Avvalroq bu yerda yozganlarim yuqoridagi videolar turkumiga qisqa ta'rif o'laroq fikrlar edi. Mualliflar bilan mutlaqo tanish emasman, shunchaki, videoda o'zlari bu turdagi videolar davom etishini signal berishgan edi.

Soddalashtirish va tushunarli bo'lishi uchun yuqoridagi fikrlarga qo'shimcha qilaman — shorts videolar, vaynlar, umuman bu kabi kontentlarga qaramlikning salbiy oqibatlari avvalgi davrlardagi tamaki va narkotikga qaramlikdan kam emas. Zehn markazda shu xavfni his qilib ushlagan holda ushbu propaganda turkumidagi barcha videolarni ko'rib, tahlil qilgan holda tomosha qilib chiqishni tavsiya qilaman yana bir bor.

Surbetlik bo'lib tuyulishi mumkin bo'lsa-da, aytishga majburman: bu turdagi videolar iste'moliga mukkasidan ketish xuddi tamaki va narkotikga qaramlikda bo'lgani kabi avvalo kattalarda bor. Men buni turli o'rinlarda jonli guvohi bo'lganim uchun aytyapman. Qaytanga o'z qadriyatlariga ega yoshlar bunda o'ziga cheklovlar qo'ya oladi. Hech qanday qadriyatlari yo'q, muqaddas tushunchalarga ega bo'lmagan, o'lchovi odamlargina bo'lgan ommaga ergashib yashaydigan katta avlodning ba'zi vakillari avvalo o'z farzandlariga o'rnak o'laroq bunday videomahsulotlar qat'iy chetlanishi kerak deb o'ylayman. Shundagina yoshlarga, o'smirlarga yuzlanib, bulardan qaytarishga urinishlar foyda beradi.

Hali ko'p gapirsa bo'ladi bu masalada, ammo cho'zilib ketadi. Yaxshisi videolarni diqqat bilan ko'rib, uni yaqin insonlar bilan muhokama qilaroq tahlil qilinsa, so'ngra tuzatilishi kerak bo'lgan kamchiliklarni to'g'rilash payidan bo'linsa samaraliroq bo'ladi deb o'ylayman.

@Shuhrat_Ali_blogi