Баъзи қишлоқларимизни биламан, ёзда йигитлар қомайди, баҳордан то кеч кузгача эммигрантлик тақдири билан Россияда ишлашади, улар ҳам шу ерда ишлашни истамайди дейсизми, жуда исташади, лекин иш йўқлигидан мажбур кетади, онасини, боласини, умр йўлдошини соғинса ҳам 7-8 ой ҳар йили кетади. Улар давлатга ҳеч қандай чиқим қилгизмаган холда ҳар йили бевосита оиласига, билвосита эса шу Давлатга ээээнг камида 3000 доллар(!) пул киритади, ички бозорни пулга тўйинтиради.

Шунча йил ўшаларнинги пулларини Ўзбекистон аҳли ишлатдик, энди туф сассиқ бўлиб қолдими улар?!

Алишер Қодиров таклиф билдириш пайтида боласини ишлагани юбориб энди кунига юрак ҳовучлаб ўтирган оналарни ҳаёлига келтирдимикан?

Бу ердан иш тополмасдан мажбуран чет элга кетиб, энди уйидаги биронта яқини вирус юқиб қийналаётганини эшитган эмигрант йигитнинг ахволини кўз олдига келтирдимикан?

Йўқ, ўйламагани юз фойиз кўриниб турибди.

Чет элдаги касалларимизга пул билан ёрдам қиламизмиш... Аввал шу ердагиларга эплаб бериб қўйяпсизми, дегани одам йўқ...

@domlajon