Surxondaryo viloyati hokimi Ulug‘bek Qosimov aholi va ijtimoiy soha obyektlarini energiya resurslari bilan barqaror ta’minlash borasida amalga oshirilayotgan ishlar bilan tanishdi.

Xususan, Termiz shahridagi "Yulduz" mahallasida ko‘p qavatli uy-joylarni issiqlik bilan ta’minlayotgan markaziy qozonxona faoliyati ko‘zdan kechirildi. Shuningdek, BSKlar faoliyati yuzasidan mutasaddilarning axborotlari tinglandi.

Keyingi manzilda, Termiz shahrining "Tinchlik" mahallasi hududidagi tarmoqda yuzaga kelgan avariya holatini bartaraf etish hamda Termiz tumani "Yangi hayot" mahallasida joylashgan podstansiyada faoliyat yuritayotgan elektr ta’minoti korxonasi xodimlarining holidan xabar olinib, ularga oziq-ovqat, issiq ichimliklar va kiyim-boshlar berildi.

Viloyat rahbari, shuningdek, navbatchilik shtabi faoliyati, kommunal sohada yuzaga kelgan nosozliklar hamda ularni bartaraf etish bo‘yicha tezkor guruhlar tomonidan amalga oshirilayotgan ishlar yuzasidan mutasaddilarning axborotlarini tingladi. Kommunal sohada 24 soatlik ish rejimini tashkil etish, navbatchilik shtabiga kelib tushgan murojaatlarni tezkor hal qilish, avtomobil yo‘llarida muzlamalar hosil bo‘lishining oldini olish choralarini ko‘rish bo‘yicha mas’ullarga vazifalar yuklandi.

Hurmatli vohadoshlar,
kommunal sohada yuzaga kelgan nosozliklar to‘g‘risida viloyat hokimligining navbatchilik shtabiga tezkor xabar berishingizni so‘raymiz.
☎️ 1055 (24 soat
☎️ (76) 228-69-70.

Surxondaryo.uz | Telegram | Facebook | Instagram | YouTube | X