Трамп Россияга қарши санкцияларни кучайтиришга тайёр — Кит Кeллог
Трампнинг махсус вакили Кит Келлогнинг айтишича, АҚШ Россияга нисбатан чекловларни кучайтиришни режалаштирмоқда.
Бу ҳақда Келлог The New York Post таблоидига берган интервьюсида маълум қилди. Унинг фикрича, ҳозирча АҚШ томонидан Россияга жорий қилинган санкциялар 10 баллик шкала бўйича атиги 3 баллга тенг ва уларни кучайтириш мумкин.
Келлог АҚШ Россиянинг нефть қазиб олиш ва экспорт соҳасидаги чекловларни янада кучайтириши мумкинлигини таъкидлаб, «Агар кимдир босим ўтказиш инструментларини яхши тушунса, бу ҳам президент Трампдир», — дея қўшимча қилди.
Россия ва Украина бўйича махсус вакил Москвага нисбатан нафақат иқтисодий, балки ҳарбий ва дипломатик босим ҳам кучайтирилиши керак, деган фикрда.
Шунингдек, у Байден маъмуриятини танқид қилиб, улар Украинага “керакли муддат давомида” ёрдам берилишини ваъда қилгани, аммо босимни кучайтирмагани ва зарур қурол-яроғ етказиб бермаганини айтди. «Бу стратегия эмас, балки фақатгина бамперга ёпиштирилган стикердир», — деди Келлог.
Келлог нашр журналистлари саволларига жавоб берар экан, Украинага юборилган 174 миллиард доллар ҳақидаги гаплар қуруқ сафсатадан бошқа нарса эмаслигини таъкидлади.
«Қўшма Штатлар Украинага 174 эмас, 65,9 миллиард долларлик ҳарбий ёрдам жўнатган. Йилига 22 миллиард доллар. Қолган 51,2 миллиард доллардан ортиқ “ҳарбий ёрдам” учун сарфлангани айтилаётган пуллар аслида АҚШнинг ҳарбий-саноат комплексига йўналтирилган. Мисол учун, Россия урушга йилига 160 миллиард доллар сарфламоқда. Бу биз Украинага юборганимиздан 8 баравар кўп», — дейди у.
Эслатиб ўтамиз, аввалроқ Трамп Россияга қарши санкциялар жорий этишни хоҳламаслигини, лекин зарурат туғилса “бошқа иложи қолмаслигини” айтган эди.
🔥@fayzboguz
Трампнинг махсус вакили Кит Келлогнинг айтишича, АҚШ Россияга нисбатан чекловларни кучайтиришни режалаштирмоқда.
Бу ҳақда Келлог The New York Post таблоидига берган интервьюсида маълум қилди. Унинг фикрича, ҳозирча АҚШ томонидан Россияга жорий қилинган санкциялар 10 баллик шкала бўйича атиги 3 баллга тенг ва уларни кучайтириш мумкин.
Келлог АҚШ Россиянинг нефть қазиб олиш ва экспорт соҳасидаги чекловларни янада кучайтириши мумкинлигини таъкидлаб, «Агар кимдир босим ўтказиш инструментларини яхши тушунса, бу ҳам президент Трампдир», — дея қўшимча қилди.
Россия ва Украина бўйича махсус вакил Москвага нисбатан нафақат иқтисодий, балки ҳарбий ва дипломатик босим ҳам кучайтирилиши керак, деган фикрда.
Шунингдек, у Байден маъмуриятини танқид қилиб, улар Украинага “керакли муддат давомида” ёрдам берилишини ваъда қилгани, аммо босимни кучайтирмагани ва зарур қурол-яроғ етказиб бермаганини айтди. «Бу стратегия эмас, балки фақатгина бамперга ёпиштирилган стикердир», — деди Келлог.
Келлог нашр журналистлари саволларига жавоб берар экан, Украинага юборилган 174 миллиард доллар ҳақидаги гаплар қуруқ сафсатадан бошқа нарса эмаслигини таъкидлади.
«Қўшма Штатлар Украинага 174 эмас, 65,9 миллиард долларлик ҳарбий ёрдам жўнатган. Йилига 22 миллиард доллар. Қолган 51,2 миллиард доллардан ортиқ “ҳарбий ёрдам” учун сарфлангани айтилаётган пуллар аслида АҚШнинг ҳарбий-саноат комплексига йўналтирилган. Мисол учун, Россия урушга йилига 160 миллиард доллар сарфламоқда. Бу биз Украинага юборганимиздан 8 баравар кўп», — дейди у.
Эслатиб ўтамиз, аввалроқ Трамп Россияга қарши санкциялар жорий этишни хоҳламаслигини, лекин зарурат туғилса “бошқа иложи қолмаслигини” айтган эди.
🔥@fayzboguz