𝐙𝐢𝐲𝐨𝐝𝐚 𝐙𝐮𝐟𝐚𝐫𝐳𝐚𝐝𝐞|𝐑𝐚𝐬𝐦𝐢𝐲

Gustav Lebonning "Omma psixologiyasi" asari ommaviy ong va xulq-atvorning ichki mexanizmlarini ochib beradi. Muallif ommaning irratsional qarorlar qabul qilishi, emotsional ta’sirchanligi va liderlarning ularga ta’sirini batafsil tahlil qiladi. Kitobda fuqarolarning loqaydligi kuchli hukumatlarni shakllantirishi kabi muhim fikrlar ilgari surilgan.

Bu asar rahbarlik, ijtimoiy boshqaruv va manipulyatsiya usullarini o‘rganishga qiziquvchilar uchun bebaho manba. Hayotiy misollar va chuqur tahlillar uni yanada qiziqarli qiladi. Ommaviy psixologiyani tushunishni istagan har bir kishiga tavsiya etaman!

Valery Sinelnikovning “Niyatning Kuchi” kitobi insonning niyatining hayotidagi muhim ahamiyatini ochib beradi. Muallif niyatni faqat orzu yoki maqsad sifatida emas, balki hayotdagi o’zgarishlarni yaratishning kuchli vositasi sifatida taqdim etadi. Kitobda niyatning qanday shakllanishi, uni qanday aniqlash va amalga oshirish yo’llari, shuningdek, ichki to’siqlarni qanday yengish kerakligi haqida amaliy tavsiyalar beriladi. Sinelnikov ijobiy fikrlar va ongni yo’naltirish orqali har bir inson o’z hayotini o’zgartirish imkoniyatiga ega ekanini ta’kidlaydi. Ushbu kitob hayotini o’zgartirishni xohlagan har bir kishi uchun ilhom manbai bo’lishi mumkin.

Taqriz: “Bir olima qiz bor edi”

Amina Shenliko‘g‘lining “Bir olima qiz bor edi” asari nafaqat insoniy his-tuyg‘ular, balki iymon, sabr va adolat yo‘lida kechgan murakkab hayotiy yo‘llarni aks ettiruvchi ta’sirchan va mazmunli hikoya hisoblanadi.

Asarning bosh qahramoni Mina – yosh, iffatli, iymonli qiz bo‘lib, uning hayoti ota-onasining e’tiqoddan uzoq bo‘lgan muhitida kechadi. Mina hayotining burilish nuqtasi bir avtohalokatdan so‘ng sodir bo‘ladi, bu voqea uni din va iymon yo‘lini tanlashga undaydi. Diniy kitoblarni o‘qib, Allohning hidoyati bilan ro‘mol o‘rashni boshlaydi va namoz o‘qishga kirishadi. Ammo bu tanlovi unga qattiq sinovlar keltiradi: otasining zulmi, jamiyatning bosimi va madrasadagi nohaqliklar qizning matonatini sinaydi.

Mina hayotida e’tiqod va muhabbat o‘rtasidagi ziddiyatlar ham muhim rol o‘ynaydi. Unga juda ko‘p azoblar berilsa ham, uning iymoni va sabr-toqati unga kuch beradi. Unga nisbatan sevgi his qilgan Muso ismli yigitning din va Allohga ishonmasligi Minani undan uzoqlashishga majbur qiladi. Shu orqali asar dinda mustahkam turishning naqadar muhimligini ko‘rsatadi.

Muallif hayotiy voqealarni chuqur his-tuyg‘ular orqali tasvirlaydi va o‘quvchini qahramonning ichki dunyosiga olib kiradi. Minaning hayoti orqali nafaqat qizlar, balki butun jamiyat uchun ibrat va saboq bo‘ladigan misollar keltiriladi. Asarda bosh qahramonning qiyinchiliklari, iymonga bo‘lgan mustahkamligi, sabr va matonat bilan har qanday to‘siqlarni yengib o‘tishi tasvirlangan.

Madrasadagi nazoratchi bir kuni Minaga tuhmat qilib qamatadi va uni oʻldirishadi lekin o'zini joniga qast qildi deb ma'lumot berishadi. Kitob oxirida Minaning yo‘li tugaydi, ammo voqealar uning hayotidan keyin ham davom etadi. Bu esa o‘quvchini asarning ikkinchi qismini intiqlik bilan kutishga undaydi. “Bir olima qiz bor edi” asari iymon, adolat va insoniy qadriyatlar haqida chuqur o‘y yuritishga chorlaydigan kitobdir.
Lekin hikoya shu yerda
tugamaydi. Bir kuni Minani dugonasi nazoratchiga
-Domla, bugun tunda tushimda Minani ko'rdim. U bitta itga: Bor nazoratchining oyog'ini yulib, menga olib kel deb buyurdi. It yugurib borib, oyog'ingizni uzib tashladi deydi. Nazoratchini rangi oqarib ketadi va o'sha tushdan so'ng 10 kun o'tib nazoratchi dahshatli avtohalokatga uchrab o'ng oyog'i tizzasidan uzilib ketadi.
Lekin o'sha voqealar tufayli Johil, dinsiz, iymonsiz, musulmonlarni yomon ko'rib, ularga aziyat beradigon nazoratchi iymonga kiradi.
Nazoratchi tinmay Mina meni kechir, seni men o'ldirdim deya ko'z yoshlar bilan ko'chalarda balki u o'lmagandir deya uni izlab yuradi. Hatto Mina meni kechirar deya uning yaqin qiynalgan dugonasiga bir kvartirani hadya qiladi va bir kuni Minani qabrini ochtirishga qaror qilib ochtiradi va Mina meni kechir deya turgan joyiga yiqiladi. Keyin hikoya shu yerda tugaydi ammo qabrda Mina bor yoki yo'qligi undan so'ng qanday voqealar bo'lganligi In Shaa Allah ikkinchi kitobda chop etilar ekan.

Mazkur asar jamiyatdagi qizlarning iymon va iffatni saqlash yo‘lidagi kurashlari haqida qimmatli xulosa chiqarishga yordam beradi va o‘quvchini o‘z hayotini o‘zgacha nigoh bilan ko‘rib chiqishga undaydi.

Assalomu alaykum, hurmatli yoʻlovchilar. Xonimlar va janoblar!

Sizlarni 2024-yil soʻngi daqiqalar bortida koʻrishdan mamnunmiz! Bugun– 225-son qatnov bilan 2024-yil-2025-yil yoʻnalishi bilan uchuvchi ekipaj xavfsizligingizni taʼminlaydi!

Iltimos, xavfsizlik uchun eski yildagi tashvishlaringizni ortda qoldiring va yangi orzularingiz bilan qulay joylashing.

Sizga baxt, omad va quvonch bilan toʻldirilgan xavfsiz va yoqimli parvoz tilaymiz.

Keyingi bekat: Yangi yil!