Telegram-канал "Юрист Хизмати | Расмий канал" — @Yurist_Xizmati

Юрист Хизмати | Расмий канал

5 Apr, 07:52

Ўнлаб давлат ташкилотларида яна қисқартириш❗️

Иқтисодиёт ва молия вазирлиги, Ғазначилик қўмитаси, Кадастр агентлиги, Инвестиция вазирлиги, Қишлоқ хўжалиги вазирлиги, Туризм қўмитаси, Инновацион ривожланиш агентлиги, Адлия вазирлиги, Солиқ қўмитаси шулар жумласидан.

✉️ Юристга савол юбориш

Расмий каналимиз:
👉 @Yurist_Xizmati 👈

4.8k 0 81 34

Юрист Хизмати | Расмий канал

4 Apr, 20:26

⚡️Аттестация тест синовлари ўтказиладиган жой манзиллари ҳам аниқ бўлди

Жорий йилнинг январь-июнь ойларида мактабгача, умумтаълим ва мактабдан ташқари таълим муассасалари педагоглари учун ўтказиладиган малака тоифа синовлари жой манзиллари маълум бўлди.

1. Қорақалпоғистон Республикаси:

📌Педагогик маҳорат маркази (Нукус шаҳри, Й. Алакўз кўчаси, 54-уй)

2. Андижон вилояти:

📌Педагогларни янги методикаларга ўргатиш миллий маркази (Андижон шаҳар, Истиқлол кўчаси, 8-уй)

3. Бухоро вилояти:

📌Бухоро шаҳридаги 44-мактаб биноси (Бухорор шаҳар, Боғишамол кўчаси 5-уй. Мўлжал: олдинги Педагогика коллежи)

4. Жиззах вилояти:

📌Жиззах шаҳридаги 4-мактаб биноси (Жиззах шаҳар, “Кимёгар” МФЙ, Тўқимачилар кўчаси, 45-уй)

5. Қашқадарё вилояти:

📌Педагогларни янги методикаларга ўргатиш миллий маркази (Қарши шаҳар, Олимлар кўчаси, 2-уй)

6. Навоий вилояти:

📌Навоий шаҳридаги “Баркамол авлод” болалар мактаби (Навоий шаҳри, Алоқа кўчаси, 6-уй)

7. Наманган вилояти:

📌Наманган шаҳридаги 15-мактаб биноси (Наманган шаҳри, “Ғишкўприк” МФЙ, Уйчи кўчаси, 329-уй)

8. Самарқанд вилояти:

📌Педагогларни янги методикаларга ўргатиш миллий маркази (Самарқанд шаҳар, Ҳасан Обиддинов кўчаси, 7-уй)

9. Сирдарё вилояти:

📌Гулистон шаҳридаги “Баркамол авлод” болалар мактаби (Гулистон шаҳри, “Шодлик” МФЙ, Навоий шоҳ кўчаси, 55-уй)

10. Сурхондарё вилояти:

📌Термиз шаҳридаги 26-мактаб биноси (Термиз шаҳри "Каттабоғ" МФЙ, Фаровон массиви, 2-мавзе, 7-манзилгоҳ. Мўлжал: "Яшил дунё" бозори)

11. Фарғона вилояти:

📌Фарғона шаҳридаги 28-мактаб биноси (Фарғона шаҳар, “Истиқлол” МФЙ, Абдулла Қодирий кўчаси, 13-“А” уй)

12. Хоразм вилояти:

📌Урганч шаҳридаги 17-мактаб биноси (Урганч шаҳар "4-Юқори боғ" маҳалласи, Махтумқули кўчаси, 229 "А"-уй)

13. Тошкент шаҳри ва Тошкент вилояти:

📌Педагогик маҳорат ва халқаро баҳолаш илмий-амалий маркази (Тошкент шаҳар, Олмазор тумани, Беруний кўчаси, 83-уй)

❗️Маълумот учун: жорий йилнинг 15 май куни ўтказиладиган касбий сертификат синовлари ҳам ушбу манзилларда бўлиб ўтади.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

17.3k 0 302 33

Юрист Хизмати | Расмий канал

4 Apr, 19:26

Ўзбекистонда неча ёшдан пенсияга чиқилади?

@Yurist_Xizmati 5053-савол:

Assalomu alaykum! Men 1971-yil 9-aprelda tug‘ilganman. 34 yillik ish stajiga egaman. Bu yil pensiyaga chiqsam bo‘ladimi? O‘qituvchiman

ЮРИСТ ЖАВОБИ:

Пенсияга чиқишда иш стажидан ташқари ёшга оид меёр ҳам белгиланади. Умумий қоида бўйича ёшга доир пенсия олиш ҳуқуқига:
⭐️эркаклар — 60 ёшга тўлганда ва иш стажлари камида 25 йил бўлган тақдирда;
⭐️аёллар — 55 ёшга тўлганда ва иш стажлари камида 20 йил бўлган тақдирда эга бўладилар.

Бу Фуқароларнинг давлат пенсия таъминоти тўғрисидаги қонуни 7-моддасида мустаҳкамланган.

Ушбу қонун 12-1-моддасида белгиланган, унга кўра камида йигирма йиллик иш стажи бўлган аёллар эллик тўрт ёшга тўлганда пенсия олиш ҳуқуқига эга бўладилар.

☝️Бу қоида фақат аёл ходимларга берилган имтиёз ҳисобланади.

✅ Демак, сиз ҳам 54 ёшда пенсияга чиқишга ҳақлисиз.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

16.4k 0 267 49

Юрист Хизмати | Расмий канал

4 Apr, 18:24

❓Чет элдаги пенсионерга ишончнома билан пенсия тўланиши тартиби қандай?

✅ Қонунчиликка мувофиқ расмийлаштирилган ишончнома билан пенсия тўланади.

❓ Бу қандай амалга оширилади?

✅ Дастлаб, фуқаро чет элда бўлган вақтда ишончнома расмийлаштиради ҳамда ваколатли давлат органи томонидан апостиль қўйдиради.

☝️ Мазкур жараённи пенсионер чет элга кетган кундан бошлаб 3 ой ичида амалга ошириши тавсия этилади. Акс ҳолда пенсия 3 ойдан кейин вақтинча тўхтатиб турилиши мумкин.

⏩ ЭСЛАТМА: "Фуқаролик, оилавий ва жиноят ишлари бўйича ҳуқуқий ёрдам ва ҳуқуқий муносабатлар тўғрисида"ги Конвенциянинг иштирокчи давлатларида фаолият юритаётган Ўзбекистон фуқаролари ишончномага апостиль қўйдиришлари талаб этилмайди.

❓ Нима учун 3 ойлик муддат қўйилган?

Сабаби, қонунга кўра, вафот этган шахсларга пенсия тўланмайди. Амалиётда гарчи пенсионер вафот этган бўлсада, унинг яқин қариндошлари томонидан пенсия олиб юриш давом этган ҳолатлари мавжуд.

Шунинг учун, бюджет маблағларини тўғри сарфлаш мақсадида 3 ойлик муддат киритилган.

✅ Пенсионер ишончноманинг асл нусхасини ишончли вакилга топширади. Ишонч билдирилган шахс ишончномани пенсионер пенсия олаётган банкка тақдим қилади. Қонунчилик талабларига асосан ишончномани олган банкнинг тегишли бўлими томонидан ишончнома нусхаси Пенсия жамғармасининг туман (шаҳар) бўлимига юборилади. Мазкур ишончнома билан ишончли вакил пенсияни олишни давом эттириши мумкин.

✅ Бунда яна шуни таъкидлаб ўтиш керакки, ишончнома берган шахс (пенсионер) Пенсия жамғармаси бўлимига 1 йилда камида 1 марта келиб тайинланган пенсияга бўлган ўз ҳуқуқини тасдиқлаши керак бўлади.

❓ Пенсионернинг пенсияси тўхтатиб турилган тақдирда ёки пенсионер Ўзбекистонга келиш имконияти бўлмаса нима қилиш лозим?

✅ Ўзбекистонга келиш имкониятига эга бўлмаган ҳолатларда пенсионер Ўзбекистон Республикасининг чет элдаги дипломатик ваколатхонаси ёки консуллик муассасасига мурожаат этиши мумкин ва хорижий давлат ҳудудида доимий яшаш ҳолати мавжуд эмаслигини, шунингдек, пенсия ёки ижтимоий нафақа олмаслигини тасдиқловчи маълумотномани олиши лозим.

✅ Олинган мазкур маълумотнома ишончномага илова қилинган ҳолда ишончли вакил томонидан Пенсия жамғармасининг туман (шаҳар) бўлимига тақдим қилиниши керак. Шундан сўнг, тўхтатиб турилган пенсия қайта тикланади.

⏩ Ишончнома билан пенсия олмоқчи бўлмаган пенсионерлар Ўзбекистонга қайтгандан сўнг ҳам олинмай қолган ойлардаги пенсияларини белгиланган тартибда олиш ҳуқуқига эга. Бунда фуқарога мурожаат этганидан олдинги 2 йил давр учун пенсия тўланади.

❓ Нима учун 2 йиллик давр ўрнатилган?

Сабаби, аввалги тартиб бўйича 1 йиллик давр учунгина пенсия тўланган. Фуқароларга қўшимча қулайлик яратиш мақсадида мазкур муддат икки баробар узайтирилган.

Бугунги кунда, Пенсия жамғармаси томонидан фуқаронинг пенсияга бўлган хуқуқини тасдиқлаш бўйича амалдаги тартибга қўшимча равишда масофадан индентификация қилиш тизимини амалиётга жорий қилиш юзасидан таклифлар ишлаб чиқилмоқда.

Жумладан, фуқароларга қўшимча қулайлик яратиш мақсадида дастлабки босқичда Ягона интерактив давлат хизматлари портали (my.gov.uz) орқали, кейинчалик эса юзидан таниб олиш тизими (face ID) орқали хизматни кўрсатиш режалаштирилмоқда.

✉️ Юристга савол юбориш

Расмий каналимиз:
👉 @Yurist_Xizmati 👈

Апостиль нима?

расмий ҳужжатни имзолаган мансабдор шахснинг имзоси ҳақиқийлигини, имзолаш ваколати мавжудлигини ҳамда ҳужжатни тасдиқлаган муҳр ёки штамп босма изи ҳақиқийлигини тасдиқлайдиган, Конвенцияга мувофиқ расмий ҳужжатга чет элда фойдаланиш мақсадида қўйиладиган махсус штамп.

18.6k 0 104 38

Юрист Хизмати | Расмий канал

4 Apr, 13:53

#Диққат❗️

⚡️Эндиликда ҳарбий хизматга шартнома асосида ишга кириш учун онлайн ариза бериш мумкин

Бунинг учун my.gov.uz сайти орқали рўйхатдан ўтиб, сўралган маълумотларни тўлдириш талаб этилади.

Онлайн ариза бериш учун:

➖my.gov.uz порталига кирасиз ва рўйхатдан ўтасиз.
➖Тегишли хизматни танлайсиз.
➖Шартларни ўқиб, сўралган маълумотларни тўлдирасиз.
➖Ҳамма маълумотлар тўғри бўлса, “Юбориш” тугмасини босасиз.

❗️Аризада келтирилган маълумотлар тўғрилигига номзоднинг ўзи шахсан жавобгар бўлади.

Сохта ёки нотўғри маълумотлар тақдим этилса, талабгор саралашдан четлаштирилиши мумкин.

Йўлланган ариза ва маълумотлар ваколатли орган томонидан қонунчиликда белгиланган муддатда ўрганилиб, натижаси талабгорга электрон шаклда маълум қилинади.

✉️ Юристга савол юбориш

Расмий каналимиз:
👉 @Yurist_Xizmati 👈

27.1k 7 210 39

Юрист Хизмати | Расмий канал

4 Apr, 11:13

Мактаб директорининг турмуш ўртоғи мактабда кутубхоначи бўлиб ишласа манфаатлар тўқнашувига зид эмасми?

@Yurist_Xizmati 5052-савол:

АССАЛАМУАЛЕЙКУМ хурматли юрист мен мактаб директори булиб ишлайман турмуш уртогим мактабимда кутубхона мудири булиб ишласа манфатлар тукнашувига зид эмасми шунга асос боми?

ЮРИСТ ЖАВОБИ:

Меҳнат кодекси 121-моддасида ўзаро яқин қариндош ёки қуда томондан қариндош бўлган шахсларнинг айнан битта давлат ташкилотида бирга хизмат қилиши, агар уларнинг бирга хизмат қилиши улардан бирининг иккинчисига бевосита бўйсунишига ёки унинг назорати остида бўлишига боғлиқ бўлса тақиқланиши белгиланган.

➡️ Бунда ушбу тоифадаги шахсларга: ота-она, ака-укалар, опа-сингиллар, ўғиллар, қизлар, эр-хотин, шунингдек эр-хотиннинг ота-онаси, ака-укалари, опа-сингиллари ва фарзандлари кириши белгиланган.

Энди қаранг! Вазирлар Маҳкамасининг 2024 йил 14 ноябрдаги 758-сон қарорига 3-иловада тасдиқланган Қариндошларнинг бирга ишлашларини чеклаш тўғрисидаги қоидалардан истисноларга йўл қўйилиши мумкин бўлган давлат ташкилотлари ходимларининг Рўйхати 6-бандида барча таълим ташкилотларидаги педагог ходимлар, ўқитувчилар, библиографлар ва кутубхоначилар келтирилган.

✅ Шунга кўра сиз раҳбарлик қилаётган мактабда турмуш ўртоғингиз кутубхоначи лавозимида ишлаши мумкин.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

20.5k 0 179 77

Юрист Хизмати | Расмий канал

4 Apr, 09:59

⚡️Расман Аттестация тест синовлари санаси маълум бўлди

2025 йил январь-июнь ойларида мактабгача, умумтаълим ва мактабдан ташқари таълим муассасалари педагоглари учун малака тоифа синовлари ўтказилади.

Синовлар фанлар бўйича турли кунларга белгиланган:

🔹 15–16 апрель — Рус тили, География;
🔹 17 апрель — Тарбия, Ҳуқуқ асослари, Психологлар;
🔹 18–21 апрель — Чет тиллари (инглиз, француз, немис ва бошқалар);
🔹 22–24 апрель — Ўзбек тили ва адабиёти;
🔹 25–26 апрель — Жисмоний тарбия, Мусиқа, Санъат, Технология;
🔹 28–29 апрель — Математика;
🔹 30 апрель – 1 май — Биология, Кимё, Физика;
🔹 2–7 май — Бошланғич таълим;
🔹 8 май — Тарих;
🔹 10 май — Қўшимча фанлар ва махсус педагоглар;
🔹 12 май — Информатика;
🔹 13–14 май — Мактабгача таълим ходимлари;
🔹 15–16 май — Қорақалпоқ тили;
🔹 15 май куни — Касбий сертификат синови ҳам ўтказилади.

✉️ Юристга савол юбориш

Расмий каналимиз:
👉 @Yurist_Xizmati 👈

36.8k 2 993 30

Юрист Хизмати | Расмий канал

4 Apr, 09:55

Тўлов_тизимлари_операторлари,_электрон_пуллар_тизимлари_операторлари.pdf

955.0Кб

❗️Эндиликда 11,25 млн сўмдан юқори пул ўтказмалари қатъий назоратда бўлади

2025 йил 2 июлдан бошлаб тўлов тизимлари, электрон пуллар ва тўлов ташкилотлари фаолияти устидан назорат кучайтирилади.

Бу ҳақда Марказий банк ва Бош прокуратура ҳузуридаги Иқтисодий жиноятларга қарши курашиш департаменти қарор қабул қилди.

☑️ Янги тартибларга кўра:
▪️Агар жисмоний шахс тўлов ташкилоти иловасида аккаунт очмоқчи бўлса;
▪️Электрон терминал (E-POS) орқали фаолият бошламоқчи бўлса;
▪️187,5 миллион сўмдан кўп операцияни аккаунтсиз амалга оширмоқчи бўлса;
▪️Ёки мижоз ҳақидаги маълумотлар шубҳали бўлса — ташкилот мижозни текшириши шарт бўлади.

☑️ Шу билан бирга, 11,25 млн сўмдан юқори электрон пул ўтказмаларида жўнатувчи ва қабул қилувчи ҳақида тўлиқ маълумотлар кўрсатилиши мажбурий бўлади. Бунда:
▪️Жисмоний шахслар учун паспорт/ID-карта рақами, туғилган сана ва жойи;
▪️Юридик шахслар учун ташкилот номи ва СТИР илова қилинади.

Ҳар бир операция таваккалчилик даражасига қараб баҳоланади ва идентификация маълумотлари алоҳида сақланади.

✉️ Юристга савол юбориш

📞 Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

21.1k 0 106 42

Юрист Хизмати | Расмий канал

4 Apr, 08:34

Ўқиб иш тополмаётганлар қандай иш топиши мумкин?

@Yurist_Xizmati 5051-савол:

Assalomu aleykum meni savolim shu men kutubxonachilikda oliysida o'qiyman 2 - kurs zavuchni ish topolmayabman maktablarga borsam pensiyadagi insonlar ishlayabdi qayerga murojaat qilay qanday ish topay kantraktimni to'lash uchun xam ishlamoqchiman lekin na maktablarda na AKM larda ish berishyabdi lekin xamma so'rab borgan joyimda nomutaxassislar va pensanerlar kutubxonachilarga xam qarorlar chiqadimi ish topish to'g'risida

ЮРИСТ ЖАВОБИ:

Бу ҳолатда сизга камбағалликни қисқартириш ва бандлик бўлими (соддароқ айтганда меҳнат биржа)га мурожаат қилишни масалаҳат берамиз.

Аҳоли бандлиги тўғрисидаги қонун 29-моддасига кўра иш қидираётган шахс сифатида рўйхатга олиш маҳаллий меҳнат органининг масъул ходими томонидан амалга оширилади.

Бунда қонун 31-моддасига кўра Маҳаллий меҳнат органларида иш қидираётган шахслар сифатида рўйхатга олинган шахсларни ишга жойлаштириш маҳаллий меҳнат органлари томонидан амалга оширилади.

Агар сиз ҳам иш қидираётган шахс сифатида рўйхатдан ўтсангиз унда сизга ушбу орган сизга мос бўлган ишларни таклиф қилиб туради. Улардан ўзингизга маъқул бўлганини танлашингиз мумкин.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

20.2k 0 94 60

Юрист Хизмати | Расмий канал

4 Apr, 07:51

02:33

Видео недоступно для предпросмотра

Смотреть в Telegram

❓Метан газ нархи нега 4100 сўмга қимматлади?

✅Бу борада Рақобат қўмитаси расмий муносабат билдирди

🇺🇿Ҳозирда Рақобат қўмитаси томонидан Республикамизнинг ҳудудлари кесимида нархларнинг асоссиз оширилиши, рақобатга қарши келишувларнинг олдини олиш мақсадида мониторинг ишлари олиб борилмоқда.

✉️ Юристга савол юбориш

Расмий каналимиз:
👉 @Yurist_Xizmati 👈

19.9k 0 50 69

Юрист Хизмати | Расмий канал

3 Apr, 06:35

Грантлар ҳақида тушунча берсангиз

@Yurist_Xizmati 5050-савол:

Assalomu alaykum. Grantlar to’g’risida tushuncha kerak edi. UZB da qaysi normativ hujjatlar bilan tartibga solinadi. Ilm fanga taaluqli va Oliy ta’lim tomonidan tender asosida o’tkaziladi, moliyalashtirish masalasi esi budjetdan olinadi degan qarashlar bor. Aniq xulosa kerak edi yordam bersangiz. Oldindan rahmat

ЮРИСТ ЖАВОБИ:

Грант тушунчаси турли контекстларда қўлланилади, лекин сиз илм-фан ва олий таълим соҳасида давлат томонидан молиялаштириладиган грантлар ҳақида сўраяпсиз, тўғрими?

Грант – бу маълум бир лойиҳа, тадқиқот ёки ташаббусни молиялаштириш учун ажратиладиган маблағ бўлиб, у қайтариш шартисиз берилади.

Бироқ бу ҳолатда грантлар фаолиятини тартибга солувчи яхлит норматив-ҳуқуқий ҳужжат йўқлиги учун саволингизга аниқ жавоб бера олмаймиз.

🧑‍🎓 Умуман олганда, илм-фан ва олий таълим соҳасида грантлар қуйидаги хусусиятларга эга:

▪️Давлат ёки нодавлат манбалардан молиялаштирилиши мумкин – Давлат грантлари, одатда, давлат буджетидан ёки махсус жамғармалардан ажратилади.

▪️Нодавлат грантлари эса халқаро ташкилотлар, хусусий фондлар ёки ҳомийлар томонидан берилиши мумкин. Тендер (танлов) асосида тақсимланади – Олий таълим ва илмий тадқиқот муассасалари грантларни олиш учун белгиланган талабларга мувофиқ лойиҳалар ишлаб чиқиб, танловларда қатнашадилар.

▪️Маблағдан мақсадли фойдаланиш талаб қилинади – Грант маблағлари фақат тасдиқланган лойиҳа доирасида ишлатилиши лозим, улар бўйича ҳисобот бериш мажбурияти мавжуд.

Илм-фан ва олий таълим соҳасидаги грантлар, одатда, давлат буджетидан молиялаштирилиши, тендер асосида тақсимланиши ва маълум мақсадларга йўналтирилиши билан ажралиб туради.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

22.4k 0 39 28

Юрист Хизмати | Расмий канал

3 Apr, 04:12

МТТВ+Спорт_вазирлиги_жисмоний_тарбия_ўқитувчилари_учун_баҳолаш_мезонлари.pdf

498.2Кб

⚡️Жисмоний тарбия фани ўқитувчилари кейинги ўқув йилидан бошлаб янги тартиб асосида тоифа олишади.

✅ Ўзбекистон Республикаси Президентининг “Умумий ўрта таълим муассасаларида жисмоний тарбия фани ўқитилишини тубдан такомиллаштириш ҳамда ушбу фан ўқитувчиларининг касбий фаолиятини ривожлантириш чора-тадбирлари тўғрисида”ги қарори қабул қилиинганлиги ҳамда жисмоний тарбия фани ўқитувчиларига тоифа беришнинг (2 босқичли) янги тартиби ишлаб чиқилиши ва биринчи босқич (тест жараёнлари) Мактабгача ва мактаб таълими вазирлиги томонидан, иккинчи босқич (амалий имтиҳон) Спорт вазирлиги томонидан ташкил этилиши тўғрисида хабар берилганди.

📚Мазкур қарор ижросини таъминлаш мақсадида Мактабгача ва мактаб таълими вазирлиги ҳамда Спорт вазирлигининг қарори қабул қилинди.

Қарор асосида умумий ўрта таълим ташкилотларининг жисмоний тарбия фани ўқитувчилари учун амалий имтиҳон синовларининг жисмоний тайёргарлик даражаси нормативлари ҳамда спорт турлари бўйича машқлар техникаси ва баҳолаш мезонлари тасдиқланди.

Умумий ўрта таълим мактабларининг жисмоний тарбия фани ўқитувчилари учун 2025-2026 ўқув йилидан бошлаб, 2025 йил август-декабрь ойлари аттестациясидан бошлаб:

🔹 биринчи босқич – Мактабгача ва мактаб таълими вазирлиги томонидан ўтказиладиган тест синовлари (40 та тест саволи 1 балдан жами 40 балл);

🔹 иккинчи босқич – амалий имтиҳон (жами 60 балл, шундан жисмоний тайёргарлик даражаси нормативлари бўйича-20 балл, спорт турлари бўйича машқлар техникаси -40 балл).

Таъкидлаш жоизки, мазкур баҳолаш мезонлари 2025 йил август-декабрь ойларида ўтказиладиган педагог кадлар аттестациясидан бошлаб жорий этилади (январь-июнь ойлари аттестациясида эса, ўтган йиллардагидек 50 та тест саволи берилади).

✉️ Юристга савол юбориш

📞 Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

34.1k 0 638 46

Юрист Хизмати | Расмий канал

2 Apr, 17:29

Уйим ёниб кетди, мен ҳам 56 млн моддий ёрдам олишим мумкинми?

@Yurist_Xizmati 5049-савол:

56 млн кумак олиш учун кандай талаблар булиши талаб этилади? Савол шуннан иборат бахтсиз хадиса туфайли уй яниб кетган 156 млн кумак пулини олиш учун камбагаллик реестрда булиши керакми яки шарт эмасми?

ЮРИСТ ЖАВОБИ:

Бу ҳолатда мазкур ёрдамни олиш учун оила “Кам таъминланган оила реестри”га киритилган бўлиши керак.

Ўзбекистон Республикаси Президентининг 30.01.2025 йилдаги ПФ-17-сон Фармони 2-бандига кўра 2025-йил 1-апрелдан бошлаб Камбағал оилалар реестрига киритилган оилалар учун “Ижтимоий дафтарлар” жамғармалари орқали ёнғин, сув тошқини, зилзила ва бошқа техноген ҳодисалар оқибатида зарар кўрган оилаларга уй-жойларини тиклаш ва таъмирлаш харажатларини қоплаш учун “Саховат ва кўмак” жамғармаси орқали базавий ҳисоблаш миқдорининг 150 бараваригача бўлган миқдорда ёрдам кўрсатиш тартиби жорий этилган.

❗️Демак, бу ҳолатда ёнғиндан зарар кўрган оилага БҲМнинг 150 баравари (ҳозирда 56 млн сўм) миқдорида моддий ёрдам “Камбағал оилалар реестри”га киритилган оилаларга берилади.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

22.2k 0 60 89

Юрист Хизмати | Расмий канал

2 Apr, 11:36

Мактаб директорлари менежерлик ўқув курсларида қатнашмаса ҳам бўладими?

@Yurist_Xizmati 5048-савол:

Ассалаума алейкум сизге бир сорауым бар еди мен 2005 - жылдан баслап мектеп директоры лауазымында ислеп атырман. 2023-жыл 25- декабрдеги ПК-681 санлы карарга мууапык менежерлик сетификат алыуга ен коп ислеген директорларды график тийкарында мажбурлеп жиберип атыр.Мен карарга мууапык 2028- жыл декабрге шекем барсам болама.

ЮРИСТ ЖАВОБИ:

Вазирлар Маҳкамасининг 2023-йил 25-декабрдаги 681-сон қарорига иловада тасдиқланган Давлат умумий ўрта таълим муассасалари директори лавозимига номзодларни менежерлик ўқув курсларида ўқитиш ва уларга менежерлик сертификатини бериш тартиби тўғрисидаги Низом 2-бандига кўра Мактабларда фаолият юритаётган директорлар ҳар 5 йилда бир маротаба ушбу Низом талабларига мувофиқ менежерлик сертификатини олиши талаб этилади.

Энди қаранг! Низом 15-бандига кўра директорларнинг ўқув курсларида иштирок этиши бўйича режа-тақсимоти ҳар йили 1 декабрга қадар Институт томонидан шакллантирилади ҳамда Ўзбекистон Республикаси Мактабгача ва мактаб таълими вазирлиги томонидан тасдиқланади.

‼️ Шунга кўра сиз мазкур режага киритилган бўлсангиз, унда менежерлик сертификати учун ўқув курсларида қатнашишингиз шарт.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

23k 0 152 49

Юрист Хизмати | Расмий канал

2 Apr, 11:25

7451541.pdf

1.3Мб

❗️Аҳоли томорқалари ва ер майдонларидан самарали фойдаланиш ташкил этиш бўйича Ҳукумат қарори қабул қилинди

“Аҳоли томорқалари ва деҳқон хўжаликлари ер майдонларидан самарали фойдаланишнинг қўшимча чора-тадбирлари тўғрисида” ги Ҳукумат қарори (191-сон, 28.03.2025 й.) қабул қилинди.

Қарорга кўра, “Online mahalla” платформасида деҳқон хўжаликлари ва аҳоли томорқасидаги мавжуд ер майдонлари тўғрисидаги маълумотлар онлайн режимда шакллантирилади.

➖ 2025 йил 1 июнгача аҳоли томорқаларининг ер майдонлари тўлиқ хатловдан ўтказилиши якунланиб, уларнинг алоҳида ҳисоби юритилади.

Шунингдек, намунали маҳаллалар жойлашадиган туман (шаҳар)лардаги аҳоли томорқалари ва ижарага берилган ер майдонларининг 75 фоизи босқичма-босқич бир хил турдаги юқори даромадли маҳсулотлар етиштириш учун қамраб олинади.

➖ 2025 йил 10 апрелгача экиладиган экин турлари ва маҳсулотларни етиштириш режа графиги тасдиқланади.

➖ 2025 йил 20 апрелгача аҳоли томорқаси ва ижара асосида ажратилган ер майдонларида етакчи тадбиркорлар ёрдамида юқори даромадли, сифатли уруғ ва кўчатларни тизимли етказиб бериш, экиш ва ҳар бир томорқадан самарали фойдаланиш ташкил этилади.

➖ 2025 йил 1 майгача маҳаллаларда амалга ошириладиган “яшил” ва ресурс тежамкор лойиҳаларнинг манзилли рўйхати шакллантирилади.

Бундан ташқари, “бир контур – бир маҳсулот” тамойили асосида енгил конструкцияли иссиқхона, интенсив боғ, токзор, анорзор, гулчилик ва кўчатчилик плантацияларини яратиш ҳамда резавор мева етиштириш бўйича юқори даромадли ва экспортбоп қишлоқ хўжалиги маҳсулотларини етиштириш йўлга қўйилади.

✉️ Юристга савол юбориш

Расмий каналимиз:
👉 @Yurist_Xizmati 👈

25.1k 0 118 26

Юрист Хизмати | Расмий канал

2 Apr, 08:28

Менежерлик сертификати тестида паст балл олган мактаб директорлари ишдан олинадими?

@Yurist_Xizmati 5047-савол:

Ассалаума алайкум. Менда савол: Февраль ойида амалдаги директорларнинг менеджерлик укув курсида булиб, тест натижаси буйича паст натижа билан колдим. Менда кандай имкониятлар бор кайта топширишга?

ЮРИСТ ЖАВОБИ:

Вазирлар Маҳкамасининг 2023-йил 25-декабрдаги 681-сон қарорига иловада тасдиқланган Давлат умумий ўрта таълим муассасалари директори лавозимига номзодларни менежерлик ўқув курсларида ўқитиш ва уларга менежерлик сертификатини бериш тартиби тўғрисидаги Низом 38-бандига кўра белгиланган баллни тўплай олмаган номзодлар бир йил ичида навбатдаги битта якуний синовда иштирок этиш ҳуқуқига эга.

❗️Бунда биринчи марта якуний синовдан ўта олмаган директорлар икки ой ичида бир марта якуний синовда иштирок этиши мумкин.

Энди қаранг! Ушбу муддат ичида якуний синовда иштирок этмаган ёки иккинчи якуний синовда ҳам белгиланган баллни тўплай олмаган директорлар белгиланган тартибда лавозимидан озод этилади.

✅ Шунга кўра сиз ҳам ушбу ҳуқуқдан фойдаланишингиз мумкин.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

23.3k 0 330 58

Юрист Хизмати | Расмий канал

2 Apr, 04:51

⚡️Ваниҳоят уй-жойларга ҳуқуқларни эътироф этиш бошланди

Давлат Раҳбарининг топшириқларига асосан “Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида”ги Қонун қабул қилинган эди.

✔️ Мазкур тарихий аҳамиятга эга Қонун ижросининг илк натижалари кўрина бошлади.

Батафсил

✉️ Юристга савол юбориш

📞 Юрист билан қўнғироқ орқали боғланиш
Расмий каналимиз:
👉 @Yurist_Xizmati 👈

29k 1 194 42

Юрист Хизмати | Расмий канал

2 Apr, 04:22

4 фарзандли оила кўп болали оила ҳисобланадими?

@Yurist_Xizmati 5046-савол:

Ассалому алайкум. Савол: куп болали оила ота онаси булиб, 4 нафар фарзанди бор. Аммо 2 та фарзандини ёши 25,24 ёшда булса, квота ажратиладими. Эхтиёжманд оила хисобланади ми. Квота ни рад этсам булади и хато берилган булса

ЮРИСТ ЖАВОБИ:

Оила кодексининг 4-1-моддасига асосан тўрт нафар ва ундан ортиқ ўн саккиз ёшга тўлмаган боласи бўлган оила кўп болали оиладир.

✅ Демак, мазкур қоидага биноан оилада 4 нафар ёки ундан кўпроқ 18 ёшга тўлмаган болалар бўлса, бу оила кўп болали оила мақомига эга бўлади.

Энди қаранг! агар тўрт нафар ва ундан ортиқ болаларидан бир нафари ёки ундан кўпроғи таълимнинг кундузги шаклида (ўрта махсус ва профессионал, олий таълим) таълим ташкилотларида ўқиётган ҳамда йигирма икки ёшга тўлмаган бўлса, бу оила ҳам кўп болали оила деб ҳисобланади.

☝️Юқоридаги қоиданинг мазмунига кўра сиздаги ҳолатда фарзандлардан 2 нафари 24 ва 25 ёшга тўлгани сабабли бу оила кўп болали оила сифатида эътироф этилмайди.

✅ Демак, хулоса шуки бу оилага нисбатан кўп болали оилалаларга нисбатан бериладиган имтиёзлар қўлланилади.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

25k 0 134 58

Юрист Хизмати | Расмий канал

1 Apr, 16:44

Таълим тизимини 5 кунликка ўтказишни қандай баҳолайсиз?

👍 3.1K

👎 391

36.2k 0 271 2.2k

Юрист Хизмати | Расмий канал

1 Apr, 16:35

❗️Таълим тизимини 5 кунлик ўқишга ўтказиш бўйича петиция эълон қилинди

Жамоавий мурожаатлар порталида мактабларда 5 кунлик ўқиш ва иш тартибига тўлиқ ўтиш бўйича петиция жойлаштирилди.

Ҳозирча ушбу таклиф бўйича расмий қарор қабул қилинмаган. Петиция етарли имзо тўпласа, мутасадди идоралар томонидан кўриб чиқилиши мумкин.

✉️ Юристга савол юбориш

Расмий каналимиз:
👉 @Yurist_Xizmati 👈

53k 1 706 608

Inside Ads

вдохновляющие истории

Продам твой канал за сутки.

Юрист Хизмати | Расмий канал

Гео и язык канала

Категория

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

Юрист Хизмати | Расмий канал

130 790

Популярное в канале

Язык сайта

Inside Ads

вдохновляющие истории

Продам твой канал за сутки.

Юрист Хизмати | Расмий канал

Гео и язык канала

Категория

130 790

Популярное в канале