Йиғлайман...

Ғанимларим ғам еманг асло ,
Тиғласам ўзимни тиғлайман ,
Озор бермай ерга деб хатто ,
Кўз ёш тўкмасдан йиғлайман...

Кўринсам барчага шод бўлиб ,
Иғвогар қийналсин мот бўлиб ,
Оллохдан ўзгага ёт бўлиб ,
Кўз ёш тўкмасдан йиғлайман...

Ғофил бош шайтонга эгилса ,
Энг яқин одамдан безилса ,
Эзилган юрагим эзилса ,
Кўз ёш тўкмасдан йиғлайман...

Кўнгли бўш эмасман аслида ,
Хар юмуш хар кимнинг қалбида ,
Тиз чўкиб отамнинг қабрига ,
Кўз ёш тўкмасдан йиғлайман...

Дўстга зор , ёвга хор кунимда ,
Гоҳ бедор , гоҳ бемор тунимда ,
Гоҳ онам кирмаса тушимга ,
Кўз ёш тўкмасдан йиғлайман...

Йиғлатиб қўйганлар кулинглар ,
Дунёни тўлдириб юринглар ,
Мирзодан хотиржам бўлинглар ,
Ҳеч кимга дардимни айтмасдан ,
Кўз ёш тўкмасдан йиғлайман...

✍ Mirzo Karim Sheʼri

@sheriat_olami