✅Bugun Xalqaro jurnalistika fakultetida media sohasi va boshlovchilik san’atiga bag‘ishlangan ijodiy uchrashuv bo‘lib o‘tdi. Tadbir mehmoni aktyor, boshlovchi, radio boshlovchi, va diktor, O‘zbekiston Milliy teleradiokompaniyasi xodimi Azamat Oxundi bo‘ldi.

⚡️Uchrashuvda fakultetning 1-kurs talabalari ishtirok etishdi. Azamat Oxundi o‘zining boy tajribasi asosida OAV sohasida muvaffaqiyatga erishish, boshlovchilik mahoratini rivojlantirish hamda so‘z san’atining nozik jihatlari haqida qimmatli fikrlarini bildirdi. Shuningdek, u media olamidagi zamonaviy tendensiyalar, ommaviy axborot vositalarida o‘z o‘rnini topish va auditoriya bilan ishlash usullari haqida ham muhim tavsiyalar berdi.

Talabalar mehmon bilan ochiq muloqot qildilar, o‘zlarini qiziqtirgan savollarga javob olishdi. Uchrashuv ishtirokchilari uchun bu nafaqat qimmatli tajriba almashish, balki kasbiy yo‘nalishlarini aniqlashtirish va kelajakdagi faoliyatlari uchun muhim tavsiyalar olish imkoniyati bo‘ldi.

@xalqarojurnalistika_fakulteti