Instagramda "humoyun.norqobilov" nomi ostida sahifa yuritadigan fuqaro o‘z sherigi bilan O‘zbekiston Qizil Kitobiga kiritilgan O‘rta Osiyo cho‘l toshbaqasiga majburiy ravishda nos chektirishgan.

@ekologuz o‘z surishtiruvlarida fuqaroga tegishli bo‘lgan davlat raqami 75X 070 FA bo‘lgan avtomashina haqida ma’lumotlarni aniqladi. Fuqaroning ochiq tabiatdagi ilonlarni ham ushlab turli video qilgan holatlari ham mavjud. Ammo ilonlarning keyingi taqdiri nima bilan tugagani bizga qorong‘u.

O‘rta Osiyo cho‘l toshbaqalari soni yashash joylarining o‘zgarishi, shafqatsiz munosabat va yo‘q qilinishi tufayli uzluksiz kamayib boryapti. O‘rta Osiyo cho‘l toshbaqasi (Agrionemys horsfieldii) zaif, himoyaga muhtoj tur sifatida Tabiatni muhofaza qilish Xalqaro ittifoqi (TMXI)ning “Qizil ro‘yxati”ga kiritilgan.

"Ekolog" jamoat birlashmasi hayvonlarga nisbatan shafqatsiz munosabatda bo‘lish qat’iyan taqiqlanganligini, bu qonunga ko‘ra keskin javobgarlikka sabab bo‘lishini inobatga olib ushbu fuqaroga qonuniy jazo choralari ko‘rishlarini so‘raydi. Qonun oldida fuqaroga yordam bergan o‘rtog‘i hamda holatni tasvirga olgan shaxs ham javob berishi kerak.

☘️ @ekologuzru kanaliga obuna bo'ling
@eklguz_bot orqali biz bilan bog'laning

Instagram | Facebook | Twitter | Sayt