Юрист Хизмати | Расмий канал

⚡️Метан “заправка”лар ҳафта охиригача 24 соатлик иш режимига ўтади

Ижтимоий тармоқларда Ўзбекистонда газ “заправка”лари ҳафта охиригача 24 соатлик иш режимига ўтиши ҳақида хабарлар тарқалди. Қалампир.уз таҳририяти маълумотга аниқлик киритиш мақсадида Энергетика вазирлиги матбуот котиби Ҳасан Тошхўжаев билан боғланди. 

Унинг билдиришича, қувурлардаги табиий газ босимининг яхшиланиши сабаб ҳафта давомида автомобилларга газ тўлдириш компрессор шохобчалари 24 соатлик иш графигига ўтказилади.

📩 Юристга савол юбориш

Расмий каналимиз:
👉 @Yurist_Xizmati 👈

#Эслатма

⚡️Эртадан, яъни 25 декабрдан ОТМ, техникум, коллеж ва касб-ҳунар мактаби ва академик лицейлар талаба ва ўқувчилари учун қишки таътил бошланади

Вазирлар Маҳкамасининг қарорида белгиланган вазифалар ижросини таъминлаш мақсадида Олий таълим, фан ва инновациялар вазирлигининг тегишли буйруғи билан олий таълим ташкилотлари талабалари, техникум, коллеж, касб-ҳунар мактаби ва академик лицейлар ўқувчиларига жорий ўқув йили учун бериладиган қишки таътил 2024 йилнинг 25 декабридан 2025 йилнинг 7 январига қадар (шу куни ҳам) этиб белгиланди.

📩 Юристга савол юбориш

Расмий каналимиз:
👉 @Yurist_Xizmati 👈

⚡️Давлат хизматларидан фойдаланиш янада осонлаштирилди.

Янги тартиблар билан танишинг

“Ўзбекистон Республикаси Ҳукуматининг айрим қарорларига ўзгартиришлар ва қўшимчалар киритиш тўғрисида”ги Ҳукумат қарори (847-сон, 18.12.2024 й.) қабул қилинди

Қарорга кўра, 5 турдаги давлат хизматлари проактив тарзда ҳамда 6 турдаги давлат хизматлари композит тарзда кўрсатиш йўлга қўйилмоқда.

Бунда қуйидаги давлат хизматларини проактив тарзда кўрсатиш йўлга қўйилмоқда:

🔹 электр энергиясини ҳисобга олиш ускуналарини даврий қиёслашдан ўтказиш;
🔹 табиий газни ҳисобга олиш ускуналарини даврий қиёслашдан ўтказиш;
🔹 ичимлик сувини ҳисобга олиш ускуналарини даврий қиёслашдан ўтказиш;
🔹 иссиқ сувни ҳисобга олиш ускуналарини даврий қиёслашдан ўтказиш;
🔹 хусусий бандлик агентликларини Хусусий бандлик агентликларининг реестрига киритиш.

❕Проактив давлат хизмати – жисмоний ва юридик шахсларнинг мурожаатларисиз ваколатли органлар ташаббуси билан кўрсатиладиган давлат хизматлари.

Шунингдек, қуйидаги давлат хизматларини композит тарзда кўрсатиш йўлга қўйилмоқда:

🔸кўчмас мулкка бўлган ҳуқуқни давлат рўйхатидан ўтказиш ва ушбу манзилга доимий яшаш жойи бўйича рўйхатга қўйиш;
🔸 кўчмас мулк ижара ёки текин фойдаланиш шартномаларини давлат солиқ хизмати органларида ҳисобга қўйиш ва ушбу манзилга вақтинча турган жойи бўйича рўйхатга қўйиш;
🔸 давлатга тегишли бино ёки иншоотни бир йилдан кам бўлмаган муддатга ижарага бериш ва кўчмас мулкка бўлган ҳуқуқни давлат рўйхатидан ўтказиш;
🔸 “E-auksion” электрон савдо платформасида кўчмас мулк объектларини сотиш ва кўчмас мулкка бўлган ҳуқуқларни давлат рўйхатидан ўтказиш;
🔸 тиббий фаолият учун лицензия билан бирга рентген ускунасидан фойдаланиш учун рухсатнома олиш;
🔸 хавфли юкларни ташиш учун сиғимларнинг яроқлилиги тўғрисида хулоса билан бирга ядровий ва радиоактив материаллар, радиация манбалари, радиоактив чиқиндилар ва қурилмаларни ташиш шартлари ва усулларининг санитария қоидаларига мувофиқлиги тўғрисида хулоса олиш.

❕Композит давлат хизмати – жисмоний ва юридик шахсларнинг битта мурожаати асосида ваколатли органлар томонидан кўрсатиладиган икки ва ундан ортиқ давлат хизматлари мажмуаси.

Бундан ташқари, қуйидаги 2 турдаги рухсат этиш хусусиятига эга давлат хизматларини кўрсатиш паспортлари тасдиқланди:

➖махсус киритиладиган биологик актив моддалар, янги кимёвий моддалар, озиқ-овқат қўшимчалари, биологик воситалар ва материаллар полимер ва пластик массалар, парфюмерия-косметика маҳсулотини (БАД) олиб кириш ҳамда ишлаб чиқариш учун рухсатнома;
➖маданий бойликларни Ўзбекистондан олиб чиқиш ёки вақтинча олиб чиқиш ҳуқуқини берувчи сертификат олиш.

Қуйидаги 3 турдаги фаолият турларини хабардор этишни назарда тутувчи давлат хизматларини кўрсатиш паспортлари тасдиқланди:

▪️божхона брокери фаолияти;
▪️халқаро куръерлик жўнатмаларини етказиб бериш бўйича фаолият;
▪️нодавлат архивларни ташкил этиш бўйича фаолият.

⚠️Шу муносабат билан, белгиланган нодавлат архивлар фаолиятини ташкил этишга доир ортиқча тартиблар бекор қилинди.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

Уй сотгандим 3 йилдан сўнг 12% солиқ тўлашимни айтишди, шу тўғрими?

@Yurist_Xizmati 4878-савол:

Assalomu alekum. Savolim 2021-yilda uy sotdi qilganmiz  12% daromad soliĝi bor ekan sotgan odamga bundan xabarimiz yòq edi. Endi 2024-yili muddat òtib ketgandan sòng soliq xodimlari xabar berishyapti shuni tòlamaslikning yoki kamaytirishning iloji bormi oilada yolĝiz maosh oluvchiman ikkita farzandimni oliy tàlimda shartnoma asosida òqityapman. Javob uchun oldindan rahmat

ЮРИСТ ЖАВОБИ:

Солиқ кодексининг 378-моддасига кўра, солиқ тўловчиларга хусусий мулк ҳуқуқи асосида тегишли бўлган мол-мулкни сотишдан олинадиган даромадлар, бироқ бундан ўттиз олти календар ойдан кам муддатда солиқ тўловчининг мулкида бўлган турар жойларни сотишдан олинган даромадлар мустасно.

Қоиданинг мазмунига кўра сиз уйни номингизга олган вақтингиздан бошлаб 3 йил ўтмасдан туриб сотсангиз, даромад солиғи тўлашингиз талаб этилади.

Бунда ушбу кодекс 375-моддасига мувофиқ мол-мулкни реализация қилишдан олинган даромадлар мазкур мол-мулкни реализация қилиш суммасининг ҳужжатлар билан тасдиқланган уни олиш қийматидан ошган қисми сифатида аниқланади.

Мазкур қийматни тасдиқловчи ҳужжатлар мавжуд бўлмаган тақдирда, мол-мулкни реализация қилиш қиймати, кўчмас мулк бўйича эса – кадастр қиймати ҳамда реализация қилиш нархи ўртасидаги ижобий фарқ даромад деб эътироф этилади.

Қоиданинг мазмунига солиқ суммаси олдинги олди-сотди шартномаси ва кейинги олди-сотди шартномасининг ўртасидаги фарқдан келиб чиқиб ҳисобланади.

💁‍♂ Мисол учун, уй-жой 2021 йилда 350 млн сўмга сотиб олинган ва 2023 йилда ушбу уй-жой 400 млн сўмга сотилса, унда ушбу қийматлар ўртасидаги фарқдан яъни 50 млн сўмдан ушбу Кодекснинг 381-моддасига биноан сиз даромаднинг 12 фоизини даромад солиғи сифатида тўлайсиз.

Энди сиздаги вазиятга келсак, агар уйни сотганингиздан сўнг 3 йил ўтган бўлса, унда сиз солиқ ундириш ҳақидаги солиқ органининг қарорини бекор қилишга ҳақлисиз. Бунда Солиқ кодексининг 88-моддасига биноан 3 йиллик даъво муддати белгиланган.

✅ Демак, сизлардаги ҳолатда ушбу муддат ўтган бўлсагина, фуқаролик суди орқали қарорни бекор қилиш мумкин.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

❗️Айрим давлат рақам белгилари учун тўлов миқдори камайтирилди ва айрим тўловлар ундирилиши бекор қилинди

“Рўйхатдан ўтказиш давлат рақами белгиларини ва қатъий ҳисобдаги бланкаларни беришда, автомототранспорт воситалари, уларнинг тиркамалари (ярим тиркамалари)ни рўйхатдан ўтказишда, қайта рўйхатдан ўтказишда, мажбурий техник кўрикдан ўтказишда, шунингдек имтиҳонларни олишда ундириладиган тўловлар ставкаларига ўзгартириш ва қўшимчалар киритиш тўғрисида”ги буйруқ Адлия вазирлигида давлат рўйхатидан ўтказилди (рўйхат рақами 2303-7, 23.12.2024 й.)

⚡️ Унга кўра, тўлов ставкалари қуйидагича миқдорда белгиланди:

➖Мототранспорт воситалари (мотоцикл, электромотоцикл, мопед ва скутерлар) ва тиркамаларга (ярим тиркамалар) РЎДРБ учун БҲМнинг 1,5 баравари миқдорида;

Илгари БҲМнинг 1,75 баравари эди.

➖Яроқсиз ҳолга келган, бузилган ёки шикастланган бир дона РЎДРБ ўрнига янги РЎДРБ бериш учун БҲМнинг 1,5 баравари миқдорида;

Илгари БҲМнинг 1,75 баравари эди.

➖Йўқотилган бир дона РЎДРБ (мототранспорт воситалари (мотоцикл, электромотоцикл, мопед ва скутерлар) ва тиркамалар (ярим тиркамалар) учун) ўрнига янги бир дона РЎДРБ бериш учун БҲМнинг 1,5 баравари миқдорида ундирилади;

Илгари БҲМнинг 1,75 баравари эди.

➖Электромобиллар (гибрид автомобиллар), мототранспорт воситалари (мотоцикл, электромотоцикл, мопед ва скутерлар) ва тиркамаларни (ярим тиркамаларни) рўйхатдан ўтказиш учун БҲМнинг 1,5 баравари миқдорида;

➖Электромобиллар (гибрид автомобиллар), мототранспорт воситалари (мотоцикл, электромотоцикл, мопед ва скутерлар) ва автотранспорт воситалари тиркамаларидан (ярим тиркамаларидан) бошқа барча автотранспорт воситаларини рўйхатдан ўтказиш учун БҲМнинг 6,84 баравари миқдорида;

➖Автортанспорт воситалари, электромобиллар (гибрид автомобиллар), мототранспорт воситалари (мотоцикл, электромотоцикл, мопед ва скутерлар) ва тиркамаларни (ярим тиркамаларни) қайта рўйхатдан ўтказиш учун БҲМнинг 10 фоизи миқдорида.

❌ Шунингдек, қуйидаги тўловларнинг ундирилиши бекор қилинди:

🚫 яроқсиз ҳолга келган, шикастланган ёки ўғирланган автомототранспорт воситаси рўйхатдан ўтказилганлиги тўғрисида гувоҳнома дубликатини бериш учун БҲМнинг 70 фоизи миқдоридаги тўлов;

🚫 йўқотилган автомототранспорт воситаси рўйхатдан ўтказилганлиги тўғрисида гувоҳнома дубликатини бериш учун БҲМнинг 1 баравари миқдоридаги тўлов;

🚫 йўқотилган автомототранспорт воситасини рўйхатдан ўтказиш ҳақида вақтинчалик гувоҳнома дубликатини бериш учун белгиланган тўлов ставкасининг 5 баравари миқдоридаги тўлов.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

⚡️Фармонга мувофиқ, ҳокимликларга қуйидаги ваколатлар берилади:

2025 йил 1 мартдан ҳудуди 10 минг метр квадратдан, баҳоланган қиймати 5 минг БҲМдан ошмаган ҳамда 6 ой давомида сотилмаган маҳаллий давлат ҳокимияти органларига тегишли кўчмас мулк объектларини 2 йил ичида янги лойиҳани ишга тушириш ва иш ўринлари яратиш шарти билан:

🔹 тадбиркорларга тўғридан-тўғри 10 йил муддатга ижарага бериш ҳамда давлат мулки учун 4 йил давомида узлуксиз ижара тўловларини амалга оширган ва ижара шартномаси шартларини бажарган тадбиркорга хусусийлаштириш ёки баҳоланган қийматда тўғридан-тўғри сотиш;

🔹халқаро тан олинган хорижий тил ва малака сертификатларини олишга ўқитадиган маҳаллий ҳамда хорижий мутахассислар ёки ташкилотларга дастлабки биринчи йили ижара тўлови ундирмасдан 5 йил муддатга кейинчалик унинг муддатини узайтириш шарти билан ижарага бериш.

🏢 Туман (шаҳар)лар ҳокимликларига қуйидаги йўналишларда маъмурий ваколатлар берилади:

▪️ давлат бошқаруви органлари ва тадбиркорлар ўртасида “доимий алоқа” тизимини яратиш мақсадида туман (шаҳар)ларда Тадбиркорлар жамоатчилик кенгашини тузиш;

▪️ 2025 йил 1 январдан белгиланган вазирлик ва идораларнинг туман (шаҳар) бўлимлари раҳбарларини масъул вазирлик ва идораларнинг ҳудудий бошқармалари билан келишилган ҳолда лавозимга тайинлаш ва лавозимидан озод этиш, шунингдек, тегишли масъулларга рағбатлантириш ёки интизомий жавобгарликка тортиш чораларини кўриш;

▪️ 2025 йил 1 январдан 2026 йил 1 январгача белгиланган рўйхат бўйича туман (шаҳар)ларда ҳуқуқий эксперимент тариқасида туман (шаҳар) ҳокимлиги фаолиятини “Аҳоли ва тадбиркорлар манфаатларига хизмат қилиш” янгича ёндашуви асосида ташкил этиш.

📩 Юристга савол юбориш

Расмий каналимиз:
👉 @Yurist_Xizmati 👈

⚡️ Фармонга кўра, 2025 йилдан қуйидагиларга рухсат берилади:

✔️ Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар кенгашларига:

🔹туман (шаҳар)ларнинг иқтисодий ривожланиш даражасидан келиб чиқиб, ЯТТлар учун жисмоний шахслардан олинадиган даромад солиғининг энг кам ва энг юқори қатъий белгиланган ставкалари доирасида туман (шаҳар)лар кесимида ЯТТларга қатъий солиқ ставкалари миқдорини белгилаш;

🔹солиқ солиш мақсадида қўлланадиган кўчмас мулк ижара қийматининг 1 метр квадрат учун ўрнатилган минимал миқдорларига нисбатан туман (шаҳар)лар кесимида 2 баробаргача оширувчи коэффициент, хусусан, Тошкент шаҳрида ушбу оширувчи коэффициентни ер солиғи каби зоналар кесимида қўллаш;

📌 халқ депутатлари туман (шаҳар)лар кенгашларига:

🔸сув ресурсларидан фойдаланганлик учун солиқ ставкаларига 0,7 баробардан 1,5 баробаргача камайтирувчи ёки оширувчи коэффициент қўллаш;

🔸норуда қурилиш материаллари бўйича ер қаъридан фойдаланганлик учун солиқнинг қатъий белгиланган ставкаларига 1,3 баробаргача оширувчи коэффициент белгилаш ваколатларини бериш.

📩 Юристга савол юбориш

Расмий каналимиз:
👉 @Yurist_Xizmati 👈

❗️Ҳудудларда юқори иқтисодий ўсишни таъминлашнинг янги тизими йўлга қўйилади

“Ҳудудларда юқори иқтисодий ўсиш ва аҳоли бандлигини таъминлашнинг янги тизимини йўлга қўйиш ҳамда бу борада маҳаллий ҳокимликларнинг роли ва масъулиятини ошириш
чора-тадбирлари тўғрисида”ги Президент Фармони (ПФ-223-сон, 20.12.2024 й.) қабул қилинди

Фармонга кўра, маҳаллий ҳокимликлар масъулияти ва ҳисобдорлигини ошириш ҳамда уларнинг ташаббускорлиги, ислоҳот ва ўзгаришларга “эгалик қилиш” ролини кучайтиришга қаратилган тизим жорий этилади.

2025 йилда республика ва ҳудудлар кесимида иқтисодий ўсиш, ишсизлик ҳамда камбағаллик даражасини пасайтириш бўйича мақсадли кўрсаткичлар тасдиқланди.

✅ Маҳаллий давлат ҳокимияти органларига қуйидаги молиявий имконият ва ваколатлар берилади:

➖2025 йил 1 январдан айланмадан олинадиган солиқ, юридик шахсларнинг мол-мулкига солинадиган солиқ, юридик шахслардан олинадиган ер солиғи, давлат активларини ижарага беришдан тушумларни тўлиқ ҳажмда ҳамда жисмоний шахслардан олинадиган даромад солиғи тушумларининг камида 50 фоиз қисмини туман (шаҳар)лар бюджетларига ўтказиш;

➖маҳаллий давлат ҳокимияти органларига тегишли бўлган акциялар (улушлар)ни сотишдан тушган маблағларнинг 90 фоизи Қорақалпоғистон Республикасининг республика бюджетига, вилоятларнинг вилоят бюджетига ва Тошкент шаҳрининг шаҳар бюджетига ҳамда объект жойлашган туман (шаҳар) бюджетига тенг улушларда тақсимланади.

📩 Юристга савол юбориш

Расмий каналимиз:
👉 @Yurist_Xizmati 👈

❗️Дарс вақтида телефондан фойдаланадиган ўқувчиларга қандай чора кўриш мумкин?

@Yurist_Xizmati 4877-савол:

Salom savolim bor edi. Men maktabda tarix fanidan dars beraman. Savolim shuki sinfda dars vaqtida  o‘quvchilar telefon o‘ynab o‘tirsa va o‘qituvchiga bo‘ysunmasa telefo‘nni o‘qituvchiga topshirishdan bosh tortsa  o‘quvchi telefonni o‘chirib yoki ovozsiz rejimga qo‘ymasa umuman o‘qituvchiga bo‘ysunmasa va telefo‘nni o‘qituvchiga topshirishdan bosh tortsa. Malumki o‘qituvchi o‘quvchiga kuch ishlatishi mumkin emas. Endi bu vaziyatda o‘qituvchi qonunan  nima qilishi kerak. Bitta shu telefon topshirmagan o‘quvchiga chora ko‘raman bayonnoma tuzaman deb yursa dars mashg‘uloti qolib ketadi  qolgan tarbiyali o‘quvchilarga dars o‘tishi kerak. Darsda bitta o‘quvchining telefonini olaman deb yursa dars vaqti tugab qoladi. dars mashg‘ulotlari qolib ketadi. shu vaziyatda qonuniy nima qilish mumkin o‘quvchini darsdan chiqarib yuborish mumkin emas. o‘quvchi telefon topshirishdan bosh tortyabdi kuch ishlatib bo‘lmaydi. Bunday vaziyatda qonuniy nima qilish mumkim?

ЮРИСТ ЖАВОБИ:

Вазирлар Маҳкамасининг 2012-йил 21 майдаги 139-сон қарорига иловада тасдиқланган Ўзбекистон Республикаси таълим муассасаларида мобил телефонлардан фойдаланиш тартиби тўғрисидаги Низом 7-бандида таълим муассасаларида ўтказиладиган ўқув машғулотлари ва тадбирлар (сафланиш, тарбиявий соатлар, байрам, спорт тадбирлари ва шу кабилар) бошланишидан олдин таълим олувчилар:
👉 телефонини ўчириб қўйиши;
👉 телефонини портфели, сумкаси ва шу кабиларга солиб қўйиши шартлиги белгиланган.

❕Шундай экан ҳар бир ўқувчи мактаб ҳудудига кирганда юқоридаги ҳаракатларни амалга ошириши шарт.

Шунингдек, Мактабгача ва мактаб таълими вазирининг 2023-йил 31-августдаги 282-сон буйруғига 1-иловада тасдиқланган Умумий ўрта таълим муассасасининг такомиллаштирилган намунавий одоб-ахлоқ қоидалари 9-бандига кўра ўқувчилар томонидан мобил телефондан фойдаланиш қоидаларига риоя этилишини барча педагоглар, жумладан синф раҳбарлари шахсан назорат қилади.

❗️Эътибор беринг! Бунда ўқитувчи томонидан огоҳлантирилишига қарамай дарс жараёнида телефондан фойдаланиш ҳолатлари давом этганда фан ўқитувчиси, синф раҳбари, директор ўринбосари, психолог (инспектор-психолог) иштирокида ўқувчининг телефони (смартфон, планшет ва бошқа қурилмалар) олиб қўйилади ва ҳолат юзасидан мактаб директори ҳамда ўқувчининг ота-онаси ёки бошқа қонуний вакиллари огоҳлантирилади.

☝️Мана шу қоидага кўра ўқувчи дарс жараёнида телефондан фойдаланса, ўқитувчи биринчи раҳбариятга хабар бериши ва юқоридаги ҳаракатларни амалга ошириш керак.

❗️ Бундай ҳолатда ота-онага Маъмурий жавобгарлик тўғрисидаги кодекс 47-модддаси иккинчи қисми билан жавобгарлик чораси қўлланилади. Яъни Худди шундай ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса:
➖ базавий ҳисоблаш миқдорининг 5 бараваридан 10 баравари (1 875 000 сўмдан 3 750 000 сўм)гача миқдорда жарима солишга сабаб бўлади.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

🎗Республика "Йил мактаби — 2024" танлови якунланишига 6 кун вақт қолди

Танлов охирлаб қизғин палласига етиб бормоқда.

Республика миқёсида ташкил этилган "Йил мактаби - 2024" ижтимоий лойиҳасининг 22 декабрь натижасига кўра энг кўп овоз тўплаб, пешқадам кетаётган ТОП-10 мактаблар:

1️⃣Фарғона вилояти, Марғилон шаҳри, 18-сонли умумтаълим мактаби - 8586 та;
2️⃣Тошкент вилояти, Бекобод тумани, 46-сонли умумтаълим мактаби - 6408 та;a
3️⃣Сурхондарё вилояти, Музробот тумани, 7-сонли умумтаълим мактаби - 4956 та;
4️⃣Тошкент шаҳри, Олмазорw тумани, 134-сонли умумтаълим мактаби - 4626 та;
5️⃣Наманган вилояти, Наманган шаҳри, 13-сонли умумтаълим мактаби - 4377 та;
6️⃣Хоразм вилояти, Боғот тумани, Чет тилларга ихтисослаштирилган мактаб - 3375 та;
7️⃣Тошкент шаҳри, Сергили тумани, 68-сонли умумтаълим мактаби - 3286 та;
8️⃣Тошкент вилояти, Оҳангарон шаҳри, 3-сонли умумтаълим мактаби - 3051 та;
9️⃣Самарқанд вилояти, Самарқанд шаҳри, 81-сонли умумтаълим мактаби - 2806 та;
🔟Қашқадарё вилояти, Яккабоғ тумани, 20-сонли умумтаълим мактаби - 2645 та.

❕Эслатма: Ушбу ижтимоий лойиҳа овоз бериш йўли орқали ўтказилади ва Республика миқёсида энг кўп овоз тўплаган, 1, 2 ва 3-ўринни эгаллаган мактабларга пул мукофоти, эсдалик совғалар ва махсус сертификатлар тантанали тарзда топширилади.

Вилоят миқёсида 1, 2 ва 3-ўринни олган мактаблар ҳам расмий саҳифамиз орқали махсус сертификат билан тақдирланадилар ва ушбу мактаблар ҳам ижтимоий тармоқларда ёритилади.

Овоз бериш @Yil_Maktabi2024_bot расмий боти орқали амалга оширилади.

Барча мактаб гуруҳларига юборинг ва мактабингиз Республика бўйича "ЙИЛ МАКТАБИ" деб эътироф этилиши учун овоз беринг.

Мактаблар рўйхати: @Yil_Maktabi2024_bot

👉 ОВОЗ БЕРИШ

⚡️2025 йил 1 январдан она тили ва тарих ўқитувчиларига 50% устама бериш тартиби жорий этилади

Ўзбекистон Республикаси Президентининг 2024 йил 21 февралдаги ПФ-37-сон Фармонида 2025 йил 1 январдан бошлаб умумий ўрта таълим муассасаларида она тили ва адабиёт ҳамда тарих фанлари бўйича Билим ва малакаларни баҳолаш агентлигининг миллий баҳолаш тизимида олинган тегишли даражадаги сертификатга эга бўлган ва ушбу фанлардан дарс берувчи педагог кадрларга уларнинг тариф ставкасига нисбатан 50 фоиз миқдорида ҳар ойлик қошимча устама тўланиши белгиланган

Мазкур вазифанинг тўлиқ, сифатли сўзсиз бажарилиши учун масъул этиб Мактабгача ва мактаб таълими вазири Ҳилола Умарова белгиланган. Яъни, вазирлик ҳеч қандай важларсиз мазкур топшириқ ижросини 1 январдан бошлаб бажариши шарт қилиб қўйилган.

Ҳозирги кунда Ўзбекистон Республикаси Президентининг 2022 йил 11 майдаги ПФ- 134-сон Фармонига увофиқ миллий сертификатга эга бўлган она тили ва адабиёт ҳамда тарих фани ўқитувчиларига тўланадиган устама миқдори 20 фоизни ташкил этади.

✅ 2025 йилдан бошлаб эса ушбу устамалар миқдори 50 фоизга оширилиши белгиланган.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

#Биласизми

❗️Педагог ходимларга таълим муассасасида қуйидагилар тақиқланади

Мактабгача ва мактаб таълими вазирининг 2023 йил 31 августдаги “Умумий ўрта таълим муассасасининг такомиллаштирилган намунавий одоб-ахлоқ қоидаларини тасдиқлаш тўғрисида”ги 282-сонли буйруғида мазкур меъёрлар белгиланган.

Шунга кўра, педагогларга таълим муассасасида қуйидагилар тақиқланади:

🚫 жамоа аъзолари ва бошқаларнинг шахсиятини, қадр-қимматини камситиш, руҳий, жисмоний ва бошқа зўравонлик кўрсатиш;

🚫 ўқувчиларни дарс машғулотларидан сабабсиз чиқариб юбориш ёки киритмаслик;

🚫 “Чиқиш” қўнғироғи чалингандан кейин ўқувчиларни сабабсиз синф хонасида ушлаб туриш;

🚫 таълим муассасасига спиртли ичимликлар истеъмол қилган ҳолда келиш;

🚫 таълим муассасасининг ҳудуди ва биносида спиртли ичимликлар ҳамда тамаки маҳсулотларини истеъмол қилиш;

🚫 муассаса ҳудуди ва биносида ўқувчиларнинг таълим-тарбиясига алоқаси бўлмаган турли хил тадбирларни ташкил этиш;

🚫 таълим муассасаларида ўтказиладиган барча тадбирлар ва уларга тайёргарлик ишларини дарс машғулотлари вақтида ўтказиш.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Судга мурожаат қилганда қанча давлат божи тўланади?

@Yurist_Xizmati 4876-савол:

Ассалому алейкум  мени саволим шундан иборат эди .Кизимнинг турмуш булмади . Кизимнинг сепига килган мол-мулкимнинг бахоси 20.876000 сум булди . Нарсаларимизни кайтариб олиш учун фукаролик судига мурожаат килсам Давлат божи канча булади

ЮРИСТ ЖАВОБИ:

Давлат божи тўғрисидаги қонунга иловада тасдиқланган Давлат божи ставкаларининг Миқдорлари 1-бандига кўра  Фуқаролик ишлари бўйича судларга бериладиган  мулкий хусусиятга эга даъво аризаларидан даъво баҳосининг 4 фоизи миқдорида, бироқ БҲМнинг 1 бараваридан кам бўлмаган миқдорда давлат божи ундиририлади.

✅ Демак, сиздаги ҳолатда ҳам давлат божи сиз даъво қилаётган сумманинг 4 фоизи миқдорида ундирилади.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Samarqanddagi qizlar o‘rtasidagi janjalga Bolalar ombudsmani rasmiy munosabat bildirdi

Joriy yilning 13-dekabr kuni K.U (2008-yilda tugʻilgan qiz bola) A.R (2005-yilda tugʻilgan ayol) tomonidan kaltaklangan.

Aniqlanishicha, voyaga yetmagan K.U. goʻyoki A.R. haqida nomaqbul gaplar aytganligini u boshqalardan eshitgach, A.R. istirohat bogʻida  qizni yerga yotqizib, yuzi va tanasiga musht urgan, sochidan tortib yerda sudragan va buni atrofdagilar kuzatib turgan.

❗️Mazkur holat yuzasidan Kattaqoʻrgʻon tumani IIB tomonidan tergovga qadar tekshiruv olib borilmoqda.

Jarohat darajasini aniqlash maqsadida K.U. ga nisbatan sud-tibbiyot ekspertizasi tayinlangan.

❗️Voyaga yetmagan qizga nisbatan sodir etilgan bunday zoʻravonlik harakatlariga qatʼiy qonuniy chora koʻrilishi shart!

Bolalar ombudsmani mazkur holat yuzasidan oʻz kuzatuvini davom ettiradi.

📩 Yuristga savol yuborish

Rasmiy kanalimiz:
👉 @Yurist_Xizmati