Ushbu monografiyada Gʻarbiy Turk xoqonligining (568–740) davlat sifatida shakllanishi, boshqaruv tuzumi, maʼmuriy-hududiy tuzilishi, vassallar boshqaruvi masalalari hamda harbiy-maʼmuriy boshqaruviga xos “Oʻn Oʻq” tuzilmasining genezisi yoritilgan. Bundan tashqari, Gʻarbiy Turk xoqonligining oʻziga xos tanga-pul tizimi boʻlgani, xoqonlar oʻz nomlaridan Choch vohasida tanga zarb qildirishgani va ularda xoqonlikka xos hokimiyat ramzlari oʻrin olganligi masalasi koʻrib chiqilgan.