Elyorbek Maʼrufov

Biz kelib ketuvchi to’garak jahon,
Na boshi ma’lum, na so’ngi ayon.
Hech kimsa rostini aytib berolmas,
Biz qaydan keldig-u ketarmiz qayon.
Keksa yosh hayotga har kimki yetar,
Hammasi izma-iz, birma-bir o’tar.
Bu dunyo hech kimga qolmas abadiy
Ketdilar, ketamiz, kelishar, ketar.
Kelmoq qo’lda bo’lsa kelmasdim bir dam,
Ketmoq qo’lda bo’lsa ketmas edim ham.
Juda soz bo’lardi bu g’amxonaga
Kelmasam, turmasam, kelib ketmasam.
Afsuski yigitchilik mavsumi bitdi,
Ko’klam o’tib ketdi, qish kelib etdi.
Yoshlik deb atalgan u sevinch qushi,
Bilmadim qachonlar keldi-yu ketdi.

Umar Xayyom

Biz dangasamizmi?

Haqiqatdan, odamlar dangasami? Aslida inson miyasi energiyani maksimal tejashga moslashgan. Shuning uchun ertalab yugurmaymiz, sport bilan shugʻullanmaymiz, qilishimiz kerak boʻlgan ishlarni dushanbaga qoldiramiz.
Xoʻsh, unda nima qilish kerak? Deylik, oʻsha odatni ehtiyot darajasiga olib chiqish kerak. Masalan, ovqatlanish-ehtiyoj, uxlash-ehtiyoj, dofamin-ehtiyoj.
Ertalab yugurib kelmaguningcha telefoningni qoʻlingga olma shunda dofaminga boʻlgan ehtiyoj sababli yugurishga majbur boʻlasan.

Sen bugun ojiz boʻlgan narsangga ertaga yanayam ojizroq boʻlasan. Buguning bor... Ertaga ertak.

Bilish va anglash

Inson dunyoga keliboq bilish jarayoni boshlanadi. Ilk bor, dunyoni taniydi, onasini koʻradi. Dunyoni anglay boshlaydi.
Bilish va anglash oʻrtasidagi farq nima?
Oʻrganayotgan bilimingizni "bunga qanday amal qilishim kerak" degan savol bilan oʻrganing.

Qurbaqa tajribasi

Agar siz qurbaqani qaynoq suvga solsangiz u suvni issiqligidan sakrab chiqib ketadi.
Agar qurbaqani sovuq suvga solib suvni asta-sekin qizdirib borsangiz u qanday qilib qaynoq suvda pishib qolganini bilmay qoladi.

Xulosa: Sotuvda Mijozlar ham huddi shunday, agar siz unga qaynoq mijoz kabi muomala qilsangiz, u sakrab "suv" dan chiqib ketadi, siz yaxshisi mijoz oʻtirgan "sovuq suv" ni asta qizdirib boring.

Biror ishni bajarishni reja qilidingiz...

Eng muhimi boshlab olish. Xatolar bilan boʻlsa ham, buni qanday qilishni bilmasangiz ham boshlang. Xatolar jarayonda toʻgʻrilanadi. Siz tajriba olib ketaverasiz. Agar bu ishni hayolingizda bajarsangiz hayolingizdagi muammolar bilan kurashib yuraverasiz. Hoziroq boshlang.

Inson miyasi muammo topuvchi va uni yechuvchi mashina. Agar sen yangi muammo topmasang u bor narsalardan muammo topishni boshlaydi.

Katta natijalar kichik oʻzgarishlardan boshlanadi.

Boshqara olmaydigan narslaringiz uchun tashvishlanishni bas qiling.

O’tgan 2 hafta davomida 5 ta joydan ish taklifi bo’ldi. Davlat sektoridan, xususiy sektordan, xalqaro klinikalardan.

Hammasi sharoitni bir-biridan yaxshi qilib beraman deydi. Kimdir ko’proq pul beraman desa, yana kimdir o’sha pulga kamroq soat ishlaysan deydi. Yana kimdir bolangni maktabiga ham, mashinangga ham, turar joyingga ham to’layman deydi.

Kerakli qilib yaratganiga shukur.

Shu o’rinda bunday takliflarga erishish uchun qilish muhim bo’lgan ishlar haqida balki foydasi tegar maqsadida 3-4 fikrlar. Qaysilaridir o’zim xulosam, qaysilaridir qayerdadir o’qiganlarim.

- ehtiyoj katta bo’lgan sohada bo’lish muhim. Hype bo’layotgan sohadan ko’ra insoniyat uchun zarurroq sohada bo’lish muhimroq Imkon bo’lsa. Misol SMM dan ko’ra dasturlashni o’rganish. Dasturlash SMMdan ko’ra insoniyat rivoji uchun muhimroq.

- tanlagan sohani fundamentidan o’rganish muhim. Misol SMM dan ko’ra inson psixologiyasi yoki web dasturlashdan ko’ra operativ sistemalar. Shunda ular ustiga yangi bilimlar qurish osonroq va tezroq bo’ladi.

- siz tanlagan sohadagilar qiyin deb o’ylagan bosqichlardan o’tish muhim. Misol qiyin bo’lgan xalqaro imtihonlardan o’tish. Xalqaro darajada ilmiy darajaga ega bo’lish.

- birga ishlayotgan insonlar bilan har doim yaxshi muomalada bo’lish. Misol atrofdagilarga yordamga tayyor ekanligingizni ko’rsatish va yordam berish. Xushmuomalada bo’lish. Ertaga siz qachonlardir birga ishlagan odam butun karyerani hal qiladigan pallada muhim odamga aylanishi mumkin. Bittagina izohi hal qilishi mumkin. Siz haqingizda deyarli har doim yaxshi gapirishlari muhim ekan.

- statistikani va ehtimollik nazariyasini o’rganish. U hissiyotga berilgan vaqtda aqlan qaror qabul qilishda katta yordam beradi va to’g’ri qaror qabul qilish ehtimolligini oshiradi. Dunyoni yaxshiroq tushunishga yordam beradi.

- uzoq muddat fokus bilan bilim olishni o’rganish muhim. Sababi boshqalarda mana shu sabr yo’q. Diqqat davomiyligi qisqarib bormoqda. Fokus bilan bilim olishni o’rgana olgan odam qolganlardan ancha tezlashib, oldinga o’tib keta oladi

- oilada hotirjamlikka erishishga harakat qilish muhim. Oila hotirjam bo’lmasa halovat bo’lmaydi. Hotirjamlikka erishish uchun yaxshi turmush o’rtog’i muhim. Yaxshi turmush o’rtog’i tanlash uchun hissiyotlardan ko’ra statistika va ehtimollik nazariyasini bilish muhimroq

- biror qarorni qabul qilishda ko’p vaqt sarflamaslik muhim. Agar biror qaror borasida biroz ikkilanish bo’lsa yo’q javobi to’g’ri ekanlik ehtimoli 80% dan yuqori

- hadeb tahlil qilishdan to’xtash, qo’ldan kelganini qilish va qolganiga yaxshi niyat bilan Allohga tavakkal qilish muhim. Biror qaror yoki ish ustida hadeb, oylar yoki yillar davomida tahlil qilaverish uchun umr juda qisqa.

Poyezdim tushadigan bekatga kep qoldi. Davomi bor…

Bek Olimjon
22.11.2023
Norvegiya

Pul va vaqt o'rtasidagi farq shundaki, siz har doim qancha pulingiz borligini bilasiz, lekin qancha vaqtingiz borligini hech qachon bilmaysiz...

Garchi, ba'zilar uniyam buniyam qanchaligini bilmaydi... hayotingiz qisqa, uni behudaga sarflamang...

@chiroylimoliya ilhom kelib qoldi, haydavorolmadim uni....))

8. QO’RQUV👻

Qo'rquvlaringiz bilan ishlashni o'rganing. Qo'rquv bu aslida yaxshi trigger, ammo agar u sizni boshqarishni boshlasa ahvolingiz yaxshi bo'lmaydi. Qo'rquvni boshqarishni o'rganish qiyin texnologiyalarni ustalik bilan ishlatishingizni talab qiladi. Ammo hamma uchun bor bitta usul, bu qo'rqqan narsangizni qisman va ozginadan bajarib turish. Vaqt o'tib asabiy tizimingiz qo'rquvlarni oddiy qabul qilishni boshlaydi.

Albatta yuqoridagi yo'nalishlarni alohida ochib chiqish uchun bir nechta kitob yozsam ham joy yetmaydi. Ammo asosiy g'oyalar shulardan iborat. Bu yilga oldingizga qo'ygan har qanday maqsadlaringizga qo'shib, yuqoridagi holatlar ustida ham ish olib borishingiz juda zarur.

Men o'zim hozir hayotimni islohot qilyapman. Men bilan birga rivojlanishingiz mumkin. Agar sizga foydam tegayotgan bo'lsa xursandman. Bepul kontentimni kuzatasizmi, kurslarimda ishtirok etasizmi, maksimal ravishda sizlarga to'g'ri yo'nalish ko'rsatib berishga harakat qilaman.

Yil endi boshlandi va hech qanday bahonalarga o'rin yo'q! Men bilan birga bo'ling va men sizga yordam beraman. Bitta narsani hech qachon unutmang siz o'zingiz o'ylagandan ancha kuchli, qobiliyatli va aqlli insonsiz. Shunchaki qanday qilib shu ichingizdagi kuchni ishlatishni bilsangiz bo'ldi.

Sog' bo'ling omon bo'ling. Miyani rivojlantiring! Poka poka👋

RIVOJLANISHNING 8 TA QIRRASI

Agar siz muvaffaqiyatga erishishni istasangiz, hayotingizni har tomonlama rivojlantirishingiz juda zarur! Tasavvur qiling sizning pulingiz ko'p, siz mashhursiz ammo sog'liq bilan bog'liq muammolar sizni tark etmayapti. Yoki siz sog'lomsiz, baquvvatsiz ammo pulingiz kam va doimiy ravishda moliyaviy muammolarda yurasiz.

Yuqoridagi holatni hayotda ko'p kuzatishimiz mumkin. Bitta qoidani yaxshilab eslab qoling: MUVAFFAQIYAT - BU TIZIM. Yani siz yoki har tomonlama muvaffaqiyatga erishasiz, yoki sizning muvaffaqiyatingiz muvaffaqiyat bo'lmaydi.

Shuning uchun men sizga ishlashingiz kerak bo'lgan 8 ta yo'nalishni ko'rsatmoqchiman. Rivojlanish uchun 8 ta g'oya bermoqchiman. Agar siz ularning barchasi ustida ish olib borsangiz, katta ehtimol bilan haqiqatdan muvaffaqiyatli odamga aylanasiz. Qani ketdik🚀

1. FIZIOLOGIYA🫀

Birinchi o'rinda tushunishingiz kerak bo'lgan narsa bu - biz hammamiz biologik qonunlarga bo'ysunamiz. Inson shunaqa yaralgan va bu narsani o'zgartirib bo'lmaydi. Shuning uchun tanangizni yaxshilab parvarishlashingiz kerak. Sport, to'g'ri ovqatlanish, shaxsiy gigiyena va hokazo oddiy narsalarni unutib qo'ymang. Aks holda muammolarga uchrashingiz mumkin. Agar iloji bo'lsa inson tanasi qanday ishlashi, iste'mol qiladigan ovqatlarimizda qanday ozuqalar borligini o'rganing. Yiliga 2 marta mutaxassislarga ko'rinib kerakli analizlarni topshirib turing.

2. STRESS VA NEGATIV😰

Stress - bu organizmning turli xil ta'sirlarga nisbatan yuzaga keladigan reaktsiyasi. Agar doimiy ravishda stressda bo'lsangiz, siz deyarli hech narsaga erisha olmaysiz. Albatta stressning foydali tomonlari ham bor, ammo ular me'yoriy tabiatga ega. Agar stress me'yoridan ortiq bo'lsa u sizga judayam qattiq salbiy ta'sir o'tkazishi mumkin. Shuning uchun stressni oldini olish elementlarini o'rganing, yoki yaxshi psixologga uchrab turing.

3. ATROF MUHIT🤝

Muvaffaqiyatda eng asosiy narsalardan biri, bu atrof muhitdir. Agar atrofingizdagi insonlar doimiy ravishda sizga negativ ta'sir o'tkazishsa, katta ehtimol bilan siz muvaffaqiyatga erisholmaysiz. Shuning uchun netvorking haqida kitoblar o'qing, turli xil siz bilan birga rivojlanishni xohlaydigan insonlar bilan tanishing, klublarga qo'shiling, treninglarga boring. Atrofingizdagi odamlarni yaxshilab tanlashni o'rganing, chunki ular keyinchalik sizga juda katta ta'sir o'tkazadi.

4. REJALASHTIRISH VA VIZUALIZATSIYA✍️

Men klassik vizualizatsiyaga mutloq qarshiman! Menimcha vizualizatsiyadan qanday qilib to'g'ri foydalanish mumkinligini o'rgatadigan kitoblar deyarli yo'q. Ko'pchilik vizualizatsiya deb tushungan narsa deyarli ishlamaydi. Ammo vizualizatsiyani to'g'ri ishlatish mumkin! Bu haqida alohida kontent qilaman (nasib).

Rejasiz ish keltirar tashvish. 1 soat rejalashtirish 10 kun ishni o'rnini bosadi. Rejalashtirish ustasi bo'lmasangiz ham, hech yo'q oddiy topshiriqlar ro'yxatidan foydalaning. Shuni o'zi sizga ancha yordam beradi.

5. PRAYMING🤓

Agar kayfiyatingizni boshqarmasangiz, kayfiyatingiz sizni boshqaradi. Kayfiyatga qaram bo'lmaslik uchun maqsadda fokus ushlashni o'rganishingiz kerak. Buning uchun to'g'ri tuzilgan maqsadlar ro'yxati kerak bo'ladi. Albatta kayfiyatni boshqarish haqida alohida kontent qilaman. Hozircha hayotingizni tartibga keltirishga harakat qiling. Missiyangiz nima? maqsadlaringiz qanaqa? rejalaringiz tuzib olinganmi? Qanchalik tartibda yashasangiz, shunchalik kayfiyatni boshqarish oson bo'ladi.

6. HARAKAT🏃

Mening eng yaxshi ko'radigan joyim - HARAKAT! Orzu qilib o'tirish bilan ish oxirigacha bormaydi. Harakatni boshlash kerak. Buni men bepul marafonlarimda va Superintizom kursimda tushuntirib berganman. Kam bo'lsayam, sekin bo'lsayam, harakatni to'xtatmang va cho'zib yurmang. Hoziroq boshlang.

7. ENERGIYA🔋

Ko'pchilik dam olishni unutib qo'yishadi. Agar telefoningizni quvvatlantirmasangiz u ishlamay qoladi. Miya va tana bilan ham huddi shu holat. Quvvatlantirilmagan har qanday narsa ishlamay qoladi. Bu hayot qonuni! Shuning uchun uyqu rejimini to'g'irlang va dam olish kunlarini rejalashtiring.