Bola terapiyasi

Agar siz katta opa bo‘lsangiz, ehtimol sizga: "Sen qiz bolasan-ku, menga yordam ber", "Sen eng kattasisan, aqlliroq bo‘l", "Ukalaringga qarashing kerak" degan iboralarni ko‘p eshitgansiz. Bu oddiy so‘zlardek ko‘rinadi, lekin ularning ortida tizimli muammo yotadi: g‘amxo‘rlik, sabr-toqat va mas'uliyatning ijtimoiy yuklangan ayol roli.
⠀
Katta opa sindromi nafaqat bolalik tajribasi, balki gender tengsizligining aksi bo‘lib, qizlarga erta yoshdan to‘lanmagan enagalik va "ikkinchi ona" rolini o‘ynashga o‘rgatiladi. Bu tanlov emas, balki ularning roziligisiz ularga yuklangan burchdir.
⠀
Bu keyinchalik ayolga katta hayotda qanday ta'sir ko‘rsatadi?
⠀
Katta opa sindromi deganda nafaqat oilaga, balki ayollarga g‘amxo‘rlik qilish, qurbonlik qilishi kerak bo‘lgan butun tizim nazarda tutiladi.
⠀
📌 Ayol har doim munosabatlardagi tartib uchun "mas'ul". Bolalikda qizlar o‘z vazifasi uyni batartib saqlash, nizolarni hal qilish va boshqalarga g‘amxo‘rlik qilish ekanligiga odatlanib qolishadi. Natijada, ular butun umr davomida munosabatlatni "yamashadi", partnyorini qutqarishadi va o‘z manfaatlarini qurbon qilishadi.
⠀
📌 Ular o‘z qadriyatlari birovga foyda keltirishda deb bilishadi. Agar boshqalarga g‘amxo‘rlik qilmasang, demak sen yomon qiz, rafiqa, ona, dugonasan.
⠀
📌 Chegaralar bilan qiyinchilik. Yoshligidan to‘ng‘ich qizlar o‘zlarining ehtiyojlari ikkinchi darajali ekanligiga o‘rganadi. Shuning uchun ular ko‘pincha noqulay sharoitlarga rozi bo‘lishadi, rad etishdan qo‘rqishadi va o‘z istaklari uchun o‘zlarini aybdor his qilishadi.
⠀
Bundan qanday chiqish mumkin?
⠀
🔹 Bilingki, siz hech kimdan qarzdor emassiz. Siz kattalarning muammolarini hal qilishga majbur emassiz, agar sizdan talab qilinmasa, kichiklarga g‘amxo‘rlik qilishingiz shart emas.
⠀
🔹 Aybdorlik hissiga uchramasdan "yo‘q" deya olish. Rad etish xudbinlik emas, balki shaxsiy chegaralarni himoya qilishdir.
⠀
🔹 "Nomukammallik" uchun aybdorlik hiddian qutulish. Barcha uchun "qulay", "yaxshi" bo‘lishga majbur emassiz.
⠀
Bu sindrom patriarxal tizimning bir qismi bo‘lib, ayollardan g‘amxo‘rlik qilish, qurbon bo‘lish va sabrli bo‘lishni talab etadi. Agar yosh bolalarga g‘amxo‘rlik qilish ota-onaning mas'uliyati bo‘lsa, nega bu ko‘pincha qizlarga topshiriladi? Agar katta opalar bolalikdan kelajakdagi onalikka "tayyorlansa", nega katta akalar otalikka tayyorlanmaydi?
⠀
©“Sukut saqlama” dan olindi.

Bolaga 5 baho o‘zi nimaga kerak? 🤷‍♀

Fikrlaringiz o‘rtoqlashing.

Farzandingiz bilan munosabatingiz aslida qanday ekanligini bilishning bitta siri bor. Yechimi har bir ota-onani o‘ylantirishi aniq.

Bolangizga shu savolni berib ko‘ring: “Agar biz ota-onang emas, sening farzanding bo‘lib qolsak, bizga nimalarni o‘rgatgan bo‘lar eding?”

Berilgan javob ularning yaqindan bilishga, o‘zingizga esa bir nazar solishga imkon beradi.

Sizga qanday javob berishdi?

📩 Kommentariyaga yozishni unutmang.

@bolaterapiyasi

Bir kuni farzandlarim bilan tushlikka somsa sotib oldik. Sotuvchida mayda pul yo’q bizga ortiqcha 1000 so‘m qaytdi. Keyingi safar qizlarim bilan borib, qarzimizni qaytardim. Arzimagan summa, lekin farzandlar shu kabi birovning haqqi, qarz bo’lmaslik holatlariga ko‘proq guvoh bo‘lishsa, ulg‘aygach halollik, birovning haqqi borasida mas’uliyatli bo’lishadi. Kichik xatti-harakatlar ham ularga katta dars bo‘lishi mumkin.

@bolaterapiyasi

Bugun dushanba! Yaxshi dam oldingizmi emas, yaxshi uy ishlarini qilib oldingizmi desak to‘g‘riroq! 😄

Kanalda anchadan beri jimlik. Fokusim boshqa joyda edi... Bu haqida natija bo’lsa, yozaman, albatta!

Ustozlarga bildiriladigan doimiy iddaolar:

— Nimaga 4 baho?
— Tabeli faqat 5 bo‘lishi kerak.
— Vazifalarni bajarib, bahosini o‘zgartiradi.
— Iltimos, faqat 5 qo‘ying.

Lekin biror ota-ona:

— Tengdoshlari bilan munosabati qanday?
— Yaqin o‘rtog‘i bormi?
— Xulq-atvorida biror o‘zgarish yo‘qmi?

Ota-onalar bolaning muayyan tashqi ko‘rsatkichlari uchun emas, balki uning ruhiyati, his-tuyg‘ulari, atrofdagilar bilan munosabatiga ham e’tibor qaratishlari muhim.

👁‍🗨 Kundalikni bezatayotgan a’lo baholar unda “hammasi a’lo” ekanini ko‘rsatmaydi. Balki, emotsional holati uning haqiqiy rivojining belgisi bo‘lishi mumkin.

@bolaterapiyasi

Bugun kuzatgan jonli kadrlarim

* Marshrutkada “Kecha va Kunduz”ni o‘qib ketayotgan qiz — Kitobga muhabbat.

* Maktabga farzandini gul bilan kuzatayotgan ayol — Ustozga muhabbat.

* O‘g‘li chiqindini yerga tashlaganda norozi bo‘lgan ona — Tabiatga muhabbat.

@bolaterapiyasi

Hamma o‘qituvchi o‘z ustida ishlayapti:
Kasbiy sertifikat
Til bilish sertifikati
Milliy sertifikat
Malaka sertifikati
Toifa sertifikati...

O‘quvchining ustida kim ishlaydi endi?!

Ochig‘i, og‘riqli...

©Facebookdan olindi.

@bolaterapiyasi