O‘zbekiston texnik jihatdan tartibga solish agentligi mas’ullari hamda O‘zbekiston–Yaponiya yoshlar innovatsiya markazi vakillari o‘rtasida uchrashuv bo‘lib o‘tdi.

Mazkur uchrashuvda ta’lim muassalarida o‘quvchilarga energiya sarfi savodxonligi amaliy dasturlarini joriy etish hamda ushbu yo‘nalishda Yaponiya tajribasi asosida O‘zbekiston Respublikasi Maktabgacha va maktab ta’limi vazirligi mutaxassislarini tayyorlash bo‘yicha hamkorlik qilishga kelishib olindi.

Shu bilan birga, energiyani tejash, tabiatga bo‘lgan uning ta’siri, ekologiyani asrashga qaratilgan amaliy qo‘llanmaga asosan o‘quvchilarni o‘qitish hamda yaponiyalik mutaxassislar yordamida o‘qituvchilarni tayyorlash va amaliy darsliklarni ishlab chiqish masalalari tomonlar oʻrtasida muhokama qilindi.