Biznesreport.uz - bank, biznes, iqtisod

❗️AQSH dollari sotuv kursi yangi rekordni urdi

Bugun ayrim tijorat banklarida dollarning sotuv kursi 12 920 so'mgacha chiqdi

@biznesreport

Oktyabrda soliq tushumlari o'tgan yilga nisbatan 15 foizga o‘sdi

Iqtisodiy tadqiqotlar va islohotlar markazi mutaxassislari tomonidan O‘zbekistonning barcha hududlarida tadbirkorlik faoliyatining faolligi tahlil qilindi.

Monitoring natijalariga ko‘ra, oktyabr oyida soliq tushumlari 2023-yilning shu davriga nisbatan 15% ga o‘sish bilan ijobiy dinamikani ko‘rsatdi. Bu esa tadbirkorlik faoliyatini barqarorligidan dalolat beradi.

Soliq tushumlarining hududiy dinamikasi tahlillari quyidagi tendensiyalarni ko'rsatmoqda.

Surxondaryo viloyatida soliq tushumlari bo‘yicha eng yuqori o‘sish qayd etildi – 15,4%. Xorazm, Andijon va Samarqand viloyatlarida ham sezilarli o‘sish kuzatildi – mos ravishda 12,1%, 11,2% va 11,1%. Eng katta o‘sish Qoraqalpog‘iston Respublikasida qayd etilgan bo‘lib, 18,9% ni tashkil etdi.

Soliq tushumlari bo‘yicha tahlilda daromad solig‘i 18,2% ga oshgan, bu esa aholi bandligi va daromadlarining oshganligini ko‘rsatadi. Mulk solig‘i 38,9% ga, yer solig‘i esa 26,3% ga ko'tarilgan.

Bojxona to‘lovlari bo‘yicha tushumlar 10,4% ga oshdi. Bojxona tushumlarining eng katta o‘sishi Qashqadaryo viloyatida qayd etildi va 120% dan oshdi. Shuningdek, Sirdaryo viloyatida ham sezilarli o‘sish kuzatildi — 60% dan ortiq. Buxoro va Jizzax viloyatlarida o‘sish qariyb 50% ni tashkil etdi.

Telegram I Instagram I Veb-sayt

2027-yilga kelib O‘zbekistonga pul o‘tkazmalari hajmi $20 mlrdga yetishi mumkin

Markaziy bank prognozlariga ko‘ra, 2024-yil yakunida O‘zbekistonga transchegaraviy pul o‘tkazmalari hajmi 25-30% ga oshib, taxminan $14,5−15 mlrdni tashkil qilishi kutilmoqda. Ushbu ko‘rsatkichlar 2025-2027-yillarga mo‘ljallangan pul-kredit siyosati konseptual loyihasining asosiy ssenariysida belgilangan.

📉 2025-2027-yillarda pul o‘tkazmalari hajmi bozor tendensiyalari asosida har yili 10-15% ga oshib borishi kutilmoqda va yuqori daromadli mamlakatlardan pul o‘tkazmalarining o‘sishi tufayli umumiy hajm $20 mlrdga yetishi mumkin.

Muqobil ssenariyda davom etayotgan sanksiyalar tufayli rublning zaiflashishi hisobga olinadi. Bunday sharoitda O‘zbekistonga mehnat muhojirlarining pul o‘tkazmalari kamayishi mumkin, bu esa import inflyatsiyasining oshishiga olib keladi.

📉 Ushbu muqobil ssenariyga ko‘ra, 2025-yilda pul o‘tkazmalari hajmi 7-10% ga qisqarishi, keyingi yillarda esa 2026-2027-yillarda 7-11% darajasida mo‘tadil o‘sish kuzatilishi mumkin. Pul o‘tkazmalarining kamayishi uy xo‘jaliklari daromadlarini pasaytirib, yalpi iste’mol talabiga cheklovchi ta’sir ko‘rsatishi mumkin.

Telegram I Instagram I Veb-sayt

Oktabr oyida qaysi avtomobillar narxi pasaydi?

Makroiqtisodiy va hududiy tadqiqotlar instituti mutaxassislari tomonidan oktabr oyidagi avtomobil narxlari tahlil qilindi.

Unga ko'ra, 2024-yilningn oktabr oyida ikkilamchi avtomobil bozorida Lacetti, Damas, Labo narxlari pasayishda davom etdi. Spark'ning o'rtacha narxi biroz ko'tarilgan bo'lsa, Cobalt va Nexia'da sezilarli o'zgarishlar kuzatilmadi.

Mahalliy ommabop avtomobillar narxlari:

Ko‘p foydalanilgan Spark avtomobilining o‘rtacha narxi 2,2% ga, o‘rtacha foydalanilgani 2,9% ga oshgan bo‘lsa, Cobalt va Nexia narxlarida sezilarli o‘zgarish kuzatilmadi.

Mahalliy ommabop avtomobillar uchun oktyabr oyida taklif qilingan o‘rtacha narxlar:

• Lacetti: kam foydalanilgan — $15 236 ($15 452) , ko‘p foydalanilgan — $13 300 ($13 500);
• Damas: kam foydalanilgan — $8 250 ($8 300), ko‘p foydalanilgan — $7 500 ($8 000);
• Spark: o‘rtacha foydalanilgan — $10 500 (sentyabr oyida – $10 200), ko‘p foydalanilgan — $9 200 ($9 000).

Mahalliy lyuks avtomobillar narxi
Oktabr oyida mahalliy lyuks avtomobillaridan Equinox narxlari sezilarli o‘zgargan bo‘lsa, Malibu va Tracker narxlari deyarli o‘zgarmadi. Jumladan, mazkur davrda kam va o‘rtacha foydalanilgan Equinoxʼning o‘rtacha narxlari sentyabr oyiga nisbatan mos ravishda 1,5% va 6,3% ga arzonlagan bo‘lsa, ko‘p foydalanilgani 1,9% ga oshdi.

Equinox uchun oktyabr oyida taklif qilingan o‘rtacha narxlar quyidagicha: kam foydalanilgan - 33 000 (33 500) dollar, o‘rtacha foydalanilgan — $30 000 ($32 000); ko‘p foydalanilgani — $27 000 ($26 500).

Telegram I Instagram I Veb-sayt