalarining muhim jihatlari va o‘zlarining g‘alabalari haqida so‘z yuritishdi. Talabalar tomonidan berilgan qiziqarli savollarga sportchilar batafsil javob berishdi, bu esa yoshlarning sportga bo‘lgan qiziqishini oshirdi.

"Sport – mening hayotim" mavzusidagi davra suhbati talabalarga sportning hayotdagi ahamiyatini chuqur anglatdi. Ushbu tadbir yoshlarni sportga jalb qilish, sog‘lom turmush tarzini targ‘ib qilish va kelajak avlodni har tomonlama rivojlantirishga qaratilgan yana bir muhim qadam bo‘ldi.

РУ🇷🇺 ENG🇬🇧

Web sayt | Telegram | YouTube
| Facebook | Instagram
971 0 7
Показано 9 последних публикаций.