Yuqoridagi domlaning Qur'on haqida yozganalarini o'qib esimga tushdi, aytib ketay.

Boya bir oyatga ko'zim tushgandi. Unda Alloh taolo turli gunohlar qilgan bandalarini "o'z joniga jabr qilganlar" deb nomlaydi. Oyat oqimida bu gunohlar qancha bo'lishidan qat'iy nazar Alloh ularni kechirishini aytadi va tavbaga chaqiradi. Bu yerda nimaga urg'u bermoqchimanki, Alloh gunoh qilgan bandasini o'z joniga zulm qilgan deyapti. Demak, gunoh tamg'asi bor har qanday amal avvalo o'sha insonning o'ziga jabr, zarar yetkazarkan. O'ylashingiz mumkin: "gunoh qilgandan keyin Alloh jazolayman degan, o'sha zulm nazarda tutilayotgan bo'lsa kerak", deya. Shunday o'ylamasligimiz uchun Alloh o'sha gunohlarni qancha bo'lsa ham hammasini kechirib yuborishini aytyapti oyatda.

Demak, ma'lum bo'ladiki, qaysi gunoh amal bo'lishidan qat'iy nazar gunohning sodir bo'lishiyoq qandaydir ko'rinishda o'zimizga zarar berar ekan shu dunyoning o'zida. Yana xulosa qilish mumkinki, Alloh bir amalni gunoh deb, uni qilishdan qaytarganida faqatgina bizga zarar yetmasligi uchun qaytargan ekan. Naqadar mag'firatli va naqadar mehribon Robbimiz bor.

@Shuhrat_Ali_blogi