Асланов билан футбол

Бугун Англияда янги чемпион аниқланади. Агар «Ливерпул» ўз майдонида «Тоттенҳэм»га ютқазмаса, ўз тарихида 20-бор Англия чемпионига айланади ва «Манчестер Юнайтед»га етиб олади.

Арне Слот эса АПЛда чемпион бўлган илк нидерландиялик мураббийга айланади.

Чемпионлик айнан бугун расман ҳал бўлиши эҳтимоли анча катта. Биринчидан, «Тоттенҳэм» у қадар яхши ҳолатда эмас, охирги икки ойда АПЛда атиги бир марта ғалаба қозонди холос.

Иккинчидан, келаси ҳафтада лондонликларни Европа Лигаси яримфинали кутиб турибди. Постекўғли ўша учрашувга кўпроқ эътибор қаратиши шубҳасиз.

Учинчидан, «Энфилд» «тақачилар» учун энг омадсиз стадионлардан ҳисобланади - жамоа охирги марта бу стадионда 2011 да ғалаба қозонган.

@aslanov_futbol

Кеча ўйин тугагач, «Реал»нинг уч футболчиси - Антонио Рюдигер, Лукас Васкес ва Жуд Беллинҳэм ҳакам томонидан қизил кариочкага лойиқ кўрилди. «Реал»нинг сўнгги ҳужуми Мбаппеда қоидабузарлик топилиб, тўхтатилгани бу футболчиларни жунбушга келтирди ва улар ҳакамга нисбатан агрессив муносабатда бўлдилар.

Қоидаларга кўра, Испания кубогида олинган қизил карточка фақат шу мусобақанинг кейинги ўйинларига таъсир қилиши керак. Аммо истисно борки, мабодо қоидабузарлик ҳакамга нисбатан ўта агрессив баҳоланса, дисквалификация ўйинлар сони ошади ва аҳамиятлиси, Ла Лига ўйинларига ҳам таъсир қилади.

Кечаги ҳолатлар учун ҳакам ҳисоботида Рюдигер ҳакамга нисбатан агрессив муносабатда бўлиб, унга номақбул предмет отгани, Васкес захира ўриндиғидан майдонга чиқиб кетиб, ноўрин ишоралар қилгани, Беллинҳэм ўз норозилигини агрессив намойиш қилиб, бошқа футболчилар ёрдамида тўхтатиб қолингани қайд этилган.

Катта эҳтимол Антонио Рюдигернинг ҳаракатлари жиддий деб топилади ва нашрлар унинг ҳатто 4-12 ўйинга четлатилишини ёзишмоқда. У ҳолда футболчи Ла Лиганинг навбатдаги учрашувларини ўтказиб юбориши аниқ. Васкес ва Беллинҳэмларники сал енгилроқ, фақат Испания кубогига таъсир қиладиган дисквалификация кутилмоқда. Лекин ҳар учала футболчи ҳам айни категорияга тушиши ва кўпроқ ўйинларга дисквалификация қилиниши, яъни Ла Лигада ҳам ўйнай олмаслиги эҳтимоли бор. Бу хабарлар асосан регламент асосида баҳоланиб, тарқатилмоқда холос. Ҳакамлар қумитасининг расмий қарорини кутиш лозим.


@aslanov_futbol

Сўнгги йилларда «Реал»да қандайдир сеҳр бор эди. Худдики ўйин қандай кечишидан қатъи назар, барибир «Реал» керакли пайтда уйғонади. Совринлар машинаси. Салобатли жамоа. Хотиржам.

Бу йил мана шу сеҳр йўқолди. Нега? Ўйинда муаммолар борми? Балким. Лекин қачон бўлмаган? Ҳатто сўнгги финалнинг биринчи таймида «Боруссия» обориб-опкелмаганмиди? Аммо бу Мадрид учун муаммо эмас, ютишнинг сирини биладиган ягона жамоа.

Винисиусга берилмаган «Олтин тўп»дан бошлади. Аразлаб тадбирга бормаслик, кейин Лигадагилар билан доимий жанглар. Хотиржам Анчелотти Моуриньога айланиб қолди. Реал Мадрид ТВ мухлислардан тортиб, футболчиларгача захарлашдан тинмади. Ҳаммаси Лукас ва Рюдигернинг қизил карточкаси билан якунланди. Хунук.

Перес негадир «ҳамма душман» режимини маъқул кўрди. Ростанам ҳамма душманмиди, номаълум, лекин шундай бўлганда ҳам, бундан бошқачароқ йўналишда фойдаланиш мумкин эди, менимча. Таркибдаги сифат бунгаям қодир эди балким. Менимча, бу кайфият билан Ла Лига ҳам бой берилади шекилли. Тағин ким билади.

«Барселона» эса требл учун навбатдаги қадамни ташлади. Табриклар.

@aslanov_futbol

Жюл Кунде янги давр Марселоси. Дунёда энг техникаси кучли ҳимоячи.

@aslanov_futbol

«Барселона» ютқазиб турган ўйинда қарши ҳужумдан гол урди.

@aslanov_futbol

Иккинчи таймда майдонга тушганлардан, Мбаппеда гол, Гулерда ассист. «Реал»ни биринчи таймга Катанец тайёрлаганмиди? )

@aslanov_futbol

«Реал»нинг Класикодаги бундан олдинги голи ҳам жарима зарбасидан бўлганди :)

@aslanov_futbol

«Реал» 48-дақиқагача: 1 зарба, 0 аниқ.
«Реал» 48-60 дақиқалар: 7 зарба, 5 аниқ.

Мбаппе эффекти.

Лекин шу дақиқаларда «Барселона»да ҳам 6 зарба.

Умуман, фақат шунақа сценарийда «Реал»да имконият бор. Хаосда порлайдиган футболчилар Мадриддаям кўп.

@aslanov_futbol

«Реал»нинг ҳозирча муваффақиятли режаларидан бири, Жерар Мартинни чап қанотда очиб қўйишяпти. Каталонияликлар сафида энг кўп тўп билан учрашган учинчи футболчи ҳам Мартин. Педри ва Мартинесдан сўнг.

«Барселона» сафида тўп билан энг хавфсиз, ўткир пас бериш эҳтимоли энг паст ўйинчи ҳам айнан Мартин. Анчелотти ҳам шундай ўйлаган. Натижада «Барса»нинг кўп потенциал хавфли ҳужумлари кўнгилдагидек давом этмай қоляпти.

@aslanov_futbol

«Реал» ёмон формада эканидан ташқари, «Арсенал» билан ўйинлар, Анчелотти атрофидаги миш-мишлар руҳий томондан ҳам таъсир қилгандек. «Реал»га хос равишда доим бўладиган ўзига бўлган ишонч пастроқ. Балким аввалги икки Эл Класико натижаси ҳам ўз таъсирини ўтказгандир. Жамоа тўп назоратида ҳам, ҳимояда ҳам ишончсиз кўриняпти.

Бу ҳолатда тўпни Мбаппега етказиб, унинг вазиятни ҳал қилиш варианти бор эди, афсуски, француз жароҳатланган. Демак яна битта йўл менимча, Модрич эди. Ҳар холда шу пайтгача 37 марта «Барса» билан Модрич ҳеч бўлмаса марказда хотиржамлик бериши, рақибдан қўрқмасликни ёнидагиларга ўргатиши мумкин эди. Назаримда, Модрич ўйин охирида эмас, ҳозир керакдек. Футболчилар чарчаб, икки томонлама ўйин бошланганда «Реал»да бошқа вариантлар кўп.

@aslanov_futbol

Криштиану Роналду гол урди. Илгари ҳам Эл Класико пайтида энг кўп айтиладиган сўзлардан эди. Бу сафар ҳам шу :)

@aslanov_futbol

«Реал» ва «Барселона» Испанияда доим ва барча совринлар учун асосий рақобатчи саналишса-да, ўйин тугаб жамоалардан бири соврин кўтарган, яъни финал-Эл Класиколар жуда кам.

Суперкубокларни қўшмасак, охирги 35 йилда, яъни 1990 йилдан буёғига атиги 2 марта Қироллик кубоги финалида дуч келишган экан. Иккаласидаям «Реал» ютганди.

Бири 2011 йилда, Жозе Моуриньонинг илк мавсумида қўшимча вақтда Криштианунинг боши билан урган голи масалани ҳал қилган. Иккинчиси 2014 йилда, ўша Гарет Бэйл «бетонкадан айланиб келиб» Бартрани қувиб ўтган ўйин - 2:1. Бу сафар мураббий Карло Анчелотти эди.

1990 йилдаги финалда эса «Барселона» зафар қучган экан.

@aslanov_futbol

«Реал» учун Мбаппе асосий йўқотиш, шубҳа йўқ, аммо «Барселона»га, келганда, менимча, Левандовскидан ҳам кўра, Балденинг ўрни кўпроқ билинса керак.

Рафинья орқали билинади. Маълумки, Рафинья вингер эмас, Флик ундан марказроқда, чап яримқанотда фойдалана бошлагандан бери, унинг ўйини очилиб кетди. Балде эса бу боғламда муҳим фигура - у доим қанотни кенгайтиради, яъни аут чизиғида ҳужумни қувватлаш орқали, рақиб қанот ҳимоячисини четга тортади. Бу рақибдаги ўнг қанот ва марказий ҳимоячи ўртасида кичик бўш зона пайдо қилади - айнан Рафинья фойдаланадиган худуд.

Мартин ҳам ҳужумга қўшилиши мумкин, аммо Балдечалик фаол эмас, натижада, Балдесиз ўйинларда қанотни кенгайтириш Рафиньяга қоляпти. Бу эса жарима майдонида камроқ пайдо бўлиш дегани, Рафиньядаги айнан кутилмаганлик эффекти йўқолиб қолади.

Балким «Реал» ҳам Мартинни олдинга чиқишга қўймаслик учун ўнг қанотига урғу берар, кўпроқ ҳужумлар ўша томондан амалга оширилиши мумкин.

@aslanov_futbol

Ишончли манбаларга қараганда, «Реал» бугун қуйидаги таркибда тушади:

Куртуа – Васкес, Асенсио, Рюдигер, Менди – Валверде, Чуамени, Себалиос, Родриго – Беллинҳем, Винисиус.

Беллинҳэм Мбаппе йўқлиги учун ҳужум чизиғида кутиляпти.

«Барселона»да кутилаётган таркиб эса:

Шчесни - Мартин, Иньиго, Кубарси, Кунде - де Йонг, Педри, Олмо - Ямал, Рафиня, Торрес

@aslanov_futbol

Ўхшамади: «ПСЖ» ўз майдонида «Ницца»га 1:3 ҳисобида ютқазиб қўйди. Парижликлар Франция чемпионати тарихида илк бор мавсумни мағлубиятсиз ўтказган жамоа бўлиши мумкин эди.

@aslanov_futbol