Fikriston

мен тун учун яратилганман,
ҳа, тушкунлик оқар қонимда.
ҳиссиётлар билан биргаман,
бўлмаса-да ҳеч ким ёнимда.

ҳа, доимо маҳзунлигим рост,
лабларимга бегона кулгу,
ҳақсиз, бироз ғалатироқман:
сўзим - сукут, ёзганим - туйғу.

тўғри, мени тушуниб бўлмайди,
дарров ҳамма кетади безиб.
нигоҳимни олиб қочаман,
оғриқларим қолманг деб сезиб.

йўқ, уринманг кўнглим олмоққа
вақтингизни сарфлаб беҳуда.
мен ўзимни тушунмайман ҳатто.
на ўнггимда, на-да уйқуда.

хоҳласангиз йиғлашим мумкин,
юзингизга жилмайиб туриб.
қалбим йиғлар, кўзиммас, зотан
бу нигоҳлар кетганлар қуриб

ёзиқларим касб этмас маъно
тушмаса-да қўлимдан сиёҳ
қотиб кетган юрак тош каби
ҳатто унмоқ даргумон гиёҳ.

йўлиқсангиз айланиб ўтинг,
яқин келманг мендек телбага.
қўл узатсам сиз томон бугун,
воз кечишим мумкин эртага.

дардлар билан бир бутун танам,
малол келмас бир телба бўлмоқ.
маҳзун бўлиб яшарман, лекин
орзуйимдир жилмайиб ўлмоқ…

Зайд Қамар
03.10.2024
02:01

Yomon xulq-atvor(xarakter)ni ko‘rish oson.

Yaxshisini ko‘rish qiyin.

Sababi, yaxshi xulq asosan qilinmagan ishlardan iborat.

Qilinmagan g‘iybat, xo‘mraymagan chehra, aytilmagan so‘kish, qaralmagan nazar…

Buning ustiga ular “mening fe’lim chiroyli” deb yurmaydi ham.

Demak, chiroyli fe’llik odamlar kamligidan tashqari, ularni sezib olish ham qiyin.

Bundan 2 ta xulosa shuki:

Yaxshi fe’llik deb o‘ylagan odamlarimiz, biz o‘ylagandan yaxshiroq bo‘lishi ehtimoli yuqori.

Shundaylarni topganlarning vazifasi – qo‘yib yubormaslik bo‘ladi.

Boshida seni mensimaydilar, keyin sening ustingdan kuladilar, keyin sen bilan kurashadilar, so’ng sen g’alaba qozonasan.

©️Maxatma Gandi

Bu gapni haqiqat ekanini hayotda ko’rib kelyapmiz. Hammamiz turli bosqichlaridamiz. Asosiysi “to’xtama” so’zini shior qilib olishni maslahat beraman.

Biz Gandining hikmatini yoshligimizda o’qimadik. Ammo shu yo’lni ancha bosib qo’ydik.

Balki “to’xtama” so’zini “prinsip” qilib olish kerakdir . Balki tushunishdan ko’ra anglash muhimdir.

✉️ У тебя новое сообщение!

Kanalingiz zoʻr ekan qanaqa kitob oʻqigansiz:)

- телбалик китобининг ҳиссиёт бобидан беқарорлик ҳикоясини ўқиганман)

Bu mavzuni o’zim ko’tarmasam, hech kim ko’tarmaydi. Eshting.

Biz insonmiz. Ba’zida bir-birimizga dardlarimizni aytgimiz keladi. Oz bo’lsa ham, taskin olishni istaymiz.

Lekin negadir bizni jamiyatda hech kim tinglashni bilmaydi. Taskin berishni-ku aytmasa ham bo’ladi.

Kimnidir qalbingga yaqin olib muammolaringni aytsang:

1) Sandan ming battar vaziyatdagilar ham bor!!!
2) Ota-onangni ko’ziga qara! Ularni sendan umidi katta!
3) Agar seni o’rningda bo’lganimda, men…
4) Bir kuni bu kunlarni kulib eslaysan…

Va eng daxshati
5) shuncha odam qilyabtiku, sen nima eplolmaysan? Odam qilgan ishni odam qiladi…

Naqadar absurd gaplar ochig’i. Bu gaplar na taskin na motivatsiya beradi. Aksincha, sizga qalbini ochgan insonga — yanada ko’proq bosim qo’ygan bo’lasiz (huddi bechoraga o’zini muammolari yetmayotgandek).

Psixologiyada empathy degan termin bor. Hamdardlik hissi. Aynan shuni ko’pchiligimiz o’rganishimiz kerak.

Sizga kimdir muammosini aytsa, uni koimang. O’zi o’zini ichidan kemirayotgani — unga yetib ortadi.

Unga itga ham bitga ham kerak bo’lmagan tepadagi ‘motivatsion’ gaplarni aytmang. Sho’rlik nimalardan o’tayotganini — yolg’iz o’zi va Alloh biladi.

Shunchaki “ha rostan ham qiyin senga. Seni biram tushunib turibman. Juda tang vaziyat” deb qo’ying, yetadi. Qo’lizdan kelsa “balkim man qandaydir yordam berolsam, bemalol so’rayver. Sani ko’rib o’zim siqilib ketyabman” deng. Uni hissiyotlarini validate qiling.

Sizdan yaxshiroq inson bo’lmaydi.

Hurmat bilan,
@ibragimmansurov_blog

илм деганда олий ўқув юртини тамомлаб қўлга киритиладиган бир парча қоғозни тушунмаслик керак. илм бу уйқусиз тунлар, соатлаб китоб титишлар, устозлар эшигига қатнаб, ғурур ва фахрни синдиришлар, қанча илм олса-да, ҳали ҳеч нарсага эришмагани учун надомат чекишлардир.

«Улуғлар шундай яшашган»

Zo‘r o‘qituvchi fanga qarab emas, o‘rganuvchiga qarab dars o‘tadi.

Zo‘r shifokor kasallikni emas, bemorni davolaydi.

Zo‘r sotuvchi mahsulotini bilganidek, mijozini ham taniydi.

Zo‘r yozuvchi so‘zlardan ko‘ra, o‘quvchi dunyosini yaxshiroq tushunadi.

Odamlar tabiatini tushunish, odamlar bilan ishlashda kuchli qiladi.

Odamlar tabiatini tushunish – o‘zimizni tushunishdan boshlanadi.

O‘zimizni tushunish, o‘zimizni aldamaslikdan boshlanadi.

O‘zingizni aldamang, kuchli mutaxassis bo‘lasiz.